الموضوع: حكايتنا مع العربيه

من فتره وانا ملاحظه حده الحورات فيما يخص العربيات وكل واحد عايز يجبر الكل علي وجهه نظره.....
بل قد يتطور الحوار الي اسلوب لا يليق .....واي واحد يدخل يحاول يستفيد كل اللي حيحصل انه تقريبا ضيع وقت في قراءه جدل عقيم وميطلعش بمعلومه كويسه.....
ولاني شخصيا مريت بهذه التجربه عند تغيير عربيتي ....
ففكرت في حاجه....
ليه مش كل واحد مننا يحكي عن تجربته الشخصيه مع عربيته من يوم ما اشتراها لغايه دلوقتي
الاول يقول عربيته موديل ايه وجابها زيرو ولا لا
ثانيا..اختارها ليه كان ايه متطلباته لما فكر يجيبها
يعني هو كان حاببها ولا الفلوس اجبرته ولا ايه بالظبط
بعد ماجابها ايه انطباعه هو عنها(مش من ناحيه السحب والاداء) .....ايه اكتر حاجه حبها في العربيه
وايه اكتر حاجه كرهها فيها
وايه اللي كان نفسه يبقي موجود فيها
بس رجاء من غير مقارنه العربيه بتاعته مع اي عربيه ايا كانت.....حتي لو بذكر عيوبها
انطباعك فقط عن العربيه بتاعتك فقط كما لو كان مفيش غيرها ماشيه في الشارع.....
وارجو ان يفيد الموضوع كل واحد ممكن تتشابه ظروفه مع صاحب العربيه فيستفيد من كلامه ومن تجربته
انا استوحيت الفكره من قصه نور العمر مع عربيتها........لو تسمحلي بده
ومش بطريقه القصه المطوله ولكن بمداخلات قصيره وموجزه....
انا عارفه ان فيه منكم حيقول كل قسم ملئ بالتجارب
بس انا بتكلم عن الاحتياجات الشخصيه من وجهه نظرك وليس من ناحيه الميكانيكا وقدرات العربيه
العربيه حققت ده ولا لا
وشكرا