ارجو النصح و الرد بسرعه

**mjemy** · 24-05-2009 10:14 PM

السلام عليكم جميعا
انا في حيره, حيث اني ابحث لزوجتي علي عربيه في حدود 65000
امامي عربه صني مو 2005 ياباني بالكامل اتوماتيك و العداد عامل 36000
العربيه فابريقه بالكامل ماعدا الرفرف و الاكصدام الخلفي
العربيه محتاجه شويه مصاريف ...... تيل و طنابير و طقم سيور و زيت و هكذا
مطلوب فيها 70000 ارجو النصح, انا مش عارف ده تمام و لا هيا مقامها كام
ارجو الرد بسرعه
محمد

**mahgary** · 26-05-2009 08:40 PM

اناشايف انها غاليه شويه

**amir** · 26-05-2009 10:30 PM

65 الف
مممم
مفكرتش ليه في حاجه من الحاجات الصغيره الاوتوماتك زيرو؟

**akram2010** · 26-05-2009 10:44 PM

اشترى فيرنا زيرو وريح دماغك ( 66000 ج فى عرض مايو تقريبآ من الوكاله ) فى حدود السعر المفترض وافضل لك من المستعمل والنسيان لاتوكيل ولاقطع غيار متوفرة فى كل شيىء والمستعمل اكيد غصب عنك ستقوم باصلاح وتنظيف يعنى تصرف على ثمنها

26-05-2009 11:06 PM

فيرنا ؟؟؟؟؟؟؟
صاحب الموضوع بيستشير في نيسان معروضة للبيع مستعملة في قسم الياباني / قسم نيسان
مش في قسم المقارنات

**akram2010** · 27-05-2009 01:34 AM

المشاركة الأصلية كتبت بواسطة kita66

يا عم اكرم هو تأليف وخلاص قطع غيار ايه الى مش موجوده ولا توكيل هو اى كلا وخلاص نيسان توكيل محترم جدا جدا قطع غيار متوفره وأختيار ممتاز وبعد ين فيرنا ايه الى بتقارنه بالصنى مع احترامى للفيرنا

لا ياخى الكريم
انا اتكلم هنا عن سيارة بحدود سعرة وعلى الزيرو ويريح دماغه خمس سنين لو رجل واحدة تسوق السيارة وما يدفع الا بنزين وزيوت فقط . اما لو نفس المبلغ بسيارة مستعمله اربع سنين وصنى بتكون عاوزة ميه حاجه ويخلص منها تفتح التانيه وبعدين قطع الغيار لما يروح يغير الاكصطدام الخلفى والرفرف هايدفع كام وبعدين انت تعرف الموضوع دهان وسمكرة ومش بعيد كهرباء . فالنصيحه ليس مقارنه وانما حاجه زيرو بسعر المبلغ المرصود للسيارة ويريح دماغه خمس سنين مع المحافظه على العربيه

**amir** · 27-05-2009 01:59 AM

المشاركة الأصلية كتبت بواسطة akram2010

وصنى بتكون عاوزة ميه حاجه ويخلص منها تفتح التانيه

انت نازل تقطيع و افترا علي العربيه كدا ليه
ده لولا ان الراجل رينج سعره ميجيبش صني زيرو كنت هاقوله عليها
قف من انت

بجد انا مش مقتنع انت مالك للصني ولا ركبتها ولا ايه بالظبط
برجاء توضيح كلامك تفصيليا علشان يمكن اكون انا اللي غلطان و الصني فعلا عربيه لادا او 128 متنكره ولا تمت للياباني بصله

**sab3aawy** · 27-05-2009 10:35 AM

المشاركة الأصلية كتبت بواسطة akram2010

اشترى فيرنا زيرو وريح دماغك ( 66000 ج فى عرض مايو تقريبآ من الوكاله ) فى حدود السعر المفترض وافضل لك من المستعمل والنسيان لاتوكيل ولاقطع غيار متوفرة فى كل شيىء والمستعمل اكيد غصب عنك ستقوم باصلاح وتنظيف يعنى تصرف على ثمنها

ياريت نتحرى دقة المعلومة قبل ان ننشرها حتى لا نضلل بها احد ، حضرتك بتقول ان النيسان لا توكيل ولا قطع غيار متوفرة، يبدو ان حضرتك مش عايش فى مصر والا يمكن كنت لاحظت ان الصنى اكثر عربية ماشيه فى شوارع مصر حاليا واكثر العربيات مبيعا فى فئتها منذ بدأ انتاجها محليا من 2006 وكثر عربية ليها مراكز صيانة(7 مراكز صيانة داخل القاهرة فقط -غير عدد كبير من المراكز فى انحاء الجمهورية) وقطع غيارها موجودة بغزارة عند كل بتوع قطع الغيار، اصلى وكورى وتايوانى وصينى وزى ما انت عايز على حسب انت عايز تدفع كام، لذلك ياريت مانقولش معلومة غير لما نكون عارفين مدى صحتها

بالنسبة لسؤال الموضوع الأصلى فالسيارة كدة غالية شوية، توبها 65 ألف