صوت طقطقة عند الملفات

**kemks** · 25-05-2009 07:19 AM

السلام عليكم يا شباب

لما الف الدريكسيون و انا في ملف بسمع صوت طقطقه خفيفه جدا و لما الدريكسيون يرجع تاني مكانه مفيش اي صوت

ساعات بسمع الصوت علي الملفات و ساعات مش بسمعه و شكرا

**Sharaf2009** · 25-05-2009 10:03 AM

المشاركة الأصلية كتبت بواسطة kemks

السلام عليكم يا شباب

لما الف الدريكسيون و انا في ملف بسمع صوت طقطقه خفيفه جدا و لما الدريكسيون يرجع تاني مكانه مفيش اي صوت

ساعات بسمع الصوت علي الملفات و ساعات مش بسمعه و شكرا

على حسب الصوت جاى منين ...أعتقد ان لو عربيتك دفع أمامى يبقى صوت الطقطقه غالبا من الكبالن

اما ليه احيانا بتسمع او مابتسمعشى الصوت فده بيعتمد على انت بتدوس على دواسة البنزين فى نفس الوقت اللى بتلف فيه ولا لأ ... لو مش دايس على دواسة البنزين يبقى صوت الطقطقه هايقل خالص ... ودى صور للكوبلم ومكانه فى العربيه

**haysam2000** · 25-05-2009 08:41 PM

الكلام ده تمام

**kemks** · 26-05-2009 07:25 AM

شكرا يا Sharaf2009

طيب علي كده في تصليح للكوبلن و لا بيتغير علي طول

**samirayad** · 26-05-2009 07:35 AM

ولا ليه لزمه تصليحه ..............جديد على طول
دى صوره ليه بكامل أجزاءه التفصيليه ..........وآدى صوره ليه لتحديد الأماكن اللى بتبوظ وبتشكل خطر عند أستعماله وهو بيطقطق

**samirayad** · 26-05-2009 07:56 AM

عاوز أقول برضه .....لو بصينا على الكبلن وهو مفصص وباين أماكن التلف باللون الأحمر .....هى دى الأماكن اللى بتبوظ وبيحصل مع بوظانها الطقطقه المعروفه ......[gdwl]دا غير تعرض البلى للتلف من على جسمه الخارجى مع الطقطقه وتكبير الدماغ وممكن تنكسر الشبكه cage اللى بتجمع البلى مع رأس الكبلن housing.فى الصوره..[/gdwl]........ولو الحاله تفحلت والبلى فرط وتكسرت الشبكه بتاعة البلى .....رأس الكبلن بتنفصل مع السرعه عن عمود الكبلن اللى راكب على الفتيس وبتبقى مشكله وبالذات مع الملفات فى الطرق السريعه ( نجانا الله واياكم من كل مكروه ).....وعن نفسى بأعتبر حدوث طقطقه من الكبلن فضل من الله [gdwl](على الأقل علشان الواحد يعرف أنه يجب عليه أخذ موقف مع الكبلن وتغييره )[/gdwl] أمانا ليه وحفظا له من كل مكروه ( يعنى الطقطقه دى نذير خطر .....ويجب عدم تكبير الدماغ مع الطقطقه ) وبالذات لما تكون السياره بتستعمل فى السفر على الطرق السريعه .......

**Sharaf2009** · 26-05-2009 05:08 PM

بشمهندس سمير الف شكر على الصور المعبره وكمان على الرأى الصائب

هو الكوبلن بيصلح فى مصر ...بيزودوه لحام وبعدين بيعملو Grinding بس الموضوع فى الاخر مسكن. علشان كده انا بأضم صوتى الى المهندس سمير وانصح بشراء كبالن جديده مش كده وبس هات ماركه محترمه ومتسترخصشى...

الحاجه التانيه ...دى فرصه كويسه علشان انبه ازاى تاخد باللك على الكوبلن:
1- ماتقرصشى على العربيه (دواسة البنزين) فى الملفات ...الرحمه حلوه وحافظ على عربيتك ومافيش داعى للحاجات الاستعراضيه
2- راقب الجراب الكاوتش اللى بيغطى الكوبلن لو لاقيته اتقطع ...بسرعه لازم تغيره...لان مع دوران العجله هايخرخ الشحم ويلم تراب ورمل وهو ده اللى بياكل فى الكوبلن ويبوظه.

**samirayad** · 26-05-2009 05:21 PM

بشمهندس سمير الف شكر على الصور المعبره وكمان على الرأى الصائب

الله يخليك يابشمهندس ....

هو الكوبلن بيصلح فى مصر ...بيزودوه لحام وبعدين بيعملو grinding بس الموضوع فى الاخر مسكن

هو ده الكلام الصح ....علشان كده الواحد بيقول ماينفعش الواحد يسافر على الطريق السريع بكبلن متعالج ( لأن الماده المعالجه ممكن تنفصل عن الماده الأساسيه مع السرعات وخلافه ......لأن مش حيبقى فيه تجانس فى المواد )

علشان كده انا بأضم صوتى الى المهندس سمير وانصح بشراء كبالن جديده مش كده وبس هات ماركه محترمه ومتسترخصشى...

فعلا مفيش كلام يتقال أحسن من كده ......لأن دى أرواحنا ( وأشترينا عربيه بالشىء الفلانى ......يبقى حنبص ل 1000 جنيه كمان مثلا )......

الحاجه التانيه ...دى فرصه كويسه علشان انبه ازاى تاخد باللك على الكوبلن:
1- ماتقرصشى على العربيه (دواسة البنزين) فى الملفات ...الرحمه حلوه وحافظ على عربيتك ومافيش داعى للحاجات الاستعراضيه
2- راقب الجراب الكاوتش اللى بيغطى الكوبلن لو لاقيته اتقطع ...بسرعه لازم تغيره...لان مع دوران العجله هايخرخ الشحم ويلم تراب ورمل وهو ده اللى بياكل فى الكوبلن ويبوظه.

:.....:: هو ده الكلام التمام .............:k32: