الموضوع: قانون المرور المصري "2010" طازة من الكنترول

المشاركة الأصلية كتبت بواسطة compuland

القاعدة الثالثة:
الإشارات تكشف نواياك للأعداء ، أياك أن تستخدمها!

القاعدة الخامسة:
اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح ، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!

القاعدة السابعة:
الشارع مكان مقرف ، سوق بأسرع ما يمكن حتى تتخلص من هذا الهم بسرعة ،
الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.


القاعدة العاشرة:
إحترس من ثلاث أنواع من السائقيين بيسوقوا و كأنهم مش ممكن يموتوا:
1. العيال الروشين الي بيلعبوا Computer Games و فاكريين إن ممكن يكسبوا Life زيادة لو ساقوا أسرع.
2. موتوسيكلات توصيل الطلبات ( Home Delivery ).
3. سواقين الميكروباص.
ملحوظة: إوعى تحاول تثبت لحد منهم إن فكرته غلط. فاهمني!!!.

القاعدة الحادية عشر:
لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون ، و بعدين لما الطريق وراك يقف تحمي المجتمع من حادثة تانية.

القاعدة الثانية عشر:
الكناسين لازم يحللوا اللقمة الي بياكلوها ، حاول تنفعهم و ترمي أي حاجة من الشباك.

القاعدة الخامسة عشر:
اذا كان هناك سيارة قادمة اعمل نفسك مش واخد بالك و عدي براحتك خالص،ما تخافش، هوا حيقف، هو اهبل يدوسك و يودي نفسه في داهية؟

القاعدة السادسة عشر:
اياك أن تنظر نحو السيارات القادمة ، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.

القاعدة السابعة عشر:
حتى لو شفته أوعى تخاف - خصوصاً لو معاك مراتك - تبقى راجل ملو هدومك و تخاف من حته عربية؟ عرض قفاك و سيبه يتفلق.

القاعدة الثامنة عشر:
الرصيف ليس للمشاه ، بل لركن السيارات و فرشات الباعة الجائليين و المحلات... الخ ، لذلك يحق للمشاة السير في وسط الشارع ، لمزيد من الأمان ، راجع القاعدة السابقة.

:k48::k48::k48::k48::k48::k48::k48::k48:

مش ممكنننننننننن

كنت راح موت من الضحك و الله:k48:

موضوع تحفه عن جد

يسلمو ايدينك علي النقل