الى جميع رواد المنتدى

**Mr.zero** · 30-05-2007 02:19 AM

السلام عليكم

انا عندى اوبل فيكترا 95
و بصراحة العربية تمام معايا و ميفهاش مشاكل تخليك تمنع انك تشتريها
العربية اللى معايا ده بقالها 12 سنة و مغيرتش فيها حاجة غير التكييف علشان كفائته مش عاجبانى غير كده مغير فيها حاجات اكسسوارات و العربية ماشية بالضبط 316000
و يسم الله ماشاء الله عليها بجيب بيها 180 على الصحراوى و مرتاح كمان
و بالنسبة لقطع الغيار انا الفانوس جايبه ب 120 جنيه امامى و الشبكة ب 100 و ناوى ان شاء الله اضبط ماتورها و اعمل فيه شغل

**Dr Ahmed** · 30-05-2007 02:28 AM

بالمناسبة...

مافيش حاجة اسمها " بيتهيقلى "

الفعل : تهيأ مش تهيق

يعنى اكتبها بيتهيألى

إلا لو كنت بتكتب أحمد قحمد

**Ahmed Hassan** · 30-05-2007 02:34 AM

بس هل كفائه الأوبل كألماني زي كفائه الفولكس او الأودي (مش هقول مرسيدس و بي ام) ؟ هل الأوبل مازالت تعتبر سياره المانيه اصيله بعد ما اصبحت تبع جنرال موتورز؟ اسئله تحتاج لجواب.

**Mr.zero** · 30-05-2007 02:42 AM

لا طبعا فيه اختلاف فالتقفيل ده على حد علمى

**hazem_khidr** · 30-05-2007 03:15 AM

هل الأوبل مازالت تعتبر سياره المانيه اصيله بعد ما اصبحت تبع جنرال موتورز؟ اسئله تحتاج لجواب

اوبل طول عمرها جنرال موتورز

**modux** · 10-08-2007 03:04 AM

انا من رأيي ان الاربعة اسباب كلهم و الحمد لله متوفرين فيها :lol: :lol: :lol:

بس اول حاجة صعوبة الصيانة
غلاء قطع الغيار
سوء الصيانة ( قليل اوي اللي بيفهم فيها )
غلاء الاسعار

بمناسبة قطع الغيار
مرة الكاتاليزر اتكسر ( عبارة عن علبة شكمان فيها سنسور و ما اكترهم في الموتور ال1000
روحت تزكيل رابعة العدوية
لقيتها - العلبة من غير الحساس ب 4400 جنية مصري فقط لا غير !!!!!!!!!!!!!

طبعا لما الراجل قالي كده
رديت غليه قلتو هيا العربية فيها كام 4000 جنيه

و نزلت الحفيين جبتها ب 400 من غير حساس و ركبت حساس اللي كان عندي
و بعت القديمة ب 150 جنية :?: :?: :?:
بس كنت هموت و اعرف اللي اشتري القديمة يعمل بيها اية ؟

علي فكرة هيا فيها مادة من جوه زي الفحم بيقولوا انو بينقي البيئة !!!

بس اكيد الراجل مش هينقي البيئة !!!

مش عارف بس لو حد عندو فكرة يا ريت يفيدنا

**fahd_628** · 10-08-2007 03:30 AM

انا راى لأن العربية سعرها عالى و قطع الغيار كمان غالية زى كل الألمانى

**fayiz** · 13-08-2007 07:35 AM

بس الغالى تمنه فيه يا جماعة

**محمدايهاب** · 14-08-2007 04:47 AM

أنا رأي أن سعر الأوبل عالي مقارنة بفئتها مثلا الأوبل أسترا و لا السيفيك أو الماذا3 هاتشباك
الفيكترا و لا الأفنسيس او الوكتافيا أو 407 ( أغلى شوية )

**abdelaziz-waleed** · 11-04-2008 03:00 AM

يا جماعة انا عندي اوبل فكترا ومش حاسس ان قطع غيارها غالية مقارنة بباقي السيارات يعني العفشة مش ب 8000 جنيه ولا حاجة دا همة 3500 جنيه يظبطوا العفشة تمام.
ثم بصراحة قطع غيارها معمرة جداً.
غير ان في مركز صيانة مقار بيقبلو انك تجيب قطع غيار استيراد وهما بيركبوها بس على ضمانتك وبياخدو مصنعيتهم بس وشغلهم نضيف جداً. والمصنعية على فكرة مش غالية اوي زي ماحنا متصورين واحيانا والله بتبقى اقل من برة في بعض الحالات.
ثانيا انا بلاحظ ان فيه اوبل فكترا كتيرة جدا في البلد. لأن من سنة 95 لحد 2002 كانت منتشرة بطريقة رهيبة وحتى الآن. وقطع الغيار الاستيراد متوفرة جداً واسعارها ممتازة.
انا لم اصوت على اي اختيار لأني مافيش اي اختيار انا متفق معاه لأني بحب العربية ديه جداً ومريحاني جدا جدا لدرجة اني بقيت بغير عليها من اي حد يقول عليها اي حاجة :):)