الموضوع: تانك البنزين

انا النهارده نزلت تحت العربيه بسبب الفاكيوم بتاع تانك البنزين والحمد لله لقيت وعاء تجميع أبخرة البنزين زى ما الباشمهندس سمير قالى وفكيته بس هو مغلق تماما ويصعب فكه من الداخل لتنظيفه ولكن انا نضفت مداخل الخراطيم فقط وكان فيه مدخل مسدود وركبته تانى والحمد لله المشكله اتحلت وراح الفاكيوم من التانك بس كنت عايز اعرف لو حبيت اجيب الوعاء ده الاقيه فين واقول ايه لما اجى اشتريه وهل هو موجود فى النوبيرا اللى فى مصر

ألف مبروك ........والله فرحتلك...............

الله يبارك فيك يا باشمهندس انا متشكر جدا بس كنت محتاج اعرف لو حبيت اجيبه جديد منين واقول ايه لما اجى اشتريه

طيب وعاوز جديد ليه أساسا ........ماتكبر الليله طالما المشكله أتحلت ......ولقيت مكانه فين بالظبط (مجرد سؤال )

انا بعمل حساب انها لو باظت بعد كده ومحتاجه تتغير هلاقيها ولا مش هلاقيها وانا لاقيتها عكس علبه الشكمان الخلفيه يعنى تحت الشنطه

وانا لاقيتها عكس علبه الشكمان الخلفيه يعنى تحت الشنطه

أنا فعلا ....ماكنتش عارف مكانها بالضبط ......وبعدين دى مابتبوظش (لأن الفحم اللى فيها ....هو اللى بيمص البنزين .......زى السفنجه كده ) والهواء بيطلع من الخرطوم اللى عليها ( خرطوم رفيع كده مفتوح على الجو الخارجى من تحت العربيه فى المكان اللى بتقول عليه ) .....علشان نشيل الهواء من دورة البنزين .......وفيه عليها زى بلف سولونويد ....لما بيتشبع الفحم النباتى ببخار البنزين ....وحدة التحكم بتروح مشغله البلف ده وفتحاه ....علشان يتم سحب البنزين ببخاره اللى تجمع فى الحق أو العلبه دى لخط البنزين ...اللى رايح لمسطرة الرشاشات (لأنه بيكون مضغوط شويه وبيروح مع البنزين اللى رايح من طلمبة البنزين للمسطره )....................شوف كده برضه عندك سلك كهرباء على بلف جنب العلبه ولا حاجه ممكن يكون مفصول برضه وعلشان كده لما بيعدى مده كبيره البلف مابيفتحش وبتتكتم العلبه بسبب البنزين الكتير اللى فيها وعاوز يخرج ولكن البلف مش شغال مثلا علشان الكهرباء مفصوله عنه.وعلشان كده الضغط بيزيد عندك كل مده....................أصل أنا الصراحه لسه ماجمعتش الموضوع ده كويس ............................بس حظبطه قريب أن شاء الله

هو فعلا كلامك مظبوط يا باشمهندس انا فعلا شوفت السلونويد ومتوصل بنفس الطريقه اللى حضر تك قولت عليها بس السلونونيد موجود خلف ماتور العربيه وبيودى البخار بتاع البنزين للمانيفولد يعنى بعد البوابه بتاعه الهوا وحتى انا اكدت عليه وعلى السوكيت بتاعه

ما أنا بأكلمك نظرى كده ......علشان أقولك على الطريقه ماشيه أزاى ......مش أكتر ......أنما الأماكن بتتعرف من المعاينه ....أو الأطلاع على الرسم الهندسى للدايره