الموضوع: هو ايه الفرق بالظبط بين الجين2 و البيرسونا 2009

1- البيرسونا اطول حوالي 17 سم
2- الجيني 100% تصميم لوتس اما البيرسونا داخل فيها تعديلات مهندسي بروتون
3- النسخة التجريبية من الجيني تتصنع في بريطانيا اما البيرسونا اعتقد في ماليزيا
سعر اعاده البيع للجيني اكتر بس ممكن لان البيرسونا لسه جديده
مممم غير كدا مفيش :)

البيرسونا أكبر بس و شنطتها أوسع كتير و مختلف شوية مع الأعضاء لأن احساسى الشخصى إن صالونها أوسع برده
سعر إعادة البيع ماحدش هيقدر يفتيلك أوى خصوصا بالأرقام لأن ماحدش شاف بيرسونا مستعملة للبيع لسه أول سنة للعربية
بس بيتهيألى إن ثقة الناس فى بروتون عموما و فى الجين بشكل خاص هيدى البيرسونا ثقل فى موضوع البيع ده لا يقل عن الجين مع الأخذ فى الاعتبار إن العربيتين سعر إعادة البيع ليهم مش عالى.
بس ياريت تحط فى اعتبارك إن فى السوق المصرية عموما فيماعدا الدايو و الشيفروليه دلوقتى و الهيونداى و اللانسر مافيش حاجة اسمها إعادة بيع بسعر كويس

المشاركة الأصلية كتبت بواسطة hegazio

يعني لو فرضنا إنها ب 92 و الأفيو ب 81 و الاكسنت ب 83 ( اوتوماتيك كله .. و أعتقد الأسعار صحيحة )

يبقي بعد 3 سنين حتبقي أقل منهم في السعر و لا لأ؟

طبعا على حسب الحاله بتاعت المستعمل
لو فرضنا ان كلهم بنفس الحاله و كويسه

طبعا هتخسر فى البروتون عموما اكتر من اى عربيه فيهم
بس مش هتبقى خسارة كبيرة
والله اعلم بظروف السوق ساعتها
لان السوق بتاعنا مالوش مقياس
اعتقد ممكن تكون البرسونا من 70
الافيو 60
الاكسنت 68

في حاجه كمان غير سعر اعاده البيع
وهيه كميه اعاده البيع
يعنى الاكسنت هتتباع اسرع ثم الافيو ثم البرسونا

توكل على الله وهات العربيه اللى انت مستريح ليها
وربنا يكرمك

سعر اعاده البيع للبروتون مش كويس وكمان البيع بياخد وقت لعدم معرفه ناس كتيره بالسياره
كان عندي بروتون ويرا لسه بايعها من كام يوم موديل 2004 سعه لتريه 1300 بحاله الفابريكه من الداخل والخارج دوكو المصنع كامله مانيول وجنوط سبور واسبيويلر الاصلي وكل حاجه فيها 100% اتباعت ب42000 وكنت شاريها سنه 2006 ب 53000 واعتقد ان سعرها جديده سنه 2004 كان في حدود 69000 واعتقد ان ال42000 النهارده سعر دايو لانوس موديل 2000 ومش ممكن تكون في مستوي حاله العربيه اللي اتباعت
بس هي البروتون عربيات محترمه رغم وجود بعض العيوب البسيطه - يعني انا اشتريت بروتون برسونا برضه -
لو بتفكر في موضوع اعاده البيع يبقي ابعد عن البروتون
لو عايز تركب عربيه وتستمتع بيها ومش شاغل بالك باعاده البيع يبقي اتكل علي الله واشتري
يارب اكون قدرت افيدك

المشاركة الأصلية كتبت بواسطة hegazio

و الله انا شاغل نفسي بموضوع البيع بس الأرقام اللي انتو بتقولوها دي أنا اقدر اتحملها مقابل اني اركب حاجة عاجباني 3 سنين مش انهيار أسعار يعني ( أنا عربيتي اللي حابيعها ميجان علي فكرة !)

طب وسع الشنطة و الصالون مهمين طبعا و اعتقد ان سعر البيع مش حيفرق عن الجين2 .. لكن مافيش حاجة ناقصة عنها أو زيادة في الأويشنز ؟؟ ( ساعدو واحد أوربي ينضم لنادي البرتوناوية )

انت عايز مقارنه بين الميجان والجين 2
وانت معاك الميجان وعارف كل حاجه عنها
والجين 2 في المعرض تقدر تروح تبص عليها و تقارن وتحكم علي الشنطه والاوبشن بنفسك
لكن رواد المتندي ممكن يفيدوك في تجاربهم مع السياره مش مقارنه علي حجم الشنطه