موضوع اليطارية

**lada2010** · 25-05-2009 12:40 PM

فية حاجتين بيخلوا البطارية تبوظ عدم المشى بالعربية كتير يعنى الركنة ولو الدنيامو شحنوا مش مضبوط دا بالنسبة لاى عربية اما يا جماعة موضوع ان كل حاجة عندك سليمة فى العربية والبطارية تبوط فى اقل من سنة يباق بطارية متخزنة يعنى باق لها مدة عند بتاع البطاريات فاحذورا من ذلك عند الشراء انك تقراء تاريخ الانتاج زى اى منتج بتشتراة دا حققك ولازم تاخدوا اما من يقول البطارية الجافة احسن السائلة دا موضوع يتوقف علية انا كهرباء العربية سليمة والدنيامو سليم والمارش سليم والا عايز يسال فى اى حاجة عن البطارية انا تحت امرة

**Sherifmt** · 25-05-2009 01:55 PM

ممكن أستشارة انا عندي بطارية جافة ACdelco كانت في العربية لما أشتريتها من 10 شهور ولما كنت برش العربية من شهرين نامت من الصنايعية علشان الباب كان مفتو ح ونور الصالون وألأنذار المهم لما دورت العربية شحنت ومشيت عادي لكن من ساعتها لو بطلت العربية شوية ومروحة التبريد فضلت شغالة بالمفتاح لمدة 10 دقايق او أكتر لما بدور بحس البطارية ضعفت قوي لكن بتدور ولما بمشي بيها بتشحن عادي علشان كدة بحس انها بتفضي بسرعة كشفت علي شحن الدينامو الكهربائي قالي ممتاز ومؤخرا لما بدي أشارة وادوس فرامل ألأشارة بتقف او بتبطء جداً الكهربائي قاللي البطارية ضعيفة بس اللي انا أعرفة ان البطارية الجافة لما بتقف بتقف مرة واحدة ولو ممكن هي البطارية الجافة 55 أمبير ممكن تعمل كام ؟؟؟ مع الشكر (:

**Mohamed.Fawzy** · 25-05-2009 02:15 PM

المشاركة الأصلية كتبت بواسطة sherifmt

ممكن أستشارة انا عندي بطارية جافة acdelco كانت في العربية لما أشتريتها من 10 شهور ولما كنت برش العربية من شهرين نامت من الصنايعية علشان الباب كان مفتو ح ونور الصالون وألأنذار المهم لما دورت العربية شحنت ومشيت عادي لكن من ساعتها لو بطلت العربية شوية ومروحة التبريد فضلت شغالة بالمفتاح لمدة 10 دقايق او أكتر لما بدور بحس البطارية ضعفت قوي لكن بتدور ولما بمشي بيها بتشحن عادي علشان كدة بحس انها بتفضي بسرعة كشفت علي شحن الدينامو الكهربائي قالي ممتاز ومؤخرا لما بدي أشارة وادوس فرامل ألأشارة بتقف او بتبطء جداً الكهربائي قاللي البطارية ضعيفة بس اللي انا أعرفة ان البطارية الجافة لما بتقف بتقف مرة واحدة ولو ممكن هي البطارية الجافة 55 أمبير ممكن تعمل كام ؟؟؟ مع الشكر (:

فعلا يا باشا البطاريه الجافه بتموت فجأه دون ظهور اعراض

اما بالنسبه للسعر فأنا لسه شاريها من يومين acdelco برضه 55 امبير ب 300 و اخد القديمه ونصيحه اوعى تجيب بطاريه سائله خليك فى الجافه احسن

**michohat** · 25-05-2009 03:50 PM

لما اسيب العربية اكتر من يوم واجى ادورها العربية مش بتدور ولما بعمل لها وصله بطارية والعربية تدور وارجع ابطلها وادورها بتدور عادى
رحت قست شحن الدينامو مضبوط شفت المياه مضبوطه خليت الكهربائى يبص على لو كان فيه تسريب كهرباء مفيش حاجه برضه
البطارية اشترتها ف 28/ 6/ 2008 و هيا نسر فارتا وكانت انتاج جديد مش متخزنه بس الراجل حط لها ميه وركبها على طول من غير ما يشحنها
ومن ساعتها مفيش شحن ليها
كنت كاتب موضوع عن المشكله فى الرابط التالى
http://www.nilemotors.net/Nile/showt...t=75549&page=2

**mood_8210** · 25-05-2009 03:55 PM

بافتراض ان العربية جديدة و الدينامو شحنو تمام الفرق بقى ما بين الجافة و السايلة ان معظم الناس بتفضل السايلة لانها مش بتبوظ من اول مرة

بمعنى انك لو ركنت العربية فترة و البطارية نامت اول مت بتدور و تشحن شوية كدة خلاص دة بالنسبة للسايلة لكن الجافة لما بتنام اول مرة مفيش مشاكل تانى مرة تمام و عند التكرار بتبوظ و بتفرغ شحن بسرعة

و ميزة الجافة عن السايلة انها مش محتاجة صيانة دورية و كشف على المية

**Mohamed.Fawzy** · 25-05-2009 04:15 PM

المشاركة الأصلية كتبت بواسطة mood_8210

بافتراض ان العربية جديدة و الدينامو شحنو تمام الفرق بقى ما بين الجافة و السايلة ان معظم الناس بتفضل السايلة لانها مش بتبوظ من اول مرة

بمعنى انك لو ركنت العربية فترة و البطارية نامت اول مت بتدور و تشحن شوية كدة خلاص دة بالنسبة للسايلة لكن الجافة لما بتنام اول مرة مفيش مشاكل تانى مرة تمام و عند التكرار بتبوظ و بتفرغ شحن بسرعة

و ميزة الجافة عن السايلة انها مش محتاجة صيانة دورية و كشف على المية

انا شايف ان الجافه تتفوق على السائله بمراحل بسبب

1- مش بيتعملها صيانه
2- ملهاش فايظ ولا بتفور و تبهدلك العربيه
3- فيها مؤشر يبين حاله البطاريه و بالتالى هتتلافى انها تموت فجأه
4- ملهاش مشاكل البطاريات السائله

**lada2010** · 25-05-2009 11:43 PM

انا شايف ان الناس معظم مشاكلها لما بتشترى بطارية سواء جافة او سائلة وبعد فترة اقل من سنة بتبوظ يا جماعة تاريخ الانتاج مهم جدا ومتابعة البطارية السائلة من حيث الشحن والمياة