الموضوع: محتاج شركه تامين محترمه

المشاركة الأصلية كتبت بواسطة أبو حمزة

انا باتفق مع حضرتك
وأظن د. معاذ كمان على وشك إنه يجدد البوليصة
هاتصل بيه لو مشافش الموضوع ونشوف لو هاينضم لنا

حياك الله بالجنه ابو حمزه ولك وحشه والله :)
انا الحمد لله ربنا وفقني للقول الفصل في موضوع التامين ده ,,
ارشدني من اثق بهم الى مكتب المهندس جورج انور زكري للوساطه في التامين ,, المكتب يضم خبرات ورؤساء شركات سابقين و طرح امامي اكبر 4 شركات واكثرهم مصداقيه وسمعه وهم مصر للتامين والمجموعه العربيه واي آي جي ووثاق للتامين التكافلي ,, المهم في الموضوع اني وجدت خبايا واسرار للتامين السليم من كل النواحي على العربيه والاهم انه بسعر اقل من لو كنت ذهبت للشركه نفسها وده شيئ استغربته اوي لكن عرفت ان عملائهم ليهم خصم خاص كبير والحمد لله يوصل لقرب 2% من سعر السياره
العنوان والتليفونات عندي لو حد من الشباب حابب يعرف وكنت عاوز اكتبهم هنا بس هل ده ممنوع من الاداره يعني يعتبر اعلان ام لا .. :)
الحمد لله فعلا وفيه تفاصيل كثيره تانيه مش فاكرها بس كلها مميزات وضمانات ,,
في امان الله

إن شاء الله نويت على تجديد التأمين مع كونتاكت بعد نصيحة من د. معاذ
جزاه الله خيراً عليها
الناس سمعتها سابقاها ماشاء الله
وبالنسبة لي فيها ميزة امكانية التقسيط بدون زيادة المبلغ الأساسي
ودي مهمة أوي بالنسبة لي

علي باشا طب يا ريت تدينا معلومات
النسبة كام ؟ هل إنت كنت معاهم و هتجدد ولا ينفع أخش معاهم عادي ؟

لو كذا عربية بيدوا خصم ولا لأ ؟ و لو كدة نأمن سوا
بالنسبة لخبطات العربية هيقولولي صلحها و تعالي ولا هيعملوا إيه .

يعني زبطنا كدة لحسن انا مش كل الأسئلة حاضرة في دماغي :d

محمود
أنا كل معلوماتي ان النسبة 4% من القيمة اللي هاتقدر بيها العربية وفيه نظام تاني القيمة 4.25% بيزيد عليها إنهم بيدوا عربية لمدة 3 ايام في حالة الاحتياج للتأمين
وباقي المعلومات واخدها من الموقع بتاعهم
انا بس اتصلت برقم خدمة العملاء بتاعتهم وتركت بياناتي والمفترض ان كان حد يتصل بيا بعد 48 ساعة.
هو صحيح الـ 48 ساعة بقم 148 ساعة ولسة متصلوش
بس انا مفقدتش الأمل :)
زي ما وضحت انا مش عاجبني غير موضوع التقسيط
وباقي المعلومات اللي عندي واخدها من السايت بتاعهم

http://www.contactcars.com/contactclub.asp

المشاركة الأصلية كتبت بواسطة أبو حمزة

محمود
أنا كل معلوماتي ان النسبة 4% من القيمة اللي هاتقدر بيها العربية وفيه نظام تاني القيمة 4.25% بيزيد عليها إنهم بيدوا عربية لمدة 3 ايام في حالة الاحتياج للتأمين
وباقي المعلومات واخدها من الموقع بتاعهم
انا بس اتصلت برقم خدمة العملاء بتاعتهم وتركت بياناتي والمفترض ان كان حد يتصل بيا بعد 48 ساعة.
هو صحيح الـ 48 ساعة بقم 148 ساعة ولسة متصلوش
بس انا مفقدتش الأمل :)
زي ما وضحت انا مش عاجبني غير موضوع التقسيط
وباقي المعلومات اللي عندي واخدها من السايت بتاعهم

http://www.contactcars.com/contactclub.asp

تحديث
بعد مشكلة عملتها امبارح مع الكول سنتر بتاع كونتاكت
اتصلوا بيا النهاردة
وعرفت كافة التفاصيل

تم تسعير السيريون الـ glx 1300 موديل 2008 بسعر 81000 جنيه

المبلغ هايكون 4% في حالة الدفع نقدي (تقريباً 3240 جنيه) و 4.25% في حالة التقسيط (إجمالي 3443 جنيه - على أن يكون القسط الشهري 287 جنيه).

يجب دفع شهرين مقدم (إجمالي 573 جنيه) يعتبر شهر منهم بمثابة تأمين يمكن استرداده آخر السنة.

التعاقد والمعاينة تكون في مقر للشركة في منطقة أبو رواش أمام توكيل عز العرب

مواعيد العمل الرسمية من 9 صباحاً إلى 5 مساءً والإجازة الأسبوعية الجمعة والسبت

والأوراق المطلوبة: رخصة السيارة، بطاقة الرقم القومي، ورخصة القيادة.

آخر شئ أحب أوضحه واللي كان سبب في إني أصرف نظر عنها هو ضرورة أن تكون السيارة سليمة تماماً حتى لا يتم استثناء أي جزء من السيارة من التأمين.

مثلاً انا عندي الإكصدام الأمامي والخلفي فيه خدوش، ولما قلت لهم قالوا ميقدروش يأمنوا الا لما الخدوش تعالج ويتم رش الاكصدامين حتى لا يخرجوا خارج التأمين.

المشاركة الأصلية كتبت بواسطة م. تيمور

حياك الله بالجنه ابو حمزه ولك وحشه والله :)
انا الحمد لله ربنا وفقني للقول الفصل في موضوع التامين ده ,,
ارشدني من اثق بهم الى مكتب المهندس جورج انور زكري للوساطه في التامين ,, المكتب يضم خبرات ورؤساء شركات سابقين و طرح امامي اكبر 4 شركات واكثرهم مصداقيه وسمعه وهم مصر للتامين والمجموعه العربيه واي آي جي ووثاق للتامين التكافلي ,, المهم في الموضوع اني وجدت خبايا واسرار للتامين السليم من كل النواحي على العربيه والاهم انه بسعر اقل من لو كنت ذهبت للشركه نفسها وده شيئ استغربته اوي لكن عرفت ان عملائهم ليهم خصم خاص كبير والحمد لله يوصل لقرب 2% من سعر السياره
العنوان والتليفونات عندي لو حد من الشباب حابب يعرف وكنت عاوز اكتبهم هنا بس هل ده ممنوع من الاداره يعني يعتبر اعلان ام لا .. :)
الحمد لله فعلا وفيه تفاصيل كثيره تانيه مش فاكرها بس كلها مميزات وضمانات ,,
في امان الله

جزاكم الله خيراً يا أخى على المعلومات المهمة دى
أنا عايز أرقام تيليفونات المكتب ده لو تكرمت أنا بفر فى شركة وثاق بس محتاج اتعامل مع المكتب الإستشارى ده لو كان أفضل من التعامل مباشرة مع الشركة