استفسار:العازل الماتور؟

**MoMohsen** · 26-05-2009 01:02 AM

هو على حسب معلوماتى ان عازل الكبوت ليه اكتر من فايدة:

عزل الحرارة: و مش لازم يكون عزل الحرارة بس من الخروج زى ما متعارف عندنا و لكن الاهم هو زى ما فى البلاد الاوربيه وهو عزل البرودة الخارجيه.واكبر مثال على كدة العربية اللادا اللى بينزل فى كل موديلاتها.
عزل الصوت: ودة تاثيرة مش بالدرجة العالية الا لو الموتور كله معزول من ناحية الحوض مش مجرد الكبوت.

**zocor742** · 26-05-2009 02:10 AM

متشكر جدا لنصيحة حضرتكم وان شاء الله هدور على واحد واجيبة فى اقرب فرصة
بس هو بتاع النوبيرا 2 يركب على النوبيرا1 لو كدة اشترى واحد جديد وخلاص عشان مش هلاقى للنوبيرا1 جديد

**msobhy** · 26-05-2009 08:02 AM

المشاركة الأصلية كتبت بواسطة samirayad

طيب لما هو هجص .......عملوه ليه ......عياقه مثلا

لأ مش معمول عياقة
لكن معمول علشان علشان تقليل أى تأثيرات حرارية على الحوض
بالاضافة انه بيحمى الكبوت والدهان بتاعه من درجة الحرارة المتوصله وده بدرجة بسيطه
يضاف اليه ال Firewall اللى بيركب فى صدر العربية وميزته برضو حجب الحرارة بشكل عالى من دخولها من حوض العربية الى الكابينة - بالاضافة لتقليل صوت الموتور
طيب بعد كل ده لا ركبت الحاجات ديه هاحس بفرق
بخصوص الحرارة ودخولها للكابينة فى رأى المتواضع ده مش بيحصل
بخصوص الصوت هيقل بالكتير 10%
الهدف الرئيسى اللى كلنا بنجرى وراه هو الصووووووووووووووووت
يبقى مع احترامى للجميع وللعباقره اللى عملوا الحاجات ديه بره
كل ده هجص
اضافة بسيطه خاصة بعباقرة الناس اللى شغاله بره
انا شغال مع شركة يابانية ممكن نقول فعلا انهم عباقرة
دايما بيعملوا اخطاء ساذجة واحنا اللى بنغير طريقة العمل وبنبعت لهم وفعلا طريقة الشغل بتتغير
والله اللى هاقوله ده حصل بالظبط
شركة فى الدنمارك كنا بنتعامل معاه
الناس دول كان عندهم خطأ بشع فى شغلهم وهما مش عارفين يحلوه - احنا عرفنا الخطأ فى 12 ساعة شغل فقط - والحل كان فى خلال 20 دقيقة
بالمناسبة يا أستاذ سمير ممكن نكون مش عباقرة
لكن الاكيد اننا مش معاقين ذهنيا

**Shiref_mohamed** · 26-05-2009 11:35 AM

المشاركة الأصلية كتبت بواسطة nasroo

في ناس بتقول ان الانوس الهاف اوبشن مافيهاش العازل ده مع اني معايا موديل99 وهاف بس فيها - مش هو اللي لونه اسود وبكلبسات تحت الكابوت

ايون
ممكن يكون الى قبلك كان مركبه
او ممكن تكون كل اللانوس 1 فيها بطانه

**MMamdouh** · 26-05-2009 11:52 AM

المشاركة الأصلية كتبت بواسطة nasroo

في ناس بتقول ان الانوس الهاف اوبشن مافيهاش العازل ده مع اني معايا موديل99 وهاف بس فيها - مش هو اللي لونه اسود وبكلبسات تحت الكابوت

كل اللانوس 1 فيها العازل

كل اللانوس 2 فول اوبشن فيها العازل

كل اللانوس 2 هاف اوبشن مفيهاش العازل

MMamdouh

**samirayad** · 26-05-2009 02:49 PM

الناس دول كان عندهم خطأ بشع فى شغلهم وهما مش عارفين يحلوه - احنا عرفنا الخطأ فى 12 ساعة شغل فقط - والحل كان فى خلال 20 دقيقة
بالمناسبة يا أستاذ سمير ممكن نكون مش عباقرة
لكن الاكيد اننا مش معاقين ذهنيا

الجزئيه دى يا أبو مروان عشره على عشره وأنا مقتنع بيها تماما لأنها بتواجهنى فى عملى أيضا ([gdwl]هما فعلا الأجانب حفيظه أنا معاك....بس دؤوبين على العمل .....مش زينا أساتذه فى الحداقه ...على الرغم أن العقل المصرى من أفضل العقول فى العالم .....بس يا خساره .....مستغلينه فى الحداقه للأسف [/gdwl]).........وبالنسبه للهجس وخلافه .....فأنت قولت رأيك ومتمسك بيه ( وده حق ) وأنا قولت رأيى ومتمسك بيه ( وده برضه حقى )...........ولأى أخ فاضل بيطلع على الموضوع وليه رأى سواء موافق لك أو موافق لى( فده حقه )..........أيه رأيك فى الكلام الزين ده........يعنى الكلام الحلو.................

**msobhy** · 26-05-2009 03:12 PM

اخى العزيز الاستاذ سمير
أحب أوضح لحضرتك معلومة صغيرة بالنسبة للموضوع ده
اننا كلنا عندنا مشكلة صوت اللانوس
وبرضو لو تفتكر ان الكلام ده دار بينى وبين حضرتك قبل كده
فيه واحد صاحبنا فى المنتدى واعتذر لعدم تذكرى للأسماء
قام بتغليف عربيته بالكامل من الداخل باللباد المستخدم فى عزل الحرارة والصوت والنتيجة فى الاخر برضو ان الصوت لسه موجود وان كان قل
عضو اخر قام بحقن العتب بالفوم وبرضو الصوت قل فقط
انا كنت هاعمل كل ده بالاضافة لتركيب ال Firewall اللى بيركب على صدر العربية
كل اللى اتكلمت معاهم أكدوا ان كل اللى بعمله مهما وصل مش هايلاغى الصوت زى اللانسر والتويوتا اللى احنا دايما بنقارن بيهم
سبب كلمة هجص اللى قلتها وديه مش موجهه لأى عضو لكن لمحلات قطع الغيار الللى اول ما تفتح الموضوع يقولك ركب الغطاء الداخلى ومش هاتسمع صوت الموتور تانى
وعلى العموم انا سألتك السؤال ده قبل كده وبكرره
هل تعرف اى طريقة للألغاء صوت الموتور الداخل للكابينة فى اللانوس بالاضافة لأصوات الشارع وخاصة صوت الرمل والزلط فى ارضية العربية

**samirayad** · 26-05-2009 03:22 PM

هل تعرف اى طريقة للألغاء صوت الموتور الداخل للكابينة فى اللانوس بالاضافة لأصوات الشارع وخاصة صوت الرمل والزلط فى ارضية العربية

كنت عملتها عندى وبعد كده كنت قلتها لأخواتى ......مقدرش أاقول غير بارك الله فيما رزق .......وأهو الصوت بيسلينا فى الطريق برضه وحتى علشان الواحد يعرف أن المكنه شغاله كويس

....وأعتقد أن عملية عزل الصوت وخلافه بترجع للdesign الأساسى بتاع العربيه

-

الموضوع: استفسار:العازل الماتور؟

LinkBack

أدوات الموضوع

عرض

-

-

-

-

-

المواضيع المتشابهه

استفسار رقم الماتور فى الرخصة

استفسار بخصوص أنواع زيوت الماتور ؟؟

استفسار بخصوص زيت الماتور

استفسار من اهل الخبرة عن دخان من داخل الماتور

استفسار عن العازل الحرارى

الكلمات الدلالية لهذا الموضوع

المفضلات

المفضلات

ضوابط المشاركة