الحقيقة حول فائدة ملىء إطارات السيارة بالنيتروجين

**Ahmed Samy** · 14-06-2009 07:30 PM

المشاركة الأصلية كتبت بواسطة fahd_198216

يا باشا هو شبه تلاجة المياه الصغيره الى بتسرق دى لونه احمر مكتوب عليه نيتروجين بس يا ترى فى كذا شكل منه ولا كله شكل واحد الله اعلم محدش يضمن حاجة انهاردة ياريت الافاده من باقى الاعضاء لتعم الفائدة

المشاركة الأصلية كتبت بواسطة de3bis

النيتروجين يتم استخلاصه من الهواء الجوى من خلال معدات معينة لا يمكن تكون موجودة لدى بتوع الكاوتش و لكن يجب أن تكون فى مصانع متخصصة لإنتاج الغازات و تقوم هذه المصانع بتعبئة اسطوانات النيتروجين للغير للإستخدام فى كافة الأغراض سواء الصناعية (وده الأغلب ) أو الطبية أو أى غراض أخرى و بالتالى لا أظن أنه يوجد كمبريسور يقوم بشحن النيتروجين لأنه يخزن و ينقل أساسا مضغوط و مسال عند درجات حرارة منخفضة تصل الى 160 درجة مئوية للكميات الكبيرة و تحت ضغط 130 الى 150 بار للأسطوانات

هممممممممم

يا انا اتضحك عليا بقى

الظريف انه معرفه ...

وحلف يمين بالله ما هو واخد ولا مليم

ههههههههههههههه

**de3bis** · 14-06-2009 09:49 PM

المشاركة الأصلية كتبت بواسطة de3bis

النيتروجين يتم استخلاصه من الهواء الجوى من خلال معدات معينة لا يمكن تكون موجودة لدى بتوع الكاوتش و لكن يجب أن تكون فى مصانع متخصصة لإنتاج الغازات و تقوم هذه المصانع بتعبئة اسطوانات النيتروجين للغير للإستخدام فى كافة الأغراض سواء الصناعية (وده الأغلب ) أو الطبية أو أى غراض أخرى و بالتالى لا أظن أنه يوجد كمبريسور يقوم بشحن النيتروجين لأنه يخزن و ينقل أساسا مضغوط و مسال عند درجات حرارة منخفضة تصل الى 160 درجة مئوية للكميات الكبيرة و تحت ضغط 130 الى 150 بار للأسطوانات

اسف وقع منى اشارة ناقص "-" :
و ينقل أساسا مضغوط و مسال عند درجات حرارة منخفضة تصل الى 160 درجة مئوية "تحت الصفر" للكميات الكبيرة
أقصد - 160

هذه المعلومات مؤكده حيث أنى أعمل فى أحد مصانع الغازات و أتعامل مع النيتروجين فى التطبيقات الصناعية يوميا

**نور العمر** · 14-06-2009 10:20 PM

ده ينفع في ال 127؟؟؟؟؟؟؟؟؟؟؟؟؟؟؟؟؟؟

وشكرا على الموضوع

**NFS** · 15-06-2009 12:29 AM

والله انا مليت من الجهاز الاحمر ده فعلاَ و مكتوب عليه nitrogen generator شبه ده

و لقيته عند اتنين بنفس الشكل بظبط واحد عجلاتى والتانى فى بنزينه توتال

**Lord_Fouad** · 15-06-2009 01:25 AM

النيتروجين موجود في كل مراكز بريدجستون اللي اسمها Fit & Fix ... اعرف منهم واحد في عمارات العبور قريب من سيتي بنك و معرض جاجوار .. و المركز الرئيسي لهم في العاشر من رمضان

**falcon191** · 15-06-2009 01:41 AM

محدش يعرف مكان في بورسعيد أو دمياط يا شباب؟

**Ahmed Nouh** · 15-06-2009 01:44 AM

جربته ومش حاسس بفرق غير ان المطبات اهدى لكن نفس مواعيد اعاده تزويد الكاوتش برغم ان حاله الكاوتش جيده ومفيهوش اى لحامات

سبب استخدامه الاساسى كان انى بسافر كتير ومعدل سفرى فى الاسبوع بيوصل ل 1500 كم لكن فعلا مش حاسس بأى فرق غير انه اهدى فى الصوت اثناء المشى وفى المطبات