تركيب باركينج سنسور للانسر بالصور

**إسلام شاهين** · 01-10-2007 12:55 PM

إن شاء الله أنا حاجز النهارده عند سبير كار علشان أركب الباركينج سنسور معادي هناك الساعه 1 ظهرا وإن شاء الله هصورلكوا الموضوع واحده واحده علشان الفائدة العامة .

هو اسمه إيجل وثمنه 175 جنيه وتركيب 50 ، بالصوت والشاشة بتاعته فيها درجة حرارة وساعه أنا شفته من فترة الصراحة وكنت مستني أشوفه راكب والحمد لله شوفته يوم الفطار راكب عند كريم منير واقتنعت بيه وعلى طول اتصلت بسبير كار حجزت على النهارده .

هصورلكوا الموضوع واحده واحده ويارب يكون حلو .

**Nader** · 01-10-2007 12:58 PM

الف مبروك مقدماً يا اسلامومستنيين الصور

01-10-2007 01:15 PM

مبروك يا سمسم مقدما وفي انتظار الموضوع والصور

**modux** · 01-10-2007 01:16 PM

المشاركة الأصلية كتبت بواسطة Nader

الف مبروك مقدماً يا اسلامومستنيين الصور

+1

**fahd_628** · 01-10-2007 01:54 PM

مبرووووووك و مستنيين الصور يا باشا

**mohey** · 01-10-2007 03:29 PM

الف مبروك يا اسلام باشا

**mohey** · 01-10-2007 03:30 PM

الف مبروك يا اسلام باشا

**ابوحميد** · 01-10-2007 03:37 PM

مبروك مقدما
هوا انت حتركبه عند فرع سبير كار اللى عند لاظوغلى ولا فرع تانى؟؟؟؟؟؟

**إسلام شاهين** · 01-10-2007 07:28 PM

معلش يا جماعه لسه داخل وفطرت ورفعت الصور إهه بس اللي حصل بقه هحكيلكوا عليه :-

لما رحت سبير كار اعتذروا علشان المهندس عمرو اللي بيركب السينسور مش جاي النهارده ولا بكره تعبان قلت مش مشكله آخد السينسور وأركبه بره قالولي يبقى مش هنديك عليه ضمان :? :?

طيب إيه الحل ؟ قمت طالع على التوفيقية وجبته من واحد اسمه غريب ( مستورد ) برضه ب 175 وحاولت أركبه مالقيتش حد كويس قمت طالع على الكرهبائسي بتاعي في عابدين الحاج أشرف والحمد لله تم التركيب بنجاح .

على فكره النوع ده فيه منه 2 واحد بصفارة وصوت ( ناطق ) يعني والثاني صفارة بس وبنفس الكرتونة اللي عجبني كمان إنهم منزلين معاه بنته بتركب في الشنيور مخصوص صورتها برضه .

ملحوظة هامة :- أنا احترت جدا أحط الشاشة فين على التابلوه ولغاية دلوقتي سايبها محددتش مكانها وعايز رأيكوا أحطها فين ؟؟؟؟؟؟؟؟؟؟؟؟؟

أسيبكم مع الصور :-