غيار زيت المحرك في اللوجان mcv

**abdosmsm** · 29-05-2009 07:13 PM

المشاركة الأصلية كتبت بواسطة chato_eg

استنى لما محمد عادل أمين يشوف الموضوع و هو معاه ميجان i ...و هيقول هى بتاخد كام لتر ( 4 و لا 5 )
لكن زى ما عمرو عبد الخالق قال...الميجان ii بتأخد 5 لتر و طبعا الفلتر بيتغير و الكلام ده كل 10 آلاف كيلو....
طيب فى حل بسيط أوى...
كلم التوكيل على 16202 و شوف هى ال mcv بتاخد كام لتر عند تغيير الزيت و بيحطوا زيت إيه و بيقعد قد إيه و ثمنه كام ؟؟...
و لو حاسس إن المركز إللى بتتعامل معه بيجيب ناس مش عارفة العربية و لا بيعكوا...اشرح للتوكيل فى المكالمة إللى حصل معاك
و بعدين إنت متأكد إنه معتمد من التوكيل

مراكـــز الخــــدمة المعتمـــــدة

إنشاء الله خير يا بشمهندس مصطفى وربنا يحافظ عليك

**abdosmsm** · 29-05-2009 07:14 PM

انا معايا عربية رينو كليو بتاخد 3.5 لتر زيت بالفلتر

**Mohd_Adel_Amin** · 30-05-2009 09:08 AM

المشاركة الأصلية كتبت بواسطة chato_eg

استنى لما محمد عادل أمين يشوف الموضوع و هو معاه ميجان i ...و هيقول هى بتاخد كام لتر ( 4 و لا 5 )

مراكـــز الخــــدمة المعتمـــــدة

على ما اتذكر انها كانت بتاخد 5 لتر برضه لأن جركن ال 4 لتر كان مش بيكفي وكنت بضطر اشتري جركن صغير معاه علشان اكمل النقص ..
وانا شايف ان حضرتك تكلم التوكيل زي ما هاني قالك وتشوف رأيهم في الموضوع ككل هيكون ايه وطمنا عملت ايه ..

**memobeeh** · 30-05-2009 10:33 PM

ممكن يكون خمسة لتر صحيح لأن أنا معايا فورد مونديو 1600 واثنين كامة والموتور يأخذ مع غيار الفلتر أربعة كيلو ونصف تقريبا. لكن الأصح هو ان تتأكد من كتالوج السيارة..وربنا يعينك على هؤلاء القوم.

**mostafabakry** · 31-05-2009 08:45 PM

متشكر يا جماعة علي ردودكم

انا فعلا اتصلت ب الرقم المختصر بتاع توكيل رينو و حكيتلهم القصة بالكامل و طمنوني و قالولي فعلا احنا بنغير كل 10000 كم و اللي حصل ان احنا ما كناش نعمل صيانة الألف و كانت اولا صيانة بعد 5000 كم لكن دلوقتي نزلنا تعليمات بعمل صيانة او تشيك عند اول الف كيلو بدون تغيير زيت بس عشان لو فيه مشكلة نكتشفها بدري و عشان الناس تطمن
و اكدولي علي ان العربية بتاخد 5 لتر زيت فعلا

شكرا يا جماعة علي اهتمامكم

ملحوظة : صوت موتور العربية هدي جدا بعد غيار الزيت دا و ما بقاش عالي زي الأول

**chato_eg** · 31-05-2009 10:53 PM

الرينو عربية بنت ناس.....و انت طالع بيها من الصيانة لازم تحسسك إن المبلغ إللى دفعته له تأثير إيجابى عليها من نعومة و سحب و هدوء غير اعتياديين عن أى وقت حتى....
أنا بأستنى مواعيد الصيانة دى مخصوص علشان أتمتع بلحظات القمة دى مع العربية....
ما أقدرش أوصف لك روعة أول 500 كيلو بعد الصيانات إللى كل 10 آلاف كيلو