تحويل من ردياتير 128 الي الردياتير الحديث سؤال لاهل الخبره

**a7er7ob** · 28-05-2009 12:01 AM

يا جماعه انا جبت ردياتير سوزوكي التو وكنت عاوز اركبه لعربيتي 128 هل ينفع ولا لا
انا رحت للراجل قالي ان الردياتير بتاع السوزوكي ده ماسوره واحده تبريد مش هيبردلك العربيه خالص و الي عندك نحاس 3 ماسوره بيبرد اسرع وكل العربيات بتحول من الجديد ده للنحاس القديم

بس بصراحه مش مقتنع بكلامه خالص ازاي الي بيقولو ده صح والعربيات الجديده كلها ماسوره واحده
فكنت عاوز اسالكم هل الكلام ده صح لا ايه لاني سئلت كذا واحد قال نفس الكلام وبرضه مش موقتنع بكلمهم
فهل حد عنده خبره يرد عليا لاني بجد عاوز اركبه في عربيتي و هو اصلا لسه جديد

**sab3aawy** · 28-05-2009 12:14 AM

الردياتير ال3 ماسورة ده خدعة كبيرة جدا لأن عدد مواسيره ومساحته المعرضة للتبريد اقل بكتير من الرجياتير الحديث، لكن الفكرة ان الردياتير مرتبط بسعة المحرك وقدرة طلمبة المياه وبالتالى ردياتير الألتو المصمم لموتور 800 سى سى قد لا يكفى سيارتك ذات ال110 سى سى، اقترح انك لو عايز تحسن التبريد تجيب لها ردياتير بتاع سيارة مماثلة فى السعة اللترية او اكبر

**a7er7ob** · 28-05-2009 12:27 AM

متشكر ليك جداااااااااااااا لتوضيحك
يعني معني كلامك عمومااا ان الردياتير الحديث عامتا افضل من ال3 ماسوره ؟؟ وكلام ال3 ماسوره ده زي مانا بقول مش مظبوط؟؟

**HeMa_LanCeR** · 28-05-2009 12:30 AM

انا ليا واحد صاحبي ركبلها رداتير بتاع عربيه حديثه وكان التبريد في الصيف زي الفل
لكن في الشتا كان بيحط كرتونه قدام الرداتير علشان العربيه تسخن
لأنها كانت بتبرد اكتر من الازم
انت حاول تجيب رداتير نضيف وهو هيظبطها