الموضوع: ضيف على العصابه ولى سؤال ......

المشاركة الأصلية كتبت بواسطة samirayad

عاوز أعرف من حضراتكم ....بالنسبه للسيارات الأوبل بوجه عام ( فكترا _ أسترا _ كورسا ....وهكذا )......................................

_ المطلوب هو توضيح بسيط عن نوعية دورة الأشعال الألكترونى المستخدمه عندكم ....هل هى من النوع التوزيعى ( يعنى فيه أسبراتير موجود وملحق مع المكنه فى هذه السيارات )

_ أما أنها من النوع الاتوزيعى ......زى الدايو عندنا ( لأن الدايو عندنا بيعتمد على بوبينا فقط بتقوم بالليله كلها ) ....مشط وبوبينا وأرسال شرارتين لغرفتين من الغرف الأربعه ....كل لحظة أطلاق شراره من البوبينا ..........

_ السؤال ده لهدف فى نفس يعقوب ( جايز يكون اللى فى دماغى صح ....لمشكله عندنا فى الدايو عامة ).......وطالما الأنسان شك فى حاجه فيجب عليه التحقق من شكه ( مظبوط أو لا )....................وشكرا لكل من مر على الموضوع ......ويارب أكون ضيف خفيف عليكم ...................وأدى شكل البوبينا عندنا اللى شايله الليله كلها ...( يادوب هى والبوجيهات وأسلاك البوجيهات اللى شايلين دورة الأشعال ....تحت قيادة وحدة التحكم )................................................

قصدك علشان النخعة اللى فى بداية القرص على العربية؟؟

هتكلم عن اوبل فكترا 1.6 كامة
- الاوبل موبينة - اسبراتير - بوجيهات
اللانوس موبينة - بوجيهات

- موتور اللانوس فى السواقة انعم من الاوبل وبالذات على سرعات بطيئة والعكس تماما على طريق مفتوح

- اللانوس فى البداية اخف وطلعتها احسن (بدون قرص) مع القرص بتتخنق وتنخع عكس الاوبل اللى فعلا طلعتها تقيلة بس مع القرص بتشد وتجرى ... سرعات عالية موتور الاوبل بالرغم من وزن العربية اللى بعتبرة تقيل على الموتور دة

- صوت موتور اللانوس عادى بعكس الاوبل لية ونة خاصة

ازيك يا بشمهندس سمير

الله يخليك يا أخى

دلوقتى انا عندى صوت زعقة لما بجيب التانى

الزعقه اللى بتيجى مع النقل دى ....بتكون بسبب أن غويشة المجموعه الثانيه مابتعشقش كويس الترسين بتوع التانى القائد والمنقاد ....ممكن يكون بسبب بوش فى الغويشه وممكن يكون بسبب تلف فى حواف أى ترس من تروس المجموعه التانيه ( وده بيبان مع الكشف على الفتيس وهو محلول )

لكن اول ما اطلع بيها الموضوع بيكون جميل جدا.

ماهو علشان تم التعشيق خلاص بين الغويشه والترسين دول.....زى موضوع المارش لما بيكون بيعتل كده ونقعد نحاول فى الدواره لحد مايحصل المراد والعربيه تدور....نفس الفكره تقريبا مع الفارق

انا ان شاء الله هنزل اغير زيت الفتيس و احط 140 انا عاوز اجرب كل حاجة قبل ما اضطر اغيره كله,

أيوه جرب كده الأول تغيير الزيت للزوجه أعلى (اللى هو 140 ) يمكن ده يساعد ......وأهو أحنا فى الصيف (يعنى اللزوجه حتخف برضه )

بردو انا كنت اتنصحت لما اغيرو اجيب فتيس اف 18 مش اف 16 ودا هيريح الموتور كتير, ويحسن الأداء بردو.

من رأيى خليك مع نفس النوع اللى عندك (أف 16)....لأن ده تصميم [gdwl]وبعدين ده نوع طياره الــــــــــــ أف 16 ده ههههههههه...[/gdwl]...وملوش لزمه نلعب فى التصميم.... ...دا لو موضوع الزيت ماجبش نتيجه ..............وأنا دايما ما بحبش ألعب فى حاجه تصميم بلادها .........ولو حصل معايا تلف لأى قطعه فى أى حاجه ( مابركبش الا بتاعتها ).......دا الناس دى عامل تجارب على كل حاجه ........والعمليه محسوبه عندهم ......وده اللى هما متفوقين فيه الصراحه .....................وشوف الفتيس بقاله 14 سنه فى العربيه شغال تمام .............( ياترى من يعيش ) وربنا يدينا ويديك طولة العمر..........ونغير لمرسيدس كمان

المشاركة الأصلية كتبت بواسطة tananybasha

تحت امرك يا فندم علم و جارى التنفيذ و النتيجة بالغد ان شاء الله رب العالمين و شاكر افضاللك بس عايز رد فى الفريون و انواعة و بلف الضغوط ده اجيبه منين و يكون مضمون و الأصلى كورى و هو تكييف النوبيرا وحش و لا حاجة لأنى عندى نفس الدايرة بدون زياده او نقصان

ما أنا قولتلك رأيى فى الموضوع ياحج : محمد .........

_ وأنا أعرف أن أحسن أنواع الفريون هو ال 134 a

لأنه بيمتاز بجودته الحراريه فى التخلص من الحراره وحملها ......داغير أنه غير ضار مع تسربه ......وأنا الصراحه ما أتعاملتش مع دورة التكييف عمليا لحد دلوقتى ( لأنها شغاله عندى تمام الحمد لله ) .........والمناقشه معاك دى من خلال قرآتى ...وآراء جميع الزملاء بالمنتدى........................

قصدك علشان النخعة اللى فى بداية القرص على العربية؟؟

لا مش ده السبب يا أحمد باشا ......اللى خلانى طرحت الموضوع فى قسم الأوبل ..................ولكن السبب هو صوت محرك العربيه اللى عالى نسبيا مقارنة باليابانى ( التويوتا عامة ).......وأنا عارف أننا دايو برضه ......يعنى مش فى جودة اليابانى ......................لأن دى الحقيقه ولا نستطيع نكرانها ( الغالى ......)

_ ولكن حقيقى النوبيرا معايا زى الفل......ومرتاح معاها جدا جدا .....يمكن كمان أكتر من الأوبل الكربوراتير ( المنطقه الحره اللى كانت معايا الأول ).......وطبعا أنا لا أقصد شيئا من هذا ....لأن العربيه كان موتورها ضعيف فعلا عليها ( 1400 سى سى ) ولكن الأوبل عربيه محترمه ولا تقارن بأى نوع ( ومعرف الألمان .......المتانه والرفاهيه ).........والعمر الأفتراضى الطويل عن أى عربيه ( لأننا كلنا عارفين قطع الغيار الألمانى معمره أزاى )........دا غير الصاج بتاع البدن وخلافه من مميزات لا حصر لها ......................................أرجع معاك لموضوعنا ......................وقوللى رأيك علشان أشوف أنا بأفكر صح ولا لا ........لأن رأيك يهمنى بالطبع .....وبأحترمه جدا ............

_ دورة الأشعال عندنا فى الدايو من النوع الاتوزيعى distibutorless ignition

_ فى العربيات اليابانى من النوع التوزيعى ditributor ignition ......يعنى فيه شراره واحده رايحه لكل بوجيه أثناء دورة حريق المحرك مش أثنين زى الدايو مثلا ......

_ حيث عندك فى الدايو بيتم أستلام الفولت بتاع البطاريه أو الدينامو والمحرك شغال 12 فولت ....لتحويله الى فولت عالى داخل البوبينا نفسها ......

_ حيث داخل البوبينا بيكون موجود دايره ألكترونيه بتقوم بنفس نظرية المشط الألكترونى لتقطيع ال 12 فولت دول.....لكى يتم تحويلهم الى آلاف الفولتات (تقريبا فى حدود 20000 ) كشراره فى عدد 2 ملف ثاوى داخل البوبينا ورايحه لعدد 2 بوجيه فى نفس الوقت........................

_ وحنضرب مثال بالغرفتين رقم 1& 4 .......

- حينما يكون بستم الغرفه رقم 1 غى نهاية شوط الأنضغاط ....والغرفه رقم 4 فى نهاية شوط العادم بيتم أرسال شرارتين من أحد الملفات الثانويه فى نفس الوقت الى الغرفتين دول .......

_ الغرفه رقم 1 حتحرق عادى .....وده وضعها الطبيعى ....وحينعكس بخرج قدره وصوت حريق برضه صادر من المكنه ................

_ المشكله بقه فى الغرفه رقم 4 اللى رايحلها شراره فى نفس التوقيت زى 1 بالضبط ......ودى اللى حكمل معاها كلامى معاك ..................

-لو أفترضنا أن رشاش الغرفه رقم 4 بيسيل شويه ...ومش ملحوظ آداءه على المحرك ....أو بلوف السحب بتاعتها أو المحرك عامة مكربنه شويه ( الكربون ده بيشفط بنزين على ظهره ....وبيحتفظ بيه ...لأن الرشاش بيرش على ظهر بلوف السحب ).............

_ تخيل بقه لما يكون عندنا بنزين وشراره ......وفى اللحظه اللى حيبدأ يقفل فيها العادم ويفتح السحب over lapبتاع الغرفه دى .......أيه اللى ممكن يحصل .......حريق طبعا ولو بسيط

_ يعنى فيه وضع غير طبيعى زى اليابانى مثلا ........

_ وده ممكن يولد صفع شرلره وتضارب فى موجات الحريق .......ومن هنا من الممكن أن صوت المحرك يعلى شويه ويدينا أحساس أن العزل بتاع العربيه مش بالكفاءه المطلوبه .......

_ على فكره ده أجتهاد من جانبى فى التنقيب عن تفسير لشكوى بعض الأخوه عن سبب الصوت العالى ......وساعات بيفتكروا أن السبب من الكستبانات ........والصراحه أن شاكك أن نظام توزيع الشراره ليه دور كبير فى الموضوع بتاع الصوت ده ......................

_ طبعا أحنا راضين بقسمة ربنا والحمد لله والعربيه زى الفل فعلا .......بس حاولت أفكر ليه صوت المحرك ممكن يعلى شويه كده وبالذات مع تقادم المحرك ودخول المحرك لمرحلة الروديه أو تعب شويه بالرشاشات ......................

_ علشان كده أنا شايف أن النظام التوزيعى فى الشراره أفضل من وجهة نظرى ..........

.