عند الرد على إعلانات البيع !!

**وائل عطية** · 28-05-2009 11:49 AM

بنشوف كلنا إعلانات البيع هنا ...
واحد حاطط إعلان عن عربيته ..نلاقي أصحاب الردود " القوالب" داخلين فوراً بالردود من عينة " بالتوفيق في البيع - ربنا يكرمك في بيعها ...إلخ "
الرد دا في حد ذاته دعاء بالخير ..تمام ..ولكن غير مجدي في صلب الموضوع ..وعلى المدى بيعمل لود على المنتدى بدون داعي
وأكيد حضراتكم متابعين الردود دي ومستائين منها
عايز تدعي للراجل ادعيله بينك وبين نفسك ولك الأجر عند الله..واترك المجال للردود الهامة زي طلب معلومات
اكتر عن العربية والتفاوض في السعر وما إلى ذلك.
ملحوظة :
الموضوع غير موجه لشخص بعينه ولكنه موضوع عام

**AAAH** · 28-05-2009 12:02 PM

ربنا يوفقك فى البيع

**ms077** · 28-05-2009 12:04 PM

مشكور ألأخ الفاضل

كلامك سليم 100 في الـ 100

ولكن لي تعليق بسيط مثلا تجد سيارة مواصفاتها جميلة جدا

وتجد صاحبها طالب سعر عالي
والعكس

لذلك تجد نفسك محتاج ترسل تعليق فلا تجد أفضل من ذلك

**وائل عطية** · 28-05-2009 12:36 PM

المشاركة الأصلية كتبت بواسطة ms077

ولكن لي تعليق بسيط مثلا تجد سيارة مواصفاتها جميلة جدا

وتجد صاحبها طالب سعر عالي
والعكس

لذلك تجد نفسك محتاج ترسل تعليق فلا تجد أفضل من ذلك

دي نقطة كانت غايبة عني !!
يعني ممكن اللي بيبعت التعليق بيقصد إنه معترض على السعر؟
لو دا المقصود يبقى كويس ..أهو حتى لتجنب المشاكل بتاعت الفصال
شكراً على المعلومة

**وائل عطية** · 28-05-2009 12:37 PM

المشاركة الأصلية كتبت بواسطة AAAH

ربنا يوفقك فى البيع

ههههههههههههههههههههههههه هههههههههههههههههههههههه

**amr mokhtar** · 28-05-2009 01:29 PM

المشاركة الأصلية كتبت بواسطة وائل عطية

دي نقطة كانت غايبة عني !!
يعني ممكن اللي بيبعت التعليق بيقصد إنه معترض على السعر؟
لو دا المقصود يبقى كويس ..أهو حتى لتجنب المشاكل بتاعت الفصال
شكراً على المعلومة

اللى يعترض على السعر يكون واحد مهتم و فعلآ ناوى يشترى
إنما مش واحد معدى كده على الموضوع ييجى ظارف كلمتين و ماشى و ممكن يوقف البيعة و خلاص

انا أحيى أستاذ وائل على الملحوظة دى لإنى بشوفها كتير و فعلآ تغيظ

**DR.M** · 28-05-2009 03:14 PM

و كمان الناس المتخصصه في تبويظ البيعه و متشتريش
كمثل عربيه بـ 35 يقول 20
يشكك المشتري الجاد

متغاظ منهم جدا

**ahmed_esmail** · 28-05-2009 08:34 PM

المشاركة الأصلية كتبت بواسطة DR.M

و كمان الناس المتخصصه في تبويظ البيعه و متشتريش
كمثل عربيه بـ 35 يقول 20
يشكك المشتري الجاد

متغاظ منهم جدا

انا بقى مش متغاظ منهم دانا حفرقع

**hanyalashkr** · 28-05-2009 09:42 PM

فعلا نقطه مهمه و ماحدش بيعانى منها غير اللى عامل اعلان طبعا
عموما مش هاندخل فى نية الناس لكن برضه ذوقيا بلاش نعمل لود على توبيك معين للبيع خصوصا حتى علشان يكون سهل للى عام لالاعلان يتابع التوبيك و يشوف تطوره وصل لفين مش يقلب ميت مره فى الصفحات و على مايوصل لحد رد عليه فعلا يكون دمه اتحرق
و اللى معترض على السعر او اى اعتراض تانى ياريت يكون اعتراض بطريقه موضوعيه يعنى يتكلم و يقول و يفسر و يشرح رايه يعنى كده هو بيساعد صاحب الاعلان على تقييم الموقف كويس يمكن الراجل يراجع نفسه فعلا و يكتشف نقاط كانت غايبه عن ذهنه يبقى كده بصفتنا أعضاء فى منتدى ساعدنا بعض
انما تعليقات مرور الكرام اللى القصد منها سواء الدعاء او غيره اذا كان المعنى فى مناخير الشاعر (المعلق يعنى) فعلى عينا و راسنا بس هو موضوع ماينفعش فيه النصيحه قد ماهو معتمد على الخلق و الذوق و الرغبه فى المساعده و الإفاده مش العباطه