كورولا 2009 مانيوال أخبارها إيه وبكام؟

**aesaad** · 28-05-2009 02:25 PM

عندى إستفسار بخصوص الكورولا المانيوال:

- هل أجيبها خليجى ولا جنوب أفريقى وهل فيه فرق؟
- إيه الفئات الموجودة فى المانيوال وموصفات كل فئة وسعرها سواء كانت خليجى أو جنوب أفريقى؟
- هل ممكن تكون خليجى بضمان الوكيل؟ وفى الحالة ديه سعرها كام؟
- هل فيها أى مشاكل أو عيوب الواحد ياخد باله منها؟

أرجو الإفادة لأنى بافكر جدياً فيها، وأشكركم مقدماً على الرد.

أشرف

**mtema99** · 28-05-2009 03:37 PM

السلام عليكم و رحمه الله

بخصوص الكورولا المانيوال لم يشتكي منها احد حتى الان فالتسارع او في الفتيس و ذلك لانها تكنولوجيا معروفه للجميع

بخصوص الجنوب افريقي

هناك اربع فئات

واحده ادفانسد و بها نفس ما بالاوتوماتي من كماليات كثيره مثل 7 وسائد هوائيه و عداد اوبيتريون و تكييف تاتش و جنوط 16 و keyless و اضائه زينون و بخاخات غسيل الفوانيس وحساسات ضوء وحساسات مطر و دركسيون متعدد الوضائف

و التانيه فول اوبشن اخت اللي فوق من غير التكييف التاتش (تكييف بكره بدلها ) و الجنوط 16 طاسات عاديه بس بنفس حجم الجنط مفيهاش برضك keyless و اضائه زينون و بخاخات غسيل الفوانيس وحساسات ضوء وحساسات مطر

الثالثه اخت التانيه بس 1400 مش 1600

و اخيرا الرابعه 1400 ستاندرد ديه زي الياريس ستاندرد يعني تكييف و كاسيت و باور من بس

الخليجي معرفش عنه غير انه بينزل 1600 بس

**faroukahafeez** · 28-05-2009 03:40 PM

علشان منكتبش كلام كثير

معرض اتوماك كمان 10 أيام تقريباً استنى وانزل المعرض وشوف فيه الأسعار واذا كان توكيل تويوتا هينزل حاجة جديدة واحتمال يكون فيه تخفيضات

والله أعلم

**mtema99** · 28-05-2009 05:11 PM

المشاركة الأصلية كتبت بواسطة faroukahafeez

علشان منكتبش كلام كثير

معرض اتوماك كمان 10 أيام تقريباً استنى وانزل المعرض وشوف فيه الأسعار واذا كان توكيل تويوتا هينزل حاجة جديدة واحتمال يكون فيه تخفيضات

والله أعلم

انا مع كلام حضرتك

ممكن فعلا فرق اسبوع واحد و يشوف بنفسه