اوكتافيا a5

**egypt_dr** · 29-05-2009 11:28 PM

المشاركة الأصلية كتبت بواسطة modiabbas

لا حضرتك الانسر الشكل القديم هيفضلوا ينزل منها لحد 2012

حضرتك معاك اوكتافيا مانيوال ولا اوتوماتيك
ايه رأيك في الكلام اللي قاله المندوب في معرض اباظة عن ال a5 المانيوال موديل 2008
سؤال تاني برده هي التكييف بتاعها اخباره ايه؟؟ وهل العربية بتسخن بسرعة ولا كويسة .. الميزة في العربيات الياباني عن الالماني انها مش بتسخن بسرعة وتكييفها رهيب

**egypt_dr** · 30-05-2009 01:37 AM

انا بصراحة كنت معجب جدا بالمنتدى في اول اشتراكي لأن الناس كانت دايما بتحاول تفيد بعض
انما دلوقتي انا حاسس زي ميكون بتحايل على الناس تقول رأيها
ايه اللي حصل للسكوداوية
80 مشاهدة ومفيش غير 2 اللي ردوا .. وبرده ملاحظ نفس الكلام في مواضيع تانية

**wawamoha** · 31-05-2009 01:31 PM

انا السلام عليكم
انا اول مره اشوف الشاركه و معلش اعذر الناس علشان الوقت ... ربنا اللي يعلم الشغل عامكلا فينا ايعه ؟
بص ان كنت في حيرتك دي و بعدين قررت اني اجيب الايه 4 مانيوال اللي ب 121 و انا في المعرض اشتريت الايه 5
ليه بقى
علشان الصالون اوسع و العربيه شكلها احسن برضه و علشان النعومية ..الايه 5 عفشتها احل بكتير
بالنسبه بق للتكييف ف بصراحه تكييف الايه 5 مش عاجبني و لسه ما عملتش صيانه الا 10000 علشان اسالهم هو ده طبيعي و لا عربيتي فيها حاجه
توكل عل الله لو الفرق معاك و هات الايه 5 مانيوال 2008 عربيه حلوه قوييييييييي

**egypt_dr** · 31-05-2009 07:01 PM

المشاركة الأصلية كتبت بواسطة wawamoha

انا السلام عليكم
انا اول مره اشوف الشاركه و معلش اعذر الناس علشان الوقت ... ربنا اللي يعلم الشغل عامكلا فينا ايعه ؟
بص ان كنت في حيرتك دي و بعدين قررت اني اجيب الايه 4 مانيوال اللي ب 121 و انا في المعرض اشتريت الايه 5
ليه بقى
علشان الصالون اوسع و العربيه شكلها احسن برضه و علشان النعومية ..الايه 5 عفشتها احل بكتير
بالنسبه بق للتكييف ف بصراحه تكييف الايه 5 مش عاجبني و لسه ما عملتش صيانه الا 10000 علشان اسالهم هو ده طبيعي و لا عربيتي فيها حاجه
توكل عل الله لو الفرق معاك و هات الايه 5 مانيوال 2008 عربيه حلوه قوييييييييي

اشكرك على نصيحتك وربنا يبارك لك في عربيتك ... هو حضرتك جايبها المانيوال الكاملة ب 138 الف من الوكيل برده ولا ايه؟؟؟ .... يا ريت تقولي العربية بتسخن بسرعة في الجو الحر والزحمة ولا ايه الاخبار
وجزاك الله كل خير

**egypt_dr** · 31-05-2009 07:03 PM

حد يفيدنا يا جماعة من الناس اللي معاهم الايه 5 ... تكييفها عامل معاكم ايه ؟؟؟؟

**egypt_dr** · 31-05-2009 07:05 PM

يا ريت تقولنا يا فادي فين ال a5 اللي ب 135 الف دي لأني شوفتها في الوكيل مانيوال كاملة موديل 2008 ب 138 الف ... لو تعرف معرض معين عارضها بالسعر ده قولنا عليه
وشكرا

**bishoy02010** · 31-05-2009 08:23 PM

المشاركة الأصلية كتبت بواسطة egypt_dr

يا جماعة النهارده والدي كان في معرض اباظة في الاسكندرية بيسأل على ال a5 موديل 2008 اللي ب 138 الف عند الوكيل
قالوا ان هما باعوا كل موديلات ال 2008 اللي كانت عندهم المانيوال الكاملة ب 140 الف وماعدش فاضل منها خلاص
وبعدين والدي سأله على ال a4 المانيوال اللي ب 121 الف موديل 2009 قاله انها موجودة عندهم بنفس السعر

وفي الاخر راح قال لوالدي ... نصيحة لو عاوز تجيب مانيوال هات ال a4 المانيوال ووفر فلوسك واركب عربية موديل 2009 احسن لأن مفيش فرق كبير في الكماليات بينهم هو فرق الشكل بس
او تزود اكتر وتجيب ال a5 الاوتوماتيك اللي ب 160 الف ... ورفض يقول لوالدي سبب هذه النصيحة

هل يا جماعة ال a5 المانيوال موديل 2008 دي ممكن يكون فيها حاجة مثلا ولا ايه ؟؟؟؟ عشان مركونة بقالها فترة ؟؟؟
ولا كلمته دي مجرد كلام بياعين؟؟
انا مش فاهم هو ليه قال الكلمة دي واثار القلق عند والدي من ناحية ال a5 موديل 2008

والدي طلب مني اسألكم واشوف رأيكم ايه ؟؟؟
يا ريت تردوا عليا في اقرب وقت ممكن ... نجيب الa4 2009 ولا ال a5 2008 ؟؟؟؟ الفرق بينهم 18 الف مش قليل برده

متهيقلى كلام وبس عشان يبيعلك ال a4 رائى a5 طبعا ومعتقدش العربيه فيها مشاكل وإلا كانت ظهرت عند كل الناس متقلقش

**Fadi Ezzat** · 31-05-2009 11:19 PM

المشاركة الأصلية كتبت بواسطة egypt_dr

يا ريت تقولنا يا فادي فين ال a5 اللي ب 135 الف دي لأني شوفتها في الوكيل مانيوال كاملة موديل 2008 ب 138 الف ... لو تعرف معرض معين عارضها بالسعر ده قولنا عليه
وشكرا

معلش سورى مدخلتش على اسكودا من فترة وماتزعلش منى انا اسف وادى ياسيدى مواصفات الاوكتافيا الى بقولك عليها
المستوى الأول ( c) : و هذا المستوى يتميز بالآتى : – نظام التعليق متطور - الباور ستيرنج كهربائى - مزودة بنظام لمنع إنزلاق السيارة أثناء صعودها أو هبوطها من المرتفعات – السيارة أطول و أعرض قليلا مع مساحة أوسع للراكب الخلفى – الشنطة أكبر قليلا ( بحوالى 20 لتر ) – وجود 2 إير باج - شكل الكبوت و المؤخرة مختلف قليلا – وجود مثبت سرعة فى الدركسيون – مزودة بثلاجتين لتبريد المشروبات – مزودة بمؤشر لبيان ضغط الهواء فى الإطارات – فتح الشنطة و الزجاج عن طريق الريموت كونترول –تكييف باللمس ديجيتال مع إمكانية ضبط درجة حرارة مختلفة لكل من الراكبين الأماميين – وجود فتحتين للتكييف للركاب فى الكنبة الخلفية – وجود راديو سى دى ( سى دى عادى و ليس mp3 ) .

**egypt_dr** · 01-06-2009 01:36 AM

المشاركة الأصلية كتبت بواسطة fadi ezzat

معلش سورى مدخلتش على اسكودا من فترة وماتزعلش منى انا اسف وادى ياسيدى مواصفات الاوكتافيا الى بقولك عليها
المستوى الأول ( c) : و هذا المستوى يتميز بالآتى : – نظام التعليق متطور - الباور ستيرنج كهربائى - مزودة بنظام لمنع إنزلاق السيارة أثناء صعودها أو هبوطها من المرتفعات – السيارة أطول و أعرض قليلا مع مساحة أوسع للراكب الخلفى – الشنطة أكبر قليلا ( بحوالى 20 لتر ) – وجود 2 إير باج - شكل الكبوت و المؤخرة مختلف قليلا – وجود مثبت سرعة فى الدركسيون – مزودة بثلاجتين لتبريد المشروبات – مزودة بمؤشر لبيان ضغط الهواء فى الإطارات – فتح الشنطة و الزجاج عن طريق الريموت كونترول –تكييف باللمس ديجيتال مع إمكانية ضبط درجة حرارة مختلفة لكل من الراكبين الأماميين – وجود فتحتين للتكييف للركاب فى الكنبة الخلفية – وجود راديو سى دى ( سى دى عادى و ليس mp3 ) .

متشكر جدا على ردك يا باشا .. انا قلت برده انت مش معقول تكون مطنشني ههههه
بس انا كنت عاوز اعرف منك فين المعرض اللي عارضها ب 135 الف اللي انت بتقول عليه؟؟
لأنها عند الوكيل ب 138 الف
والف شكر ليك يا باشا
انت متأكد ان مؤشر ضغط الهواء في الاطارات ده موجود في ال a5 موديل 2008 ؟؟
والتكييف على حد علمي انه في المانيوال الكاملة بيكون مانيوال مش باللمس ؟؟