استفسار فني

**Hany Hussain** · 02-10-2007 11:17 PM

جزاكم الله خيرا جميعا على المعلومات والنصايح الهايلة دي بصراحة دا اكتر من اللي كنت متصوره
ان شاء الله هانفذ الكلام ده بس على فكرة انا مش في مصر وفعلا الموتير الاستيراد حل كويس جدا بس انا شاكك انها محتاجة شنبر و شوية صبابات
كل سنة اونتو طيبين وألف ألف شكر على المعلومات القيمة دي

**Ahmed Anwer** · 03-10-2007 12:07 AM

زي ما الأخ أدهم بيقول لحضرتك الموتور الإستيراد أبرك من أي عمرة ،،
بس إنشاءالله مايبقاش فيها عمرة و تبقي حاجة بسيطة

**Adham** · 03-10-2007 12:23 AM

المشاركة الأصلية كتبت بواسطة limo

ممكن اسأل سؤال بعد اذن صاحب الموضوع ؟
انا عندى العربيه بطلع دخنه بيضاء كثيفه مش كل يوم يعنى كل اسبوع او اقل ولما مدوراش يجى يوم كامل (يعنى ممكن اسيب العربيه يومين او يوم من غير تدوير المحرك والدخنه مطلعش خالص )
بمعنى ان الدخنه مبطلعش باستمرار
وبمجرد دقيقتين من التحرك بالسياره الدخنه بتختفى تماما
الزيت مضبوط بس مياه التبريد بنتقص باستمرار ومفيش تخبيط والعربيه سحبها تمام

الدخان الابيض معناة ان فية بخار مياة في العادم و دة نتيجة تهريب مياة من وش السلندر لداخل غرف الحريق

و انت بتقول ان المياة بتنقص و ان الموضوع دة متكرر ومش بانتظام

شوف, الصبح و العربية باردة افتح غطاء الردياتير
وبعدين دور العربية
لو لقيت مياة الردياتير فارت (اتدلقت) برة الردياتير

دة يؤكد كمان انة جوان وش السلندر بيهرب مياة لغرف الحريق و بيهرب كبس من غرف الحريق لقمصان التبريد

شوف ميكانيكي كويس يغير جوان وش السلندر

**Adham** · 03-10-2007 12:28 AM

معلش ملاحظ ان الناس بتقول ان الدخان الابيض و الازرق معناه حريق زيت و ان الموتور مفوت

دة مش صحيح

الدخان الابيض بخار مياة في العادم

و دة غالبا من جوان وش سلندر او اسباب اخرى

لكن اذا كان حريق زيت نتيجة تفويت موتور او اويلسيلات صبابات بيبقى العادم لونة ازرق

و في حالة اويلسيلات الصبابات بيبقى الدخان دة بيظهر بس الصبح اول دوارة السيارة
و ايضا اثناء القيادة مع القرص عالموتور يظهر بين النقلات

و موضوع اويلسيلات الصبابات بيتكلف بس تمن الاويلسيلات + تمن جوان وش سلندر و مصنعيات

يعني مش كتير, بس يفضل يتعمل معاة قواعد و دلايل و رودية للصبابات

و لو كان فية صباب او اتنين محروقين يتغيروا كمان بالمرة

تحياتي

**مدحت منيب** · 03-10-2007 08:56 AM

مشكورين ..نورتونا و انقزتونا من فتاوى الميكانيكية .. جازاكم اللة كل خير

**ahmed1981** · 03-10-2007 05:24 PM

المشاركة الأصلية كتبت بواسطة Adham

الدخان الابيض بخار مياة في العادم

أحياناً يكون الدخان الأبيض ناتج من التفويت البسيط وإحتراق الزيت
وخاصة عندما يخرج هذا الدخان والمحرك ساخن وعندها يستحيل أن يظهر بخار الماء بلون أبيض نتيجة لسخونة المحرك
وأحياناً أخرى يكون الدخان الأبيض مائل للأزرق وهذا أيضا زيت محروق يعني تفويت

وفي حالة أن يكون الدخان الأبيض بخار ماء نتيجة لتسرب الماء داخل الإسطوانات سيظهر فقط في حالة المحرك البارد
وفور السخونة لن ترى دخان أبيض يقال عنه بخار ماء ولو ظهر يكون سببه تفويت خفيف وحريق زيت خفيف
والله أعلم

**Hany Hussain** · 30-10-2007 08:16 PM

بص جرب الاول تستعمل اضافات الزيوت زي الريستورر و الريسورس

اعتقد ممكن تمشي سنة او اتنين كمان لو استعملت اضافات

طيب ممكن أسأل عن الريسورس والريستور دول عند مين و تقريبا سعرهم كام؟ معلش انا فعلا مش عارف
وجزاكم الله خيرا

**Adham** · 31-10-2007 12:20 PM

من التوفيقية 12 شارع ذكي على ما اذكر التوكيل بتاعهم و العلبة ب 90 جنية وممكن تتصل بيهم حضرتك يبعتوهملك دليفري بس 3 علب ب250 جنية تقريبا

**Hany Hussain** · 02-11-2007 08:49 PM

من التوفيقية 12 شارع ذكي على ما اذكر التوكيل بتاعهم و العلبة ب 90 جنية وممكن تتصل بيهم حضرتك يبعتوهملك دليفري بس 3 علب ب250 جنية تقريبا

ألف ألف شكر وجزاك الله خيرا

الموضوع: استفسار فني

LinkBack

أدوات الموضوع

عرض

-

-

-

-

المواضيع المتشابهه

استفسار

استفسار

استفسار هام جدا

استفسار لل a4

استفسار

الكلمات الدلالية لهذا الموضوع

المفضلات

المفضلات

ضوابط المشاركة