التحقيق مع أساتذة بكلية الهندسة بشأن سؤال للطلاب عن برنامج يحاكى الراقصة

**Abdo_Eldesokey** · 29-05-2009 06:10 PM

المشاركة الأصلية كتبت بواسطة Ahmed Samy

انا باحتك بشكل مباشر مع اساتذة الجامعة ...

و الدكتور ده انا عارف عينته كويس ...

بدون ما معرفة سابقة ...

بعض المدرسين (الذين القاهم حظهم و حظنا العاثر في سلك التدريس) لا يملكون مقومات من الموهبة الفطرية أو المكتسبة في الشرح و التوصيل

ولا يحملون هدفا ولا رسالة لتعليم هذه الرؤوس القابعة أمامهم في المحاضرة ..

بل ..و الأدهى انه مصصم على اكتساب شهرة و سمعة بأنه من عتاولة الكلية و من أباطرة التعليم

و لضعفه في مجاله الحقيقي ...(التدريس) يبدأ الدخول في متاهات اللعب بالأعصاب و المحاضرات الغامضة التي يتعلل بأنها لن تصل لعقول الطلاب الغبية (و هو ان كان فهو دليل على فشله كمعلم يجب عليه أن يوصل المعلومة لأغبى طالب في الدفعة وليس أذكاهم)...

و تجده يهتم بالغياب في المحاضرات و هي بدعة مصرية صميمة ...و ذلك لزايدة الطلب على المحاضرة الفارغة المحتوى.

و عند الامتحان الشفوي ...تجد أسئلة الخيال العلمي و هي أقرب الى الفوازير منها الى قياس مستوى الطالب و ادراكه لعلومة و تطيبقاتها و الهدف من مختلف التقنيات و التداخل ما بينها ...

و تجده سليط اللسان حاد الأعصاب (بيداري يا حبة عيني)

و في الإمتحان تجد اسئلة من هذه العينة ...

علشان لما حد يسأل عليه ...يقولو (مش ده بتاع سؤال الرقاصة)

وطول ما الناس دول في كراسيهم

هاتفضل البلد دي

رقاصة فعلا ....

:k32:

انت بتحضر معانا ولا إيه يا دكتور أحمد

كلامك ينطبق على الدكتور ده بالنص

**Ahmed Samy** · 29-05-2009 06:27 PM

المشاركة الأصلية كتبت بواسطة Abdo_Eldesokey

:k32:

انت بتحضر معانا ولا إيه يا دكتور أحمد

كلامك ينطبق على الدكتور ده بالنص

أصل الناس دي باتعامل معاها كتير في الجامعة و في المنصورة برضو

و انا عارف ان المشكلة ...مش في لفظ الرقاصة أساسا ...

أنا مش متخصص ..بس لو جالك سؤال انك تعمل برنامج حركي لرقاصة هاتحل منين ؟؟؟....من الراقصة و السياسي ولا راقصة قطاع عام ولا نذاكر بقى مقررات فرقة رضا ..

يعني اللي ينسى يبرمج تقصيعة يمين برعشة ينقص كام ؟؟؟

وياترى بقى الدكتور مدرسته في الرقص ايه علشان انت عارف ده علم و مدارس طبعا و ده تصميم بيعتمد على الحركات بشكل أساسي ..و الغلطة بدرجة

وياترى اللون الفوسفوري أهم في البدلة ولا الأحمر الفاقع ؟؟؟

و هاتبينوا ايه و تدارو ايه على رأي هاني رمزي .......

يعني نموذج الإجابة بتاعة يجي منين ...

و بكده يبقى الإجابة النموذجية في عقل الباشا الأستاذ الدكتور المجرم فقط ..و ينجح و يسقط بمزاجه .....

بغض النظر عن السؤال تقنيا ...هو ده المثل الأقرب لتفكيرك و انت أستاذ هندسة اتصالات و بتحط سؤال ؟؟؟

اعذرونى على الفاظي ...بس دي رقاصة برضه ...