استفسار بالنسبة لل 206 هاتش باك

**scorpoin9** · 29-05-2009 03:13 PM

لو سمحتم انا عاوز اشترى 206 هاتش باك اكيد استعمال عشان مفيش منها جديد فى السوق بس كنت عاز اعرف شوية حاجات اولا انا حدور على 1400 سىسى و عاوز حد يفيدنى بالنسبة لاداء الموتور و استهلاك البنزين و التكيف بياثر على السحب و لا لاء ثانيا الكماليات الى بتنزل مع العربية و هل الفتيس الاتوماتيك فى مشاكل و لا لاء و هل هى ضيقة من جوة و لا ممكن تستحمل اربع افراد و هل الشنطة ضيقة اوى و لا معقولة و لو حد عندة اى اضافى يا ريت يزود و اكون شاكر اوى و شكرااا

**adham_cs** · 03-06-2009 12:56 PM

يا باشا أنا معايا العربية دي
هيه 1400 موديل 2004
وسحبها ممتاز وانا طولي 190 ومرتاح جدا فيها
وبتاخد أربع أشخاص وممكن خمسة
الفتيس بتاعي عادة

**powerofhelll** · 03-06-2009 01:47 PM

الموتور 1400 قوي جدا افضل من 1100 بكتير
التكيف جيد جدا التاثير مش كبير
البنزين موفره بالنسبه لعربيات كتير
الكمليات 1400 فل ابشن 4 زجاج كهرباء - باور استيرنج - سنتر لوك - تكيف
ممتازه جدا 4 افراد
الشنطه اكبر من البولو

العربيه ممتازه جدا جدا
عمليه و الثبات عالي جدا
فرنساوي
اعطالها قليله جدا جدا جدا
قطع الغيار موجوده بالتوكيل و اسعارها جيده بس قليله خارج التوكيل بس موجوده مش نادره
من وجهة نظري افضل سياره في الفئه دي افضل من البولو و الابيزا و سيريون