الموضوع: و تم أخيراً تنظيف الرشاشات

بحمد الله رب العالمين و بمشاركة الأعضاء الكرام و معاونتهم
النهارده على الساعة 4.30 تقريباً وصلت لمركز النيل للصيانة - 38 شارع الدرى - الفردوس حالياً العجوزة الشارع اللى بعد نعمة و ما تفكرش تخش عكس عشان فى ضابط هناك بيصطاد العربيات
عموماً وصلت هناك قابلت الأستاذ / جورج عدلى و هو راجل غاية فى الأحترام حكيتله اللى بيحصل معايا قللى الماف هو المشكله الأكبر و تليها الرشاشات
فكينا الرشاشات و بدأت عملية التنظيف
الخطوة الأولى : تم النقع فى سائل نسيت أسمة للأسف قاللى عليه مهندس شادى بس للأسف مش فاكره و ده بتاع الألترا سونيك كلين و قعدت 600 ثانية فى الجهاز ده
الخطوه الثانية : اتحطت فى جهاز للفحص و بضغوط عالية و عرفت انى عندى واحد فى الطراوة ضعيف جداً و التانى بيشاور عقله
على اى حال انا صورتها صوت و صورة و تصوير ثابت و جارى ادراج الروابط
و انا بعيد شكرى للناس اللى معانا و شكر خاص للمهندس شادى و مهندس محمد و استاذ جورج و على فكره مهندس شادى دلنى اجيب بلف الضغوط الأصلى بتاع جى ام منين و اتصل بالراجل و جابلى تخفيض منه كمان و لا كنت اعرف او هو يعرفنى
و مرة اخرى جارى رفع الروابط على موقع رفع