تصدقوا بالله

أنا مندمجتش فى المنتدى ده إلا من أسابيع قليلة جدا
بس سبحان الله

غير تفكيرى بالنسبة للعربيات 180 درجة

أنا كنت داخل أسأل على نوع معين

بس بعد فترة من تغذية العقل فى المنتدى .. والاستمتاع به وبآراء الأعضاء:k32:

تيقنت أن نصيبى فى الجميلة .. جين 2

من غير ما أطول على حضراتكم

انا خلاص استقريت على العربية الجميلة دى
وهجيب الأتوماتيك الفول أوبشن

وروحت توكيل عز العرب فى اسكندرية على الزراعى

المهم اتكلمت مع مسئول البيع بخصوص الخصم بتاع الأستاذ محسن فى التوكيل الرئيسى على الصحراوى فى القاهرة

وإن نايل موتورز عامل لينك بينه وبين التوكيل

قالى الكلام ده مش مظبوط .. ومش هيحصل

طبعا انا لسه متأكدتش من فرع القاهرة .. انا بقول اللى حصل معايا

وكمان قالى لو حجزت دلوقتى هستلم فى نص شهر 7 أو آخره

ولما لقيته بيتكلم كده أخدت بعضى ومشيت

اللى عايزه من حضراتكم الآتى :

1- انا عايز أشترى خلال فترة معرض أخبار اليوم .. يا ترى هايكون فى عربيات متوفرة الفترة دى؟
ولا لازم أحجز بردو ؟ .. وأستلم بعد فترة

أنا بقول خلال فترة المعرض .. علشان يمكن يحصل عروض من بروتون ولا حاجة .. زى ما بتعلن البريليانس عن عربياتها

2- الموديلات القديمة كانت الساعة موجودة .. بس اتشالت فى موديل 2009
طيب دلوقتى .. مفيش ساعة يعنى فى العربية .. ولو فى .. مكانها فين ؟

3- فى فتح تنك البنزين من داخل العربية ولا لأ ؟

4- عايز أعرف موديل 2010 هينزل أمتى ؟

5- فى عازل حرارى على موتور العربية ؟

6- العربية بتنزل بزجاج فيميه ولا لأ ؟

7- ألوان موديلات 2009 إيه ؟ .. ويا سلام لو حد يحطى لى ألوان 2009

8- يعنى ايه إيموبليزر اللى ببيجى مع الانذار ؟

9- فى قضبان حماية فى أبواب العربية ؟

10- لما أجى أستلم العربية .. أبص على إيه؟ ( مهم جدا )

بمعنى أتأكد من إيه قبل ما أخد العربية وأمشى .. مثلاً .. أبص على أنوار العربية الأمامية والخلفية ونور الشنطة ونور الصالون .. والأبواب بتقفل كويس ولا لأ .. طيب وإيه تانى؟

إيه كل الكلام اللى حصل ده ... اعتذر عن الإطالة

لكن عايزكم تستحملوا بروتوناوى جديد عليكم إن شاء الله