التيجو تقضي علي احلام الكارينز في السوق المصري

**attiahf** · 21-11-2009 07:45 AM

ارجو عمل مقارنة فنية للاخوة الى داخليين شمال فى اى عربية ويتم النقد بناء على دولة التصنيع وخلاص بدون تجرية السيارة فعليا .
الكل اول ما يسمع صينى تبتدى العقد تظهر..... ما كل حاجة اصبحت صينى..كل المشكلة ان الصين دخلت سوق السيارات متاخرة عن الدول الاخرى
بس حتكتسح الوق قريب وكل الوكلاء حيفضلوا الصينى عن اى ماركة اخرى
وبالمناسبة كل العربيات من اى شركة اخرى يدخل فيها مكون صينى ...واتحدى اى شخص يقول مخالف

**zkralla** · 27-11-2009 01:43 AM

المشاركة الأصلية كتبت بواسطة alkhawga

التيجو 2000 سي سي الاتوماتيك تقضي علي احلام الكارينز في السوق المصري بافضلية
2 اير باج امامي
abs
ebd
سنتر لوك بعد سرعة 40 الابواب تقفل اتوماتيك امان للاطفال
عائلية و رياضية

الخبرة الصينية

في حد يقدر يكح ههههههههههههههههههههههههه ههههه.

اكيد ده هزار

**mohamedhamam** · 27-11-2009 01:50 AM

أجمل ما فى المنتدى المناقشات الموضوعية اللى كل أعضاء المنتدى بسيتفيدوا و لكن أين هى فى هذا الموضوع

**zkralla** · 27-11-2009 03:39 PM

المشاركة الأصلية كتبت بواسطة attiahf

بس حتكتسح الوق قريب وكل الوكلاء حيفضلوا الصينى عن اى ماركة اخرى
وبالمناسبة كل العربيات من اى شركة اخرى يدخل فيها مكون صينى ...واتحدى اى شخص يقول مخالف

ديه حاجة فى علم الغيب والمقدمات بتقول غير كده لان حتى الان اوربا رفضت دخول اى صينى اليها حتى البريلينس الى بعتبر فخر الصناعة الصينية
فى فرق لما شركة عريقة تخلى الصين تعمل مكون فى عربية وتجبرها على معايير جودة معينة غير لما الصين تعمل منها لنفسها وبمعايير جودة تحددها هى بنفسها فهنا المشكلة
أنا والله ما ضد الصينى وباحترم العربية الاسبرنزا جدا بس عقدة المصريين من الصينى محتاجة وقت عشان الثقة ترجع تانى فخلينا نقول الصين بتعمل محاولات محترمة ومع الزمن الدنيا هتتطور معاهم

**maged_bassyouni** · 04-12-2009 08:21 PM

والله يا جماعه انا لا مع الصينى ولا ضدو بس خلينا واقعيين احنا عندنا عقده من الصينى ودا بيتهيألى عشان لعب الأطفال اللى بجنيه وبتبوظ قبل ما يتلعب بيها بس بردو فيه حاجات تانيه الصين بتعملها زى الاب توب مثلا تقريبا بقت كل الماركات العالميه للاب توب بقت صينى ميه فى الميه صناعه وتجميع وموجوده فى كل الدنيا واللى يعرف يعمل التكنولوجيا دى مش صعب عليه ابدا يعمل عربيه .... اكيد فيه شويه مشكلات فى العربيات الصينى بس حد يقول لى على عربيه واحده ما فيهاش مشكلات بس عشان هى صينى بتبقى تحت النضاره اوى ... وبيتهيألى خلال كام سنه الموضوع حا يتغير خااااالص

**Ghost2** · 06-12-2009 12:31 AM

التيجو عربية حلوة مش وحشة على اد فلوسها .. بس لسه موصلناش للمرحلة اللي نقول فيها ان الصيني تفوق .. لسه شوية يا شباب .. بس هياخدو وقت كبير لانهم بدأو غلط .. وخلو ناس كتير تقلق .. وعشان تبني ثقة تاني .. هتاخد سنين ومش شوية .. عفوا الكارينز تتفوق ولكن هذا لا يقلل من التيجو