محتار معايز مساعده الخبراء

**mzda** · 30-05-2009 02:03 PM

انا لسه متعلم السواقه جديد وعايز اشتري عربيه قسط ومعايا 30000 ومحتار بين شويه موديلات وعايز رأيكم

1- شيفورليه لانوس ومن مميزاتها الانتشار وقطع الغيار وسعرها كويس برده 69000 لكن انا سمعت ان المساعدين بتوعها مش جمدين واحنا عيله من اربع افراد
2- رينو لوجان شكلها حلو وعربيه جديده وبتصدر لاوربا فيها كل الكمليات + ايرباج ورخيصه 66000 لكن خايف عشان لسه جديده وقلقان من قطع الغيار واعتقد هيه اوسع من اللانوس وعفشتها اجمد
3- شيفورليه افيو وديه شكلها حلو و شيك و هي تعديل للانوس يعني نظام التعليق اجمد والتوجيه برده لاكن مشكله rpm قلقاني كمان موضوع الزجاج المانيول ورا ده رخم خصوصا عربيه ب 76000
4-نيو اكسنت وسمعت انها عربيه حلوا ومش منتشره بس حتنتشر وشكلها جديد ومتميز بس برضه خايف من قطع
الغيار من عم غبور وكمان خايف شكلها يتغير بسرعه وملقيش قطع الغيار او تبقي نار
5- الفيرنا ودي ارخص واحده فيهم 64000 لكن وطيه شويه وفي ناس كتير بتنصحني ابعد عنها مع اني بحب شكلها مع انها اضيق من اللانوس

اظن حيره ما بعدها حيره ياريت تساعدوني برايكم

**Samah AbdAllah** · 30-05-2009 05:03 PM

بفضل لانوس انا مجربتش شيفروليه لانوس جربت الدايو بس على حد علمى مفيش فرق جوهرى بينها وبين الدايو مجرد فروق شكلية

**M.FOUAD** · 30-05-2009 10:16 PM

ما دام متعلم جديد يبقى هات مستعمل احسن على قد الفلوس اللي معاك خاصة انك هتشتري بالتقسيط لانك طبيعي لسة معندكش خبرة بالعربيات وهتجيب عربية جديدة تبهدلها و تخسر فيها جامد

**micro77** · 03-06-2009 09:34 PM

نصيحه بلاش تشترى جديد دلوقتى لغايه ما تتعلم القياده وتكون تمام يعنى اشترى عربيه مستعمله احسن علشان ما تتبهدلش وما تخسرش فيها كتير

**m_zizo620** · 03-06-2009 11:44 PM

نفسي افيدك و الله يا مازدا بس انا في نفس حيرتك بالظبط الفرق بس اني بسوق من زمان و ياريت الشباب يفيدونا و يدونا ارائهم مع اني مع راي انك تجيب حاجة يوزد تتعلم فيها السواقة الاول