الموضوع: البيجوهاتيه الخبراء ( مساعده عاجله )

السلام عليكم و رحمه الله و بركاته
اخواني الاعزاء
طبعا من فضل الله اشتريت بيجو 305 موديل 79
و اكيد هتكون محتاجه تظبيط
و لان خبرتي تحت الصفر قلت اسالكم تلحقوني قبل ما الصنايعيه يشتغلوني

1-انا كنت سمعت من صاحب العربيه الاول ان الموتور خفيف شويه و ده اللي اكدهوله واحد تاني دئرم في السيارات السؤال دلوقتي منين اعرف انها محتاجه طقم شنبر و لا عمره كامله ؟ ياريت تفهموني


2-بسمع صوت خبطه عند المساعد الخلفي اليمين و الغريب انها مش مع مطب معين او كده يعني لو المساعد بايظ هيبقي ناشف او مع كل خبطه في الارض هتعمل صوت-لا اللي بيحصل معايا اني حتي علي الطرق الكويسه بلاقي الصوت ده و حاسس ان السبب زي ميكون المساعد مش متثبت كويس او مش راكب كويس يا ريت بردو تفيدوني



3-هل المساعدين ممكن تتحشي او تتملي ؟ و لا فكره فاشله و لازم اشتري غيرها ؟ و يا تري سعر المساعد كام




4-حاسس ان الدريكسيون تقيل حبتين تفتكرا ايه السبب ؟ هل ممكن علبه الدريكسيون ؟ و لا ايه



و ياريت تقولولي علي ميكانيكي و عفشجي بيجو جامد و فاهم قريب للهرم او فيصل


و ختاما لكم مني كل الشكر ايها الخبراء

المشاركة الأصلية كتبت بواسطة aboomar22

شكرا يا باشا انت رجعت الناس تانى تتكلم عم 305 لان الكلام كان قليل والمشاركات من فترة كبيرة عموما انا هعمل عمرة قريب وهقولك عملت ايه واتكلفت كام بس عن الاسعار انا اشتريت 2 مقص امامى صينى ب 250 جنيه كويسين و2 بيضة دركسيون فرنساوى تقريبا ب 100 وكاربراتير بيقولوا صينى مع انى شايف مكتوب عليه تركى ب 350 جنيه

اشهد ان لا اله الا الله و ان محمد رسول الله
اخيرا زميل و معاه بيجو 305 و كمان بيقوللي علي خبرته
قلبي مش قادر يا ناس
يا ريت تقولي خبرتك في العمره و قطع الغيار و بتجيب منين
و يا ريت نتعرف سوا