البارومه بتظهر بعد اد ايه ؟؟

**m7nsh** · 30-05-2009 06:58 PM

هو البارومه تبدأ تعمل مشاكل بعد فتره أد ايه يا جماعه ؟؟

يعنى انا كنت عندى خبطه صغيره كده فى الرفرف من حوالى 4 شهور و اتردت ع البارد و فى حتت ع السخن و البويه مقشره من عندها و لونها بيغمق مع الوقت ,, هو لازم تترش عشان موضوع البارومه ده ؟

و عموما كده ايه اهم حجات الواحد ياخد باله مننها عشان يفادى حوار البارومه ده ؟

و شكرا ليكو يا شباب

**pro_samir** · 30-05-2009 08:09 PM

أهم حاجة فى الدواخل متسيبش حاجة واقعة زى الكارتيرة مثلا أو لو فى أى طبة فى حوض العربية واقعة لازم تركبها لأن الحاجات دى اللى بتخلى المياة تدخل لأساسيات العربية ومع الوقت بتعمل مشكلة مع دواخل العربية زى الحوض والعتب والشنطة

زى دايما فى شنطة العربية فى أى عربية سيدان تلاقى أوطى جزء فى الشنطة فية بارومة نتيجة وقوف المياة بعد الغسيل

الرفرف كان عندى فى الانوس برضو مخبوط كدة واترد على البارد وسيبتة فترة من غير رش صدى وبقى شكلة معفن ، رشة مش هياخد حاجة الحقة من دلوقتى وخلاص

**pro_samir** · 01-06-2009 05:15 AM

فى عربيات بيكون فيها طبة فى عمق الشنطة علشان تسرب المياة دى
وفى عربيات بتكون اصلا مفروشة مبتسمحش للمياة انها توصل للصاج
يا اما تنشفها

بس اصلا الشنطة لو الجوان الكاوتش بتاعها محبوك كويس مش هتدخل مياة الا لو كنت فاتحها تغسلها بقى

بس على فكرة العمر الأفتراضى لية دور برضو

**احمدعبدالعزيز** · 03-09-2009 12:27 PM

المشاركة الأصلية كتبت بواسطة mahmooodnageeeb

كم تكلفة رش الرفرف في الآنوس عشان انا هرشه ان شاء الله

بالنسبه للرش فى التوكيلات الحساب بيكون بالوحه يعنى مثلا رفرف بيكون حوالى 250 جنيه اما لو عملتها عند واحد كويس غير التوكيل بيكون سعره حوالى من 100 الى 120 جنيه