الموضوع: اخر كلام فى سخونة الفكترا

اولا متشكر ليكو جميعا

اللي انا فهمته من الكاتالوج ان
Thermostat opening Temp. هي الدرجة اللي بتبدأ عندها دورة التبريد في العمل
Fan Operating Temp. هي الدرجة اللي بتبدأ عندها المروحة في العمل على السرعة الاولى

ال thermostat opening temp---الثرموستات بيبدأ يفتح عند 92 ويبقى مفتوح تماما عند 107
fan operating temp---بتبدأ عند 100 وتفصل 95

على فكرة كل الالماني دي درجة الحرارة الطبيعية بتاعتها

واللة ياريت الناس تسمع علشان الواحد مل خلاص كلة يقولك الاوبل ومشاكل السخونة ومش عارف اية والغريب ان مفيش حد حصلة مشاكل من السخونة الفظيعة اللى بيتكلم عليها ياما بيبقى واحد مبهدل العربية وطبيعى كل حاجة فيها بايظة فا مجتش على دورة التبريد ... ونقعد نعيد ونزيد كل عربية ليها نظامها ومفيش فايدة
اهو كتالوج العربية اهو واللى الشركة نفسها عاملاة مش ميكانيكى بيفتى وبيحب يشغل دماغة ..علشان اللى مش مقتنع

ثانيا المواصفات دى لمحرك 2200 سى سى

لو لاحظت هتلاقى الفرق بين المواتير فى توقيت فتح الثرموستات
هتلاقى اول حاجة petrol rngines except z22se
وبعدين z22se
وبعدين diesel engines

المشاركة الأصلية كتبت بواسطة opelvectra

تمام والله بس الواحد ساعات بيحس ان الدورة ممكن تجلي منك في الحر الجامد اوي و بيبقا خايف طول ما هوا ماشي ربنا يسترها علينا

دى صورة من الكتالوج اللى عاملاة الشركة المصنعة واللى عاملة الديزاين وهما ادرى بحاجتهم
فى الحر الجامد اوى العربية عندك حصل فيها مشاكل قبل كدة

المشاركة الأصلية كتبت بواسطة hellboy

علي فكره يا جماعه . حد لاحظ عربيات الاجره البيجو اللي بتسافر بين المحافظات . احيانا تلاقيهم حطين ورقه كرتون مربعه ورا الشبكه اللي بين الفوانيس ناحيه الفانوس الشمال . حد عارف ليه ؟؟ هي فكره بدائيه لتضليل الترموستات . الكرتونه دي بتحجز الهوا المقابل للعربيه اثناء السفر عن منطقه كوع الترموستات فاللي يحصل ان الترموستات بدل ماتفتح علطول وتهرب الميه السخنه . تفضل مقفوله فتره كبيره فتسخن الموتور ولما يسخن يسحب ويوفر بنزين - الكلام ده من سواقين بيجو وده ليه دليل علي الكلام اللي احنا بنقوله في ان الحراره في الاوبل ميزه معمول حسابها .

تصدق انا كنت هاتجنن واعرف هما بيحطوا الكرتونة دي ليه,اصلها بتخلى شكل العربية مش تمام,بس انا كنت حاسس ان ليها علاقة بالمروحة او التبريد