يارس 2007 زيرو معروضه على ب75000الف

**hosszaki** · 31-05-2009 12:41 AM

هل اشتري العربية ولا لا وهل فى مشاكل ان الموديل قيم عامين وهل يؤثر ذلك على العربية وعلى الترخيص والضمان

**hosszaki** · 31-05-2009 12:43 AM

العربية مانويل جميع الكماليات

**sa3dawy** · 31-05-2009 12:58 AM

السعر قليل بس ممكن .... هيا عاملة كام كيلو ؟؟؟ حالتها اية (حادثة ,,, رشة ,,الخ..)

**alisleman** · 31-05-2009 01:31 AM

قول تفاصيل اكتر علشان نعرف نفيدك

هل صاحبها معرض ولا شخص طب ليه زيرو ايه اللى حصل

**Sharky** · 31-05-2009 09:40 AM

ممكن تفاصيل اكتر عن المعرض و السيارة علشان نفيدك

**hosszaki** · 31-05-2009 02:59 PM

العربية عند تاجر ورايح اشوفها النهارده وعوزكم تفيدونى هل الوقفه الكتير دى تعمل مشكله فى العربية وهل عدم ترخيصها كل ده يعمل مشاكل لو احب ارخصا دلوقت وهل فى مشاكل فى الضمان ولا لا يعنى هل الضمان من سنة الصنع ولا من الترخيص وشكراااااااااااا

**Samir Elshahawy** · 31-05-2009 10:06 PM

الضمان من ساعة ماتشتري العربية , بس أعتقد أن العربية دي علي مافهمت من كلامك كده كسر زيرو لذا خلي بالك تكون مخبوطة أو فيها حاجة و ياريت تأخد معاك حد بيفهم كويس أوي في العربيات علشان يكشف عليها كويس و كمان أتأكد من أن ورقها سليم و كامل

**Sharky** · 31-05-2009 10:14 PM

ما هو علشان كده يا باشا سألته على اسم المعرض علشان نعرف دا معرض محترم و لا نصاب

**hosszaki** · 31-05-2009 10:50 PM

الموضوع كله ان واحد صحبى قال لى على العربية دى وكنت مواعده نروح نشوفها بعد الشغل لكن راحت عليا نومه وانا ما بعرفش فى العربيات قوى وسألت واحد صحبى على العرض ده قال لى انه جاب عربيه بونتو موديل قديم كده من الطارق فى الاسكندريه بسعر مخفض حوالى 65الف جنيه وعلى فكره باكد ان العربية زيرو مش كسر زيرو وبسأل هل ركنتها كل ده يؤثر عليها وهل ممكن تكون مثلا عربيه مخبوطه مثلا وهى خارجه من الجمرك او فى حالة نقلها الى المعرض وراحو ضبطوها وبيبعوها بالسعر ده واسف على عدم وضوح الموضوع بالشكل الكافى لان دى المعلومات الى عندى

**Samir Elshahawy** · 01-06-2009 01:58 AM

ركنة العربية طبعا ممكن أن تؤثر عليها لو ماكانوش بيدوروها و يمشوها و ألا الكاوتش ممكن يتأثر و كمان البطارية وحاجت تانيه لكن لو العربية متخزنة صح مش هايكون هناك أي مشكلة

و لكن السعر المنخفض هو اللي يقلق لأن ممكن زي ماحضرتك قلت فعلا تكون مخبوطة اثناء النقل و علشان تعرف انا عربيتي زيرو و أستلمتها كان فيها حدفة سنة يمين و لما وديتها التوكيل و كشفوا عليها لقوا العربية واخدة خبطة أثرت علي مكان المقص بالشاسيه و سببت ترحيل مقداره حوالي 2 سم طبعا الخبطة مش معايا , فده شئ وارد , برضه ياريت تقولنا علي أسم المعرض و لو هاتروح تشوفها لازم يكون معاك واحد عنده خبره كويسة أوي في الحاجات دي