تعليق على موضوع الخصم ال 10% للأعضاء في التعامل مع سبير كار

**إسلام شاهين** · 03-11-2007 09:52 PM

كنت أعلنت قبل كده عن الاتفاق مع السيد / محمد مصطفى رئيس مجلس إدارة محلات سبير كار لفرش وكماليات السيارات على خصم 10% بالنسبة لل‘ضاء المحترمين عند التعامل مع سبير كار بشرط إظهار ستيكر المنتدى ، وتلقيت اليوم رسالة على الخاص من أحد الأعضاء المحترمين العزاز على فلبي باطلاعه على إعلان منشور اليوم في ملحق أخبار السيارات اليوم بإعلان لسبير كار يفيد بعمل خصم من 15 ل 25 % لحامل الإعلان .

قمت اليوم بزيارة سبير كار والحديث مع السيد / محمد مصطفى بخصوص هذا الموضوع وقال لي ما يأتي :-

الإعلان المنشور اليوم ماهو إلا إعلان تجاري لجذب انتباه القراء ، بخصوص الخصم الخاص بأعضاء المنتدى الكرام فتم زيادته لأكثر من 10% ليصل إلى من 15 ل 25 % كخصم حقيقي فعلا لل‘ضاء في مقابل الإعلان لمحلات سبير كار على منتدانا وتم قعلا عمل الإعلان وتم الدفع من سيادته اليوم .

الخصم هو خصم حقيقي فعلا ويشاء الله العلي القدير إن يتحقق هذا الخصم أمام عيني حيث حضر السيد أبو سيف ( لانسر 2008 ) الشكل القديم والسيد ميمو ( هوندا سيفك 2007 ) للمحل لتركيب فرش وإنذار وبعض الكماليات الأخرى وتم عمل خصم لكل من سيادتهما فعلا وسأترك المجال لهما للتأكيد بنفسهما على ما تم عمله من خصم على مشترياتهم ، بالإضافة إلى الهدايا المقدمة من المحلات لكل منهما .

ملحوظة :- على جميع السادة الأعضاء الراغبين من هذاالعرض لدى هذه المحلات التوجه لفرع باب اللوق أمام وزارة الداخلية وإظهار ستيكر المنتدى وإخبار المسئول أن العضو من طؤف منتدى نايل موتورز أو ذكر اسم العبد لله / إسلام شاهين .

تحياتي

**bimmeraddict** · 03-11-2007 11:05 PM

أ اسلام السلام عليكم وبعد
مع احترامي لسيادتك كماليات السيارات ليست سلعة مسعرة اجباريا وبالتالي أنت لا تعلم سعرها الحقيقي حتي تقول أنك استفدت كليا من الخصم
مثال:أنا تاجر كماليات سيارات(استغفر الله)مثلا وعندي سلعة السعر المستهدف من بيعها 10جنية,جالي واحد زبون .أنت عارف لو قلتلة السلعة ب 100جنية هيفاصل أو على الأقل هيروح يدور في كذا محل لغاية ما يلاقي أحسن وارخص سعر,فأشتغلة وأقولة السلعة دي ب120 جنية ولكن لحظك السعيد انا النهاردة مراتي راضية عندي عشان كدة عامل خصم 20%
في كلا الحالتين هو كسبان كمان لو أنت ما اتظلمتش أكيد الي هايشتري من غير خصم هيتظلم ولا اية رأيك؟

**Abdallah** · 03-11-2007 11:15 PM

انا لن اعلق على كلامك ولا على انك بتتهم التجار بالمواربة انهم افاقين ولكن انا هعلق على نقطة صغيرة لفتت نظرى وهى تللك الجملة التى وردت على لسانك

المشاركة الأصلية كتبت بواسطة bimmeraddict

مثال:أنا تاجر كماليات سيارات(استغفر الله)

ممكن افهم معنى الجملة ايه ؟؟؟
احنا بنقول تجار كماليات مش تجار خمور ولا مخدرات,يا ريت قبل ما تكتب او تنطق كلمة تفكر الأول هل هى فى موضعها ام لا وهل ستتسبب لأى شخص كان فى جرح ام لا.

**إسلام شاهين** · 03-11-2007 11:20 PM

أولا ماهو أي تاجر لازم يكسب ده أمر بديهي مش جديد

ثانيا موضوع إن الحاجات مش متسعره لأا طبعا متسعره ومعروف سعر كل حاجة لأن اللي عنده عند كل التجار غيره وببساطة مفيش حد دلوقتي ينفع يضحك عليه واللي بيروح يجيب حاجة بيسأل عليها في كل حته الأول

ثالثا كل الحكاية يا أستاذي الفاضل محاولة لعما أي شيء لهذا المنتدى الكريم .

رابعا أنا لن أتحدث في هذا الموضوع لإحساسي ببعض الإحراج وسأدع المجال لكل الأعضاء الذين ذهبوا وتعاملوا معهم لطرح آرائهم وانطباعاتهم وتعليقهم على كل شيء

ملحوظة أخيرة :- أنا لم أجبر أحدا على التعامل معهم ومن يريد فليذهب ومن لم يرد فلا يذهب ده مجرد خدمة أجدت أم لم تجد .

تحياتي

**الريس** · 03-11-2007 11:43 PM

هو طبعا كل الشكر يا استاذ اسلام لمجهودك اللي لاينكرة الا ظالم
هو التخوف ان في الاخر نوصل للسعر اللي كنا هنوصله من غير الموضوع ده
و يكون موضوع الخصم بتاع نايل موتورز زي

الإعلان المنشور اليوم ماهو إلا إعلان تجاري لجذب انتباه القراء

فيبقى الموضوع ماشي بنظرية عايزخصم اديك خصم و السلام

و ده تخوف مشروع

و برضوممكن يكون الكلام ده غلط

و ممكن يكون الخصومات و الهدايا الجامدة في الاول

مفيش حاجة هتعرفنا ايه الحقيقة غير ان كل واحد يجرب بنفسه

و شكرا

**bimmeraddict** · 03-11-2007 11:51 PM

فيه مجالات معينة يكثر فيهل الغش والخداع لدرجة أنك عندما تتعامل معهم لازم تشك فيهم وعمرك ما تسلم نفسك ليهم ومن هذه المجالات تجار السيارات وقطع الغيار والكماليات
لدرجة أن في أوروبا عملوا احصائية وجدوا أن أكثر تجار السيارات المستعملة هم تجار مخدرات سابقين أو سبق الحكم عليهم وسجنوا

**Tamer-Ezzat** · 04-11-2007 12:10 AM

معلش التاجر اللى بيشتغل القراء وبيقولك دة خصم تجارى لجذب القراء نتتظر منه ايه ...

قمت اليوم بزيارة سبير كار والحديث مع السيد / محمد مصطفى بخصوص هذا الموضوع وقال لي ما يأتي :-

الإعلان المنشور اليوم ماهو إلا إعلان تجاري لجذب انتباه القراء ، بخصوص الخصم الخاص بأعضاء المنتدى الكرام فتم زيادته لأكثر من 10% ليصل إلى من 15 ل 25 % كخصم حقيقي فعلا لل‘ضاء في مقابل الإعلان لمحلات سبير كار على منتدانا وتم قعلا عمل الإعلان وتم الدفع من سيادته اليوم

دة رأى شخصى يحتمل الصواب أو الخطأ ....

**Karim_Monir** · 04-11-2007 12:12 AM

استاذ غاوي بيمر
كلامك يشوبة كتير من الصحة
بس احب اوضحلك ان فعلا الزبون مابقاش زبون خاصة الزبون المصري اللي طالع عينة في الفلوس
بينزل يدخا المحل يسال على الحاجة ويفاصل ويجيب اخر البياع بعد كدة يدخل على اللي بعد واللي بعدة
ويفضل كدة ولاء والاجمد ان لما يلاقي واحد بيبع غالي يقولوة ده فلان بيبيع ارخص
لحد مل يخليش البياع يكسب 5 او 10
والله في الكمبيوتر في مجالي بقي
واحد صاحبي فاتح شركة وبيدفع ايجار في المول 5 الالاف في الشهر وكسبة في البوردة او الهارد 5 جنية
تخيل 5 جنية ويستحمل ايجار ومرتبات واضاءة وضرايب ومرتجعات ضمان ووووووو
وتقولي الزبون المصري بيضحك علية :D :D :D :D :D :D

**محمدايهاب** · 04-11-2007 02:50 AM

شكرا يا إسلان على المجهود و في هناك واحد أسمه محمد علي ده محترم جدا لو أي حد راح أنصحه بالتعامل معاه أنا عارف معظم إلي بيشتغلوا هناك

Re: تعليق على موضوع الخصم ال 10% للأعضاء في التعامل مع سبير -

الموضوع: تعليق على موضوع الخصم ال 10% للأعضاء في التعامل مع سبير كار

LinkBack

أدوات الموضوع

عرض

-

-

من الاسكندرية ولى رأى ... -

-

المواضيع المتشابهه

سؤال عن موضوع تعليق المالتى فانكشن

رداً على موضوع لا تعليق

## كروت الخصم الخاصة للأعضاء من سبير كار ##

تعليق علي موضوع العيوب

الكلمات الدلالية لهذا الموضوع

المفضلات

المفضلات

ضوابط المشاركة