برجاء الإفادة يا راكبى النيو سيراتو

**de3bis** · 31-05-2009 10:40 AM

أنا حاجز نيو سيراتو SX من شهر ابريل يعنى المفروض خلال يونيو أكون بأستلم إن شاء الله ( إذا العربيات وصلت ) المهم أنا عايز أعرف إذا كانت النيو سيراتو بتعوم على السرعات العالية (فوق ال 120 مثلا ) من خلال تجربة الناس اللى أستلموا فعلا.

برجاء سرعة الإفادة علشان لو فيها مشكلة الغى الحجز و أشوف لى حاجة تانية مع العلم إنى راكب دلوقتى ياريس 2006 مانيوال نصف اوبشنز .

و شكرا للجميع مسبقا :k32:

**NaderNabil** · 31-05-2009 10:54 AM

جربها بنفسك و إحكم...
إحساس الناس غير إحساسك الشخصي...و مستوي العومان عندك يختلف عند الناس التانية...

عشان كده أفضل حاجة تجرب العربية بنفسك...

**de3bis** · 31-05-2009 11:08 AM

اجربها فين ح اكون استلمت ووقعت الفاس فى الراس برجاء المساعدة و نقل الخبرات و مسألة " إحساسك الشخصي " دى ح اعمل حسابها

**a7mednour** · 31-05-2009 01:55 PM

والله اللي استلموا العربية بيقولوا ان ثباتها خرافي وخصوصا مع الجنط 17
وكان الاخ غازي بيقول ان جاب بيها 170 وكانت ثابته معاه ... بس هوة كان جاب 170 كتجربة مش هي سواقته كدة...
عموما بجد الاغلبية بيشيدوا بثباتها ....
وبعدين أخي بلاش السرعات الزائدة عن الحد ... حرام عليكم حياتكم تهدروها كدة ...
صدقني يوم ما توصل لأهلك بالسلامة دي بالدنيا ...مش هتيجي من نص ساعة تاخير...
في العجلة الندامة وفي التأني السلامة
وربنا يهديك الى ما فيه الخير...

**yoko** · 31-05-2009 02:43 PM

أنا ناوي أجيبها برده بس بصراحة مشوفتش حد عاب في ثباتها (والعهده على الراوي)

وبعدين أخي بلاش السرعات الزائدة عن الحد ... حرام عليكم حياتكم تهدروها كدة ...
صدقني يوم ما توصل لأهلك بالسلامة دي بالدنيا ...مش هتيجي من نص ساعة تاخير...
في العجلة الندامة وفي التأني السلامة
وربنا يهديك الى ما فيه الخير...

والله الواحد مبيجريش فوق ال١٢٠ غير لما تكون فية مصيبة أو متأخر على إمتحان

**yoko** · 31-05-2009 02:58 PM

العربية فيه علامة حمراء على 120 لما تتجاوزه لمبة في التبلوه مكتوب عليها 120KM بتنور ومن غير Alarm تن تن تن .....

من موضوع تقيم السيراتو Ex بعد 1000 كم - بالصور للأستاذ ahmed_su
بس ده في موديل ٢٠٠٨ معرفش نيوسيراتو أيه بس غالبا هتبقى زيها يا ريت لو حد مجرب يقولنا