فولكس فاجــن تستفيـــد من شــركة byd الصينيـــة !!

**kemo0o** · 31-05-2009 10:58 PM

المشاركة الأصلية كتبت بواسطة Bossy_Fadl

و هي يا ايفو حكومتنا الرشيدة راح تترك عربيات بالكهربا تدخل مصر بالساهل هيك؟؟

و بعدين؟

يقلبوا مين في فلوس البنزين و يفضلوا يمصوا دمه و يرفعوا عليه السعر؟

لو في حد حاول يدخل العربيات دي مصر هيطخوه

الناس دي مش بتلعب

كل شيء تحت السيطرة

ميرسي لحضرتك استاذ احمد علي الخبرية

يعني هي العربيات الهجينة دي هتمشي بكهرباء ومياه مثلا !! ماهي برضه اساس تشغيلها هيكون البنزين وبعدين الموتور المساعد (الكهربائي) ده موتور ضعيف اصلا قوتة لاتتعدى (35-40 )كيلو وات يعني بالكتير قوي 50 -60 حصان
وكده ولا كده لو حبوا ينزلوا عربيات بتشتغل بالكهرباء بس ماتقلقيش هما عاملين حسابهم وهيغلوا الكهرباء ......

بالنسبة بقى لو العربيات اللي بتشتغل بالكهرباء بس نزلت هتكون مصلحة كبيرة جدا جدا لانها هتخف الزحمة لان العربية يلزمها من 6-10 ساعات شحن عشان تمشي مسافة 300 كيلو فاعتقد ان الزحمة كده هتخف شوية

ده الحل الوحيد لأرتفاع اسعار البنزين وتلوث الهواء والازمه المايه
السيارات الكهربائيه هتحل كتيييير اوى وانا واثق من كده 100%
شكرا شاركى

أكيد طبعا بس بالنسبة للتلوث اعتقد برضه لو رجعنا لورا كده ندور على " من اين تأتي الكهرباء " طبعا كلنا هنقول من السد العالي :k32: يعني مافيش تلوث
لكن انا هقول لك ان محطات انتاج القوة الكهربائية اكيد بتلوث الجو !! ولا انت ايه رايك ؟؟
عامة انا معاك ان التلوث هيقل كتير جدا جدا وربنا يدينا ويديك طول العمر لحد لما نشوف الحاجات دي على ارض مصر المحروسة

**evoo90** · 01-06-2009 01:27 PM

[gdwl]

المشاركة الأصلية كتبت بواسطة kemo0o

يعني هي العربيات الهجينة دي هتمشي بكهرباء ومياه مثلا !! ماهي برضه اساس تشغيلها هيكون البنزين وبعدين الموتور المساعد (الكهربائي) ده موتور ضعيف اصلا قوتة لاتتعدى (35-40 )كيلو وات يعني بالكتير قوي 50 -60 حصان
وكده ولا كده لو حبوا ينزلوا عربيات بتشتغل بالكهرباء بس ماتقلقيش هما عاملين حسابهم وهيغلوا الكهرباء ......

بالنسبة بقى لو العربيات اللي بتشتغل بالكهرباء بس نزلت هتكون مصلحة كبيرة جدا جدا لانها هتخف الزحمة لان العربية يلزمها من 6-10 ساعات شحن عشان تمشي مسافة 300 كيلو فاعتقد ان الزحمة كده هتخف شوية

أكيد طبعا بس بالنسبة للتلوث اعتقد برضه لو رجعنا لورا كده ندور على " من اين تأتي الكهرباء " طبعا كلنا هنقول من السد العالي :k32: يعني مافيش تلوث
لكن انا هقول لك ان محطات انتاج القوة الكهربائية اكيد بتلوث الجو !! ولا انت ايه رايك ؟؟
عامة انا معاك ان التلوث هيقل كتير جدا جدا وربنا يدينا ويديك طول العمر لحد لما نشوف الحاجات دي على ارض مصر المحروسة

[/gdwl]

كلامك سليم ياكيمو ....
بس انا متوقع ان هتبقى هناك منافسات من الشركات والعلماء انهم يحلوا مشكله الشحن اللى بياخد وقت ده و كمان موضوع الhp اكيد هيزيد شويه احنا مش عايزين اكتر من 70-80 حصان احنا عايزين عربيه اقتصاديه باقل تكاليف وكمان 70 - 80 حصان مش قليلين على عربيه كهربائيه ماتنسوش ان العربيه هتبقى اخف كتير من عربيات الاحتراق الداخلى
طبعا هيبقى موتور الكهرباء صغير ووزنه قليل وطبعا مافيش سخونيه للدرجه العاليه يعنى حاجات كتير هتتغير والوزن والحجم هيبقوا اقل بكتير من لاعربيات بتاعتنا
العربيات الاقتصاديه مش فى استهلاك الوقود بس
كمان فى قطع الغيار وبساطه وسهوله الفك والتركيب والصيانه وحجم صغيرمن بره وتكون واسعه من جوه
زى تصميم غرف الاحتراق لازم يكون وش السلندر والبلوك حجمهم صغير وتكون غرفه الاحتراق حجمها كبير
الموضوع مش سهل خالص بس اكيد هيبقى فى تطوير وحاجات ماكناش نصدقها
بنز لما صنع اول محرك ماكانش متوقع اى حاجه من اللى وصلتلها الشركه دلوقتى
ماكانش متوقع ان هيبقى فى عربيات بأسمه دلوقتى بالمواصفات الخياليه اللى احنا شايفنها دى ...
الموضوع ببساطه اننا نبطل نحبط نفسنا. ونشتغل ونفكر ونصحى المخ الميت ده
والله بحزن قوى لما واحد يكتب خبر عن مثلا زى ماحصل (عربيه بتمشى بالميه) والاقى ناس ترد -لا لا لا ابدا ده غلط دهعمره مايحصل ده تخريف ومش معقول
انا عن نفسى اصدق اى حاجه الانسان ليه تصرف فيها
ربنا يهدينا
وان نزلت العربيه دى انا اول واحد هفكر اطورها ان شاء الله