فيديو مقابلة أعضاء المنتدى بالأسكندرية - مايو 2009 -

**ahmed_esmail** · 31-05-2009 06:45 PM

لا يا خالد مش شغال دا من اول ما بفتح اللينك بيقولى error
???

**SHNORY** · 31-05-2009 06:52 PM

المشاركة الأصلية كتبت بواسطة kh_talaat

تم بحمد الله رفع فيديو مقابلة أعضاء المنتدى بالأسكندرية بعد أسبوع من النقل للكمبيوتر وعمل المونتاج

المقابلة كانت يوم الجمعة بتاريخ 22/5/2009

ملف الفيديو يا جماعه 213 ميجابايت وأنا ضغطته بالـ winrar وقسمته على جزئين

والفيديو زي ما قلت قبل كدة مسابش حاجه في المقابلة

من أول التعارف بين الأعضاء
- حلقات الطاوله والدومينو
- علقه الشواء ( كريم منير ياعيني 4 ساعات شوي)
- المطبخ ومكرونة شريف حبيب و تتبيل الفراخ من قبل شاب دمنهور محمد (الأسد الفرنساوي) وهاني فتحي
- سلطة أشرف فتحي والطريقة الفريدة للطحينه من اسلام ابراهيم
- وأخيرا الأكل وشرب الشاي بالنعناع اللي معمول على الفحم
- وانتهاء بكورسات الجاكوزي للأعضاء ومسابقات السباحه

أتمنى لكم مشاهدة ممتعه وشكرا لمستضيف الرحله محمد بيك الطويل

اللينكات على الـrapidshare وأي حد عايز أرفعله الفيديو على موقع تاني يكتب أسم الموقع وانا تحت أمره

http://rapidshare.com/files/23918656...part1.rar.html

http://rapidshare.com/files/23919666...part2.rar.html

عارفين
انا مش قادر اوصفلكم التاثر اللي كنت فيه وانا بتفرج علي الفيديوا
وقلبي اتخطف وكلمه النهايه بتنزل
مش عارف اوصف مين ولا اقول ايه
بس حشكركم واحد واحد علي اليوم الجميل ده والصحبه الاجمل
حبدا بخالد طلعت اللي اخرج الفيديوا بالشكل الرائع ده واقوله ربنا يبارك في ايدك
ومحمد عبد الرحمن حبيب قلبي اللي مش عارف اشكره ازاي علي صداقته دي
عاوز اقولكم انه لو غطس يوم ولا اتنين ومجاليش بتصل بيه اشوفه عامل ايه من كتر ما بيوحشني
وحبيبي محمد الطويل ابو الكرم والاخلاق والضحكه الجميله اللي بمشي مشوار علشان اشوفها
كريم منير حجر مهم في الاساس والعمود اللي شايل المنتدي والمقابلات علي كتافه ربنا يديم عليا شرف صداقتك
مايكل ساهر اللي مفيش مقابله تنفع من غير جمال اخلاقه وخفه دمه والكاميرا الرهيبه بتاعته
شريف حبيب انا لو اعرف بيتك كنت جيت خطفتك كل مقابله علشان تحضر معانا ومتغطسش غطساتك دي
محمد البطش وهاني فتحي حظي كان وحش اني مقعدتش معاكم كتير بس ونعم الرجوله واجمل تحيه لاسود دمنهور
احمد بيك اوكا بجد بتنور المقابلات وكفايه انك بتزوغ من شغلك وبتيجي تقضدي معانا اجمل اوقات بصحبتك
محمد مصطفي صحبتك وكلامك ميتزهقش منهم وبرصه مقدرتش اشبع منك
محمد صلاح مش حقولك الفراخ راحت فين غير لما تيجي تاني وتنورنا ونجيبلك الدنيا كلها لو نقدر نجيبهالك
اشرف بيك فتحي اخ غالي وعزيز وشخصيه يندر اننا نلاقي منها كتير دلوقتي انا خايف من كتر كرمه ييجي في يوم يقولي انا اتبرعت بكليتي لواحد صاحبي كان مزنوق فيها
احمد بيك عبد العزيز حبيبي ساكن العجمي والبيطاش اوعدك اني حصدعك كتير في الصيف لما حتزهق مني والله نفسي اشوفك كتير
خالد ابو رقيه خفه الدم والرجوله وولو قعدت معاك العمر كله مش حزهق من قعدتك ولا من جمال اخلاقك
احمد midoalex الاحترام والهدوء والشاب المصري الي الواحد يفخر بصداقته
احمد بيك عبد المقصود اللي ساب اصحابه والقشريات وضحي بوقته وجه قعد معانا ربنا يبارك في رجولتك وبرضه الشويه الصغيرين دول ميتحسبوش ولازم اشوفك تاني
واخيرا
نجم المقابله وسلطان الطحينه وملك ملوك خفه الدم والتدمير
حبيبي اسلااااااااااااام ابراهيم قعدت معاك كتير اوي وكفايه ده كان نفسي اقولك كانت معرفه خير واللي بيننا انتهي
بس حعمل ايه قلبي طيب وبجد انا مبشبعش من القعده معاك بس ميكونش فيه ماتش كوره
وفعلا انت فهمتني وفتحت عيني علي حاجه مهمه
اني محطش سلطه الطحينه في بقي الا لو انا اللي عاملها بايدي هههههههههههههههههه
اسلام اختفيفي ظروف غامضه من بعد المقابله بس كلمته النهارده ولقيت انه للاسف مختفاش ولا حاجه بس كان عنده شغل يلا الجايات اكتر من الرايحات

حبايبي واخواتي كل كلمه قولتها لواحد فيكم هي مجرد جزء من احساسي وكل كلمه اتقالك كل واحد فيكم يستاهلها
انا مش بخص حد بكلام معين او بوصف معين انما كلكم فيكم كل الصفات الجميله اللي الواحد بيتمناها في اصحابه
ربنا يديم معرفتكم عليا نعمه
ويخلينا لبعض ابد الابدين
كان فيه ناس كتير اتمني اشوفهم بس اكيد حشوفهم ومهما بعدت المسافات فغلاوتكم في القلب بتزيد ومش بتقل
وحشتوني وبتمني ان المقابله الجايه تكون اكتر من يوم علشان استمتع بصحبتكم وجمالها

اخوكم
محمد الشنوري
قصدي محمد بيك الشنوري يا اولاد (بس مفيش داعي للالقاب علشان انا متواضع)

**sherif_habeb** · 31-05-2009 08:11 PM

اللينك التانى شغال الاول لا

ياعم خالد
ازيك
حاول ترفعه عرى الzsheare

**أشرف فتحى** · 31-05-2009 08:16 PM

تم التحميل أخيرا ...بصراحه تسلم إيدك يا خالد..!!

تصدقوا اتفرجت عليه مرتين.....وكل مره كنت اقعد أضحك لما افتكر....

أول ما لاقيت كلمه النهايه طالعه قلبى اتخطف زى ما قال أخويا الشنورى....

لكن اول حاجه فكرت فيها هيا المقابله الجايه أمتى؟؟!!!

**Samah AbdAllah** · 01-06-2009 12:01 AM

يعنى انتوا تحضروا المقابلة وكمان تشوفوا الفيديو وتغيظونا

حراااااااااااااام

كل واحد حمل الفيديو واشنغل عنده يرجع يرفعه على موقع تانى

عشان احنا كمان نعرف نشوفه
ياريت ترفعوا على

megaupload

**أبو صلاح** · 01-06-2009 12:35 AM

This page needs Java......, to display all information correct!

Error

This file is neither allocated to a Premium Account, or a Collector's Account, and can therefore only be downloaded 10 times.
This limit is reached.
To download this file, the uploader either needs to transfer this file into his/her Collector's Account, or upload the file again. The file can later be moved to a Collector's Account. The uploader just needs to click the delete link of the file to get further information.

**Samah AbdAllah** · 01-06-2009 12:39 AM

المشاركة الأصلية كتبت بواسطة kh_talaat

ان شاء الله هرفع الفيديو بكره على مواقع تانية عشان كل اللي معرفش ينزل الفيديو من على الرابطشير

وياريت تقولولي رأيكم في المقدمة

معلش تعبت معانا
بس انا اللى غايظنى انى نزلته واحد فيهم 100 ميجا والتانى 101
بس مش عارفة ليه مرضيش يتفك الضغط

وبعدين انت مش تتعب لوحدك كل واحد حمله يرجع يرفعه بحيث يبقا فى اكتر من لينك على اكتر من موقع

-

-

الموضوع: فيديو مقابلة أعضاء المنتدى بالأسكندرية - مايو 2009 -

LinkBack

أدوات الموضوع

عرض

-

-

-

-

-

-

المواضيع المتشابهه

مقابلة شهر مايو وووووووووو 2012

صور وتقرير مقابلة أعضاء المنتدى 9 يوليو 2011

صور وتقرير مقابلة أعضاء المنتدى 9 يوليو 2011

مقابلة شهر مايو

مقابلة شهر مايو بالربوة

الكلمات الدلالية لهذا الموضوع

المفضلات

المفضلات

ضوابط المشاركة