الموضوع: كيف يتم تخزين السياره بطريقه صحيحه

الله يخليك.............

المشاركة الأصلية كتبت بواسطة samirayad

القواعد العامه التى يجب أتبعاها عند ترك السياره لمده طويله بدون تشغيل ...........

1- أترك السياره فى مكان جاف جيد التهويه بقدر الأمكان......

2- فرغ جهاز (دورة التبريد ) ويفضل أن تتم هذه العمليه والمحرك ساخنا ......

3- فرغ البنزين من الخزان والطلمبه والفلتر والكربوراتير (أن وجد )....................

4- نظف مرشحات الهواء والبنزين والزيت ............

5- ضع قليلا من زيت التزييت داخل أسطوانات المحرك عن طريق شمعات الأشتعال (البوجيهات ) وأبدأ بتشغيل المحرك لدورتين تقريبا حتى ينتشر الزيت على جوانب الأسطوانات مكونا غشاءا رقيقا واقيا لها ضد عوامل التأثير على الأجزاء المعدنيه مثل الرطوبه والأحماض وخلافه ........

6- أفصل البطاريه ......وداوم على شحنها مره كل شهر على الأقل.......

7- أرفع السياره حتى لاتلمس الأطارات الأرض أن أمكن .......

8- ضع على السياره غطاء من المشمع ........

السلام عليكم ورحمة الله وبركاته
بالنسبة للتنفيذ الفعلى للخطوات دى، أنا حاسس إنه محتاج شوية توضيح:
مبدأيا واضح إن الخطوات دى هتتعمل فى نفس المكان اللى العربية هتترفع فيه،
بالنسبة للخطوة رقم 2: كيف يمكن تفريغ كل مياه التبريد؟؟؟ هل فقط بفك خرطوم الداخل والخارج من وإلى الردياتير مع تفريغ القربة؟؟
بالنسبة للخطوة رقم 3: تفريغ البنزين من الخزان والفلتر ممكن يكون سهل، لكن إزاى أفرغه من الطرمبة والكربراتير؟؟؟
بالنسبة للخطوة رقم 5: هل المقصود بتشغيل المحرك لدورتين هو تعشيق السيارة ودفعها بحيث تدوير العجلات يجعل عمود الكرنك يدور؟؟؟ أم التدوير الفعلى (متهيألى لو ده المقصود يبقى أدور وأطفى بعد ثانية واحدة)؟؟؟

فيه نقطة كمان ياريت حد يوضحها علشان الموضوع يبقى مكتمل: لو رخصة السيارة هتنتهى وهى مرفوعة، هل مفيش حل يسمح بتجديدها فى هذه الحالة؟ ولا لما صاحب السيارة يرجع يقدم مايثبت للمرور إنه كان خارج البلاد بحيث يجددوا الرخصة بعد ميعادها؟؟؟ ولا الأفضل إنه قبل ما يسافر يروح يجددها 3 سنوات مثلا بحيث يريح دماغه؟؟؟

طيب دلوقتى لما يرجع ويحب يعيد تشغيل السيارة هيحتاج الآتى:
1- بنزين: سهلة يجيب جركن.
2- يملأ الردياتير: هل ممكن ده يتم فى المكان اللى هو راكن فيه؟؟؟
3- الزيت: موقفه إيه، هل ممكن الزيت اللى فى العربية (اللى مركون بقاله سنة مثلا) يمشيه لغاية أقرب بنزينة بحيث يغير هناك؟؟
4- البطارية: طبعا إذا ما كانتش فضيت أو يجيب واحدة جديدة.
5- كشف عام على كل الأجزاء الكاوتشوك مثل الخراطيم (خصوصا خراطيم الفرامل) والإطارات.

يا ريت الرد التوضيحى من الأخوة أصحاب الخبرة حتى تعم وتكتمل الفائدة، وجزاكم الله خيرا.