الموضوع: أرجوكو طمنوني بسرعه

المشاركة الأصلية كتبت بواسطة ahah

سمير باشا اة اخبارك يارب تكون بخير

انا كمان بينقص معايا الزيت ربع كيلو تقريبا كل 1500ك تقريبا

اي رايك يابشمهندس

انا متهيالى انة مع الوقت لازم المكنة تخسر مقدار قليل من الزيت لكن مش عارف حكاية ربع كيلو دية كتير ولا اية فى مسافة 1500
وغالبا نوع القيادة ممكن يقلل من استهلاك الزيت او يزودة ,لان الضغط على المكنة لحد ماتخليها تعدى العلامة الحمراء فى مؤشر الار بى ام ممكن يخليها تاكل زيت حتى لو الشنابر سليمة او لو الماتور سليم عموما,
ولكن يتم التعرف على المكنة انها خفيفة بمجرد الضغط على دواسة البنزين بقوة شوية بتلاقى دخان مايل الى اللون الازرق لكن لو ضغط جامد اوى متهيالى لازم الشكمان يطلع دخان لان فية درجة احتراق عالية داخل البساتم فبتخرج عن طريق الشكمان
وبالنسبة للمياة انا معرفش هية بتنقص معاك كل قد اية ,وانت مشيك عامل ازاى يعنى بتقرص جامد بتمش عادى ,
كمان عندك حاجات تانية زى مثلا البوجيهات مرشحة زيت ,فلتر الهواء جرب تشيلة وتشوف تحتية زيت ولا لأ,نقص فى البنزين يعنى العربية بدأت تاكل بنزين بشكل غبى,صوت المكنة نفسة بيبقى عالى عن مكنة سليمة من نفس الفئة

وياريت بردة المهندس سمير عياد يمدنا بمعلومات اكتر ويشرح مثلا حالات ممكن الواحد يعرف منها اذا كانت المكنة خفيفة او بدأت تخف ,ولو فية حالات تانية ممكن تخلى الماتور يطلع دخان ابيض غير انة يكون خفيف وشكرا
وخير ان شاء الله وربنا يسترها

المشاركة الأصلية كتبت بواسطة samirayad

هم دول يا أخى أساس الفحص على نقصان زيت تزييت أى مكنه ................ولو حبك غرف الحريق تمام ( سواء من بين الشمبر والشميز ومن عند منطقة الصبابات وكاوتش الصباب حالته كويسه ) عمر الزيت ماينقص بأى حال ........طبعا ده مع المحركات الجديده ولكن مع تقادم عمر المحرك .....من الممكن أن يحدث نقصان للزيت بدرجه بسيبطه نتيجة زيادة الخلوص الطبيعى نظرا لعمر المكنه ...........وقد لاتلاحظ خروج الزيت من خط الفائظ أو من خلال الشكمان ............لأنها بتبقى نسب بسيطه ولكنها بتتجمع على مدار عمر تشغيل الزيت فى المكنه [gdwl]( وكما نعرف جميعا فأن بداية الغيث قطره )....يعنى نقطه على نقطه حتعملنا كميه ملحوظه مع عمر الزيت أثناء تشغيله بالمكنه ....[/gdwl]..................

تمام بس فية مواتير حتى لو جديدة وبتضغط عليها جامد متهيالى لازم تخرج دخان ولو بدرجة بسيطة ,وفية غالبية المواتير الرياضية ممكن تاكل زيت لو بتحرق بيها جامد بسبب ارتفاع حرارة المحرك فبيؤدى الى سخونة الزيت بدرجة كبيرة جدا وبيبدأ يخف جامد ,
وفية سؤال هسألة لحضرتك :لو اى مكنة حتى لو جديدة تم الضغط عليها لحد مامؤشر الاربى ام عدى العلامة الحمرا هل دة سبب ان فية دخان يخرج من الشكمان