الاجتماع الشهري - اكتوبر 2007

**اسلام المصرى** · 04-10-2007 03:07 AM

سمسم يا مصري انا زيك ماليش في السمك قوي بس لما نروح اسكندرية ومعانا اسكندرانية يبقي هانكول اكلة سمك تمام من غير ما نتخم

تبقى بصرة يا باشا :) أنت عارف مشكلتى ايه مع السمك: الشوك !! هتقولى كل فيليه برده فى شوك و لو لقيت شوكة فى الاكل بتعكنن

انما طعمه مقبول مفيش مشكلة , خلينا يا كريم نركز فى الكباب و الكفته أنا و انت كيلو يظبطنا :) انا مبسوط انك جاى ان شاء الله. أيوه خلونا من بره بره بعيد عن الزحمة و الشوارع المكسرة - مع احترامى لمدينة الأسكنرية التى احبها فى الشتاء جدا جدا و تقديرى لشعبها الكريم- علشان نكسب وقت و نكون قريبين من الكارته.
انا أقترحت على اسلام الساعة 3 كده علشان نوصل قبل الفطار و نمشى على مهلنا علشان مش طالبه تصوير :lol: و وصولات. أنا الصراحة فضلى حوالى 1300 كم و اخش على صيانة ال20 ألف لو العدد هيكون زيادة هضطر أطلع بحبيبة لو العدد قليل أسمحولى أركب معاك يا اسلام أو يا كريم - المشكلة ان الطلعة ديه فيها 500 و ال 800 دولت هخلصهم من هنا لغايت العيد و فى العيد كل سنة و انتم طيبين بس مش مهم لو قفلت هطلع بيها.
لو الاخوة اللى طالعين الطلعة الجريئة ديه يناسبهم 2:30 3:00 لغايت مانتجمع و التحرك يكون 3 ان شاء الله تعالى. و هانى يظبطلنا المكان هناك و نقوله على العدد النهائى بكره بالليل أو الجمعة أقصى ميعاد. أتفقنا على بلبع البدوية؟

**اسلام المصرى** · 04-10-2007 03:12 AM

انا تهت ولا ايه, انتوا ناويين على إسكندرية يوم الجمعة الجاية دى ؟؟؟!!!

لا يا عبدالله و لا تهت ولا حاجة ديه طلعة جريئة مؤسسها اسلام شاهين :D نروح نفطر و نرجع , ده مش الأجتماع الشهرى بتاع نايل موتورز. كان نفسنا تشرفنا و أتعرف عليك تتعوض فى الأجتماع الجاى ان شاء الله :)

**3mr Farrag** · 04-10-2007 04:12 AM

طيب ايه اخر الكلام....يعني يوم ايه في الشهر ؟؟؟؟
و عايزين نكون مظبطين موضوع العربيات قبل ما نروح ....
و برضوا هقول علي موضوع الصرف هيبقي في حدود كام.... :twisted:

**khalid_adel** · 04-10-2007 04:53 AM

معلش يا عموور حتقل عليك يا باشا بس والله غصب عني عشان الصيانه كده انا معديها اوي العربيه بقت 71000 كيلو ومعملتش ال 70 لسه
وياسيدي لو بليل صعب معاك انا اسوقلك بليل عادي نطبش سوا 8) :shock:
المهم لو الجمعه دي اللي هي بكره شغال مع ان عندنا سبت شغل والله بس طظ في الشغل الناس الحلوه دي نسهر ومنمش عشانهم

**عاشق الفولفو** · 04-10-2007 05:43 AM

يا جماعة الدعوة عامة ولا ايييييييييييييييييييييييي ييية؟؟؟ :mrgreen:

**AlmAhAtmA** · 04-10-2007 10:29 AM

المشاركة الأصلية كتبت بواسطة عاشق الفولفو

يا جماعة الدعوة عامة ولا ايييييييييييييييييييييييي ييية؟؟؟ :mrgreen:

طبعا الدعوه عامه و حتبقه لمه و حيبقي ليه في الفطار و نيس يا ولاد بلدنا

**Sharky** · 04-10-2007 10:45 AM

ينفع كده يا جماعة
طب أنا والدى جاى النهارده من السفر و ماشوفتوش من العيد الكبير و تقولوا نطلع تانى يوم نفطر فى إسكندرية :shock:

للأسف أنا زعلان جدا لإنى مش أقدر أجى المقابلة دى

**Powert** · 04-10-2007 10:53 AM

لأ وانا كمان شكراً لاسف معزوم بكرة على الفطار تبع الشغل

وماقدرش ارفض :D

**Karim_Monir** · 04-10-2007 10:55 AM

طب ممكن كدة عشان التظابيط والتحابيش كل اللي جاي يكتب اسمه عشان يبقي في عدد
يا ريت اللي كتب اسمه يكون متاكد انه جاي

ويا ريت يا سمسم يا مصري قبل كدة بشوية عشان الحجز بالحضور ولازم نكون هناك من 5
وعشان ما يبقاش فيه تصوير ووصلات وانا عارف نفسي مبعرفش انزل عن 140
يبقي لازم نتحرك من البوابة 2:30 حد اقصى

على فكرة يا سمسم انا ما بطقيش الشوك بس في اكتر من نوع مفيهوش شوك خالص زي المحرات
وعموما كل ما السمكة تكبر شوكها الصغير يقل ويبقي فيها شوك عضم
سيبلي انا الموضوع وهاظبطك يل لول

-

الموضوع: الاجتماع الشهري - اكتوبر 2007

LinkBack

أدوات الموضوع

عرض

-

-

-

-

-

-

-

-

المواضيع المتشابهه

المهتمين بحضور الاجتماع القادم لملاك الدايهاتسو

الاجتماع امتى

الاجتماع الأول بالأسكندريه

الكلمات الدلالية لهذا الموضوع

المفضلات

المفضلات

ضوابط المشاركة