الاجتماع الشهري - اكتوبر 2007

**إسلام شاهين** · 04-10-2007 01:01 PM

يا جماعه توضيح هاااااااااااااااااااام :-

مشوار إسكندرية ده بتاع يوم الجمعه مالهوش علاقة بالمقابلة الشهرية بتاعت شهر أكتوبر ديه حاجة كده مرووشه فكرنا فيها صد رد هنروح نفلس هاني ونيجيي على طول علشان هو داخل على مشروع جواز ،
لكن المقابلة الشهرية لم يتم تحديد ميعاد لها بعد .

**اسلام المصرى** · 04-10-2007 01:11 PM

للأسف أنا زعلان جدا لإنى مش أقدر أجى المقابلة دى

لا تقلق يا أخ أحمد ديه مش المقابلة الشهرية :) ديه طلعت شوية ناس جعانيين :lol: عايزين يكلوا فى ألكس , المقابلة الشهرية لم تحدد و لا زمان و لا مكان لها. و حمد الله على سلامة والدك يوصل بالسلامة ان شاء الله.
ان شاء الله انا جاى و الساعة 2:30 مناسب جدا شغال , و أنا معتمد على الله و عليك فى موضوع السمك , الله ينور عليك يا اسلام :D

**3mr Farrag** · 04-10-2007 06:59 PM

انا احتمال كبير هاجي ان شاء الله.....

**SuMo** · 04-10-2007 08:12 PM

ana hagy ya rgala isa

**3mr Farrag** · 05-10-2007 05:09 AM

ايه يا رجاله...هو مافيش حد ناوي يقول انه هايجي؟؟؟؟؟؟؟؟؟؟؟؟؟؟؟؟؟؟؟؟ ؟

**Moh.Fahmy** · 05-10-2007 06:39 AM

يا جماعة تشرفوا اليكس و تنوروها خصوصا بعد ما انتهت اعمال الرصف فيها و بقت جاهزة لاستقبال الحبايب بالرغم من اني بموت في واحة عمر

محمد فهمي

**goodwave** · 05-10-2007 12:32 PM

الله الله الله..... إبة إللي بيحصل دة إيه..... إلي أنا شايفه ده..... إيه الحلاوة دي......... إية الطعامة إيييييييييييييييييييييييي ييييه

والله إسكندرية حتنور بيكم وليكم أيووووووووه يا جدعان على النور

بس للاسف

نظرا لهذه الطلعة المفاجئة انا مش حقدر ااجي الفطار لاني معزوم عند "حمااااااااااااااااااات� �" ويا ويلي يا سواد ليلي لو ما روحتش.......... حبات على الرصيف

بس أكيد حاجي اشوف الناس الحلوة بعد الفطار :D

**AlmAhAtmA** · 06-10-2007 12:24 AM

الله اكبر الله اكبر
انا مش عارف اقول ايه
غير
يارب يارب يارب يبارك لي فيكم و يخليكم ليه

بجد النهارده من اجمل و احلي الايام اللي مرت في حياتي
انا اخدت جرعه حب تكفي قلوب الدنيا كلها انها تضحك و تلعب و تطير من الفرحه

انا مش ححكي عن تفاصيل ولا احداث
بس بجد ربنا يديم نعمتكم عليه و يبارك لينا في اخوتنا

احبائي اخبركم اني احبكم في الله

**Moh.Fahmy** · 06-10-2007 02:50 AM

انا النهاردة بقي يا هاني اتعس واحد لاني للاسف و الله زي ما شرحتلك و شرحت للاسلام شاهين و كريم و كان نفسي اكلم سمسم المصري بس للاسف تليفونه مش معايا لكن أمنت الناس توصله تحياتي
و الله يا جماعة مشغول من تاني يوم بعد الافطار و حتي الاربعاء القادم لدرجة اني كنت حاجز عشان اغسل العربية في بريدجستون يوم الثلاثاء الماضي و لم اتمكن من الذهاب فاضطريت اني اعيد الحجز ليوم الخميس القادم بعد الاستعانة بصديق ( هاني آدم )
مش ممكن تتخيلوا ايه شعور الواحد لما يبقي الجمع ده موجود في اسكندرية و مش قادر اقابلهم لكن ان شاء الله نلتقي في العيد

و يا ريت يا هاني تحكي التفاصيل و الاحداث عشان مااعرفش غير انكم فطرتو عند بلبع داون تاون و بعدين رحتوا ابو العباس و زرتوا الشيخ وفيق بس مش عارف افتكرتوا تقروا لي الفاتحة هناك بعد ما ضربتو طبق الكسكسي بالمكسرات و لا لأ

علي فكرة يا هاني انا اتصلت بالمهندس احمد في بريدجستون و كان خارج المركز بس الراجل ما اتأخرش و اداني رقم تليفون مساعده المهندس مدحت فكلمته و قام بالحجز يوم الخميس الساعة 11 صباحا

محمد فهمي

**AlmAhAtmA** · 06-10-2007 02:58 AM

يا محمد كفايه روحك الجميله و انت ما اتاخرتش و كلمت الناس كلها و ان شاء الله تتعوض
و انا وصلت السلام لاسلام المصري بعد ما قفلت معاك علي طول

الله يعينك علي الشغل و الظروف اللي حصلت و ربنا يقويك و يجعله في ميزان حسناتك

مش قادر يا محمد احكي اي تفاصيل
حخلي الصور هيه اللي تتكلم بالنيابه عني :lol:
اسلام ان شاء الله يرفعها لما يوصل بالسلامه

الموضوع: الاجتماع الشهري - اكتوبر 2007

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

المهتمين بحضور الاجتماع القادم لملاك الدايهاتسو

الاجتماع امتى

الاجتماع الأول بالأسكندريه

الكلمات الدلالية لهذا الموضوع

المفضلات

المفضلات

ضوابط المشاركة