الموضوع: لغز بولو 2001

المشاركة الأصلية كتبت بواسطة snakeson2

ا

انا شايف ان الموضوع دة برضة يتوقف علي الراحة النفسية يعني ممكن واحد بيكون بيحب يلبس تي شيرت نايك وواحد بيحب يلبس اديداس!


تمام ........... النقطة فيها أتفاق كامل


البونتو والفابيا ارخص ويعتبروا منافسين ذو قوة لايستهان بها ولكن في الاخر انت بتدفع عشرة الاف جنية مش فرق خامات ولا فرق موتور , الموضوع ببساطة انك بتدفعهم في علامة فولكس واجن !

يبقى أنت هنا بتخسر عربية حلوة علشان خاطر الأسم بس !!!!
مع أن الثلاثة عربيات كويسين بس الفابيا أضعفهم في سوق اعادة البيع .
و البونت أحسنهم كعربية .
و البولو في الوسط لأن سوق اعادة بيعها ممتاز و العربية معقولة .


انا راكب بولو بقالي سنة وفعلا انا بحب العربية لاني بحس انها بجد حاجة مقدرش اغيرها !
شوف حضرتك الي معاه بولو ومحافظ عليها واسألة تركب غيرها؟؟؟
ياباشا جلوسك امام مقود علية علامة فولكس لية احساس عالي جدا!


الموضوع ده نسبي .
يعني مش كل الناس بتفكر بالطريقة دي .
ايه الفايدة من علامة فولكس لما التكييف يكتف العربية مثلا ؟؟؟
أيه الفايدة من علامة فولكس لما أدفع مبلغ زيادة في ثمن العربية مع أني بنفس المبلغ أشتري سلعة تانية أفضل أو متساوية في الجودة ؟؟؟
أيه فايدة علامة فولكس لما أبقى راكب عربية صغيرة في الحجم و فيه منافس أكبر منها و هايسهل لي حمل حاجات في الشنطة الأكبر .

بغض النظر عن السحب والتكييف وتحمل الموتور! احنا بنشتري امان وسلامة قبل كل شي!

البونتو في سنة 2000 حاصلة على أربعة نجوم
و البولو كذلك .

يبقى البولو آمن من البونتو في أيه ؟؟؟؟؟؟؟؟؟؟؟

إنما العربية في أوروبا كانت فاشلة فشل ذريع علشان كان فيها عيب خطير لا يتوافق مع السوق الأوروبي .
و هي رداءة الدهان اللي كان بيصدي من سنة واحدة و طبعا أحنا عارفين أن أوروبا جوها رطب و ممطر و لازم الدهان يكون متعالج كويس .

طيب هل الجو هنا افضل من اوروبا؟
هل عمرك شفت عربية فولكس مصدية؟ لو الرد اه ممكن تبعت صورة !!
علي كدة بقة العربيات الي في اسكندرية موديل 2001 بقت مركز بارومة وصداء متنقل!

و علشان كدا العربية فشلت و أصبحت سمعتها سيئة جدا في الفترة بتاعة أواخر التسعينيات و أوائل الألفينيات .
البونتو أكتسحت السوق الأوروبي في الفترة دي و حققت أفضل مبيعات لشركة فيات في تاريخها كله و عملت أسم قوي جدا لفيات في أوروبا .

اسم فيات قوي اساسا من غير البونتو!


البونتو فعلا وحدة التحكم بتاعتها بتتغير على 100 ألف أو أكتر من 100 ألف .
بس مين اللي قال أن بتمشي بأربع مفاتيح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياريت يا جماعة اللي يقول معلومة زي دي يكون عارف هو بيقول أيه . علشان المصداقية .

المهندس اسامة كلامة مظبوط!

الوحدة بتتغير في التوكيل أو خارج التوكيل و تكلفتها بتكون من 1500 إلى 2500 حسب مكان الشراء ( توكيل أو محل قطع غيار )
و مفيش حاجة أسمها تغيير طقم دوارة و الكلام ده و لا أوكر البيبان .
ياريت للمرة التانية توخي الحذر في الكلام اللي مبالغة زي دي .
علشان العربية كانت معايا مرتين ........ و مرة منهم غيرت وحدة التحكم مرة وحيدة بحوالي 2300 جنيه في توكيل النيل الهندسية .

انت مش شايف سعادتك ان العيب دة خطير؟

العربية مفيش أسهل من التعامل معاها و مش معقدة خالص خالص و قطع غيارها رخيصة مش غالية .
على سبيل المثال :

طقم دبرياج صناعة ألماني أو أيطالي بحوالي 450 جنيه مصري .
فانوس تاايوني من غير موتور 270 جنيه .
فانوس أيطالي بالموتور 800 أو 750 جنيه .
فانوس خلفي 170 جنيه تركي و تايواني و أيطالي بيعمل 200 جنيه تقريبا .

لي فكرة الاسعار دة مولعة قدام البولو
قم دبرياج صناعة ألماني ساكس ب 690 جنيه مصري .
فانوس تاايوني من غير موتور 200 جنيه .
.

وهقول لسعادتك علي معلومة لو حطيت بنزين 95 للبولو ال1000 مستحيل تحس بضعف اداء والتكييف شغال !
وبرضو ياباشا انا مش متحيز . البونتو عربية عالية جدا ومحترمة .
وعلامة فولكس برضو اتقل في كل الفئات والناس بتدفع عشانها وهتفضل تثق فيها!
ولعلم سعادتك المشكلة ان التوكيل المحترم كان بيجيب العربية البولو ال1000سي سي عشان يبيع. بس نفس العربية ليها موتور 1600 جي تي اي معي المهندس اسامة . دة معناه ان العربية مش مصممة للموتور الصغير بس بل و انها تتحمل اكبر معناه ان العربية تتمتع بقدرة اكبر من الموجود!
واخيرا الموضوع راحة نفسية ! وثقة !

اللة يسلمك يا باشا معلش كنت غايب فترة كدة ! عالعموم حسب معلوماتي الفولكس كلة مواتيروا الماني حتي التقفيل الصيني مكنة كلة الماني

فيه نقطتين هاعلق عليهم .
النقطةا لأولى بتاعة الدهان .
أيوة جو مصر مختلف عن أوروبا و لكن أنا قلت على عيب شوفته بعيني و سوق العربية كان واقع وسعر اعادة بيعها كان ضايع بسبب العيب .
و أدام العيب موجود ...... يبقى موجود في كل العربيات
و مادامت العربية ماصدتش في مصر في فترة قصيرة زي أوروبا يبقى علشان الجو هنا أقل في الرطوبة .... إنما ده ما نهاش على العيب الموجود .

النقطة التانية .
موضوع وحدة التحكم .
أيوة ده العيب الوحيد في العربية .و أعترفنا به و محدش بيحاول يداريه .

المهندس أسامة قال جزء صح و 3 أجزاء غلط .
العربية بتغير وحدة التحكم بس و فقط و لا غير و مش محتاجة أربعة مفاتيح و لا كوالين و لا الكلام ده المبالغ فيه ده .

أنا دخلت قلت المعلومات اللي عندي بناءا على تجربة .

فيه نقطة كمان مهمة عاوز أوضحها .
أنا مش بقلل من البولو لأنها عربية محترمة بغض النظر عن فرق قوة الموتور و الكلام ده .

النقطة التانية المهمة .
أن سعر اعادة البيع مش معناه فروق في الجودة بس .
ممكن عربية عليها طلب أكتر من التانية لأسباب كتيرة منها الشكل مصحوب مع الجودة طبعا مع السمعة .
يعني ممكن عربية زي البولو عاملة سمعة كويسة علشان الناس بتفكر بطريقة علامة فولكس فاجن . من المانيا زي الناس اللي بتفكر بطريقة علامة تويوتا أو علامة هوندا .

أنا لم أعيب أطلاقا على العربية ...... و لكني نقلت تجربتي مع العربيتين و قلت على العيبين الموجودين فيهم .
واحدة دهانها عادي و بيتأثر بعوامل الزمن بسرعة .
و التانية فيها عيب وحدة التحكم اللي بيتغير على 100 ألف كم .

أرجوا ان مغزى الكلام يوصل لأخواني أصحب البولو و ما يفتكروش أني بهاجم عربيتهم الجميلة .

المشاركة الأصلية كتبت بواسطة tutankhamoun

فيه نقطتين هاعلق عليهم .
النقطةا لأولى بتاعة الدهان .
أيوة جو مصر مختلف عن أوروبا و لكن أنا قلت على عيب شوفته بعيني و سوق العربية كان واقع وسعر اعادة بيعها كان ضايع بسبب العيب .
و أدام العيب موجود ...... يبقى موجود في كل العربيات
و مادامت العربية ماصدتش في مصر في فترة قصيرة زي أوروبا يبقى علشان الجو هنا أقل في الرطوبة .... إنما ده ما نهاش على العيب الموجود .

النقطة التانية .
موضوع وحدة التحكم .
أيوة ده العيب الوحيد في العربية .و أعترفنا به و محدش بيحاول يداريه .

المهندس أسامة قال جزء صح و 3 أجزاء غلط .
العربية بتغير وحدة التحكم بس و فقط و لا غير و مش محتاجة أربعة مفاتيح و لا كوالين و لا الكلام ده المبالغ فيه ده .

أنا دخلت قلت المعلومات اللي عندي بناءا على تجربة .

شوف يا عزيزي

الكلام ده مش من فراغ أنا شغال في الموضوع ده وعارف كويس معنى كل كلمة أنا بقولها إيه

دلوقتي إنت عايز تقولي لما كنترول البونتو بيبوظ بتشيله وتحط كنترول تاني والعملية تبقى خلصت؟؟؟

مين إلي قالك كده؟

إنت تعرف أصلاً تكويد العربية موجود فين؟؟؟

شوف يا عزيزي اللهم لك الحمد محدش بيعرف يصلح كنترول البونتو وكما يكوده لوحده من غير طقم دواره غير العبد لله في مصر ودا اتحدى بيه أي حد...

أما بقى لو سعادتك بتقول إنك تملك بونتو أو تعرف حد معاه بونتو أو حتى سمعت إن عيب الكنترول ده موجود ولما بيبوظ بتغير الكنترول بس....يبقى اسمحلي اختلف مع جنابك وطبعاً معرفش انت حتفهمني ولا لأ لأن ده كلام في فنيات وأنا مبتكلمش من فراغ...

كنترول البونتو حضرتك كنترول هايبرد، تصنيع ماجنيتي مريلي والشركة عاملين كامين في الكنترول لأي حد يحاول يفتحه.

الكنترول يا عزيزي لما بيبوظ بيجي طقم دواره على طول أو في بعض الصنايعية العباقرة بيعملوا شوية وصلات كهرباء خايبة ويعملوا كبري لوحدة التشفير بتاعة العربية "immo box" وساعتها العربية ممكن تدورها بمعلقة بلاستيك... يعني مفتاح من غير شفرة ولا أي حاجة والعربية لو مفيهاش جهاز إنذار أي حد يكسرها ويحط فيها معلقة بلاستيك زي ما بقولك ويدورها لأن مفهاش حماية....

الناس طبعاً لما بتروح تجيب طقم دوارة يعني كنترول ومفتاح وimmo box لأن مفتاح العربية القديم ملوش لازمة دلوقتي بالنسبة لنقطة الدوارة وبيستخدم بس في فتح الأبواب والشنطة. في ناس بتكسر المفتاح الجديد وتاخد الشريحة منه وتحطها جوا المفتاح القديم وفي ناس بتمشي بمفتاحين وفي ناس بتغير الكونتاكت وكوالين الأبواب...

شوف يا عزيزي، لو عندك معلومات أكتر من الي أنا قولتها ياريت تفدنا بيها الله يخليك لكن لو معندكش يبقي با عزيزي ياريت متقولش اني بتكلم غلط...

البونتو بذات ال1245 سي سي 8 صباب فيها العيب القاتل ده وال 16 صباب مفيهاش العيب ده والعربيات الغالية العظمي بتاعتها في مصر 8 صباب مش 16.

أرجو أن تتقبل كلامي بصدر رحب لأنك بتتكلم مع واحد متخصص مش هاوي

وشكراً لاهتمامك

معلومة أيضاً لحضرتك وكل الأخوة سبب تلف الكنترول إنه داخله طبقة من السيلكون وأسلاك مصنوعة من معدن مرن مش نحاس

أكتر من كده مش حقدر أفيدك لأن بعد كده أسرار شغل

بالمناسبة يا عزيزي أنا بصلح كنترول البونتو بحوالي 500 جنيه
ولو جبت كنترول لوحده بخلي العربية تدور عليه من غير طقم دواره وبتدفع 1000 جنيه

يعني برضو أسعار حضرتك غالية.. بس طبعاً انت سيد العارفين دا سوق مفتوح وكل واحد يعمل إلي على مزاجه

المشاركة الأصلية كتبت بواسطة tutankhamoun

فيه نقطتين هاعلق عليهم .
النقطةا لأولى بتاعة الدهان .
أيوة جو مصر مختلف عن أوروبا و لكن أنا قلت على عيب شوفته بعيني و سوق العربية كان واقع وسعر اعادة بيعها كان ضايع بسبب العيب .
و أدام العيب موجود ...... يبقى موجود في كل العربيات
و مادامت العربية ماصدتش في مصر في فترة قصيرة زي أوروبا يبقى علشان الجو هنا أقل في الرطوبة .... إنما ده ما نهاش على العيب الموجود .

النقطة التانية .
موضوع وحدة التحكم .
أيوة ده العيب الوحيد في العربية .و أعترفنا به و محدش بيحاول يداريه .

المهندس أسامة قال جزء صح و 3 أجزاء غلط .
العربية بتغير وحدة التحكم بس و فقط و لا غير و مش محتاجة أربعة مفاتيح و لا كوالين و لا الكلام ده المبالغ فيه ده .

أنا دخلت قلت المعلومات اللي عندي بناءا على تجربة .

يعني انا لما غيرت وحدة التحكم في الشركة غيرولك بس الكنترول بتاع العربية؟؟؟؟؟ طبعاً لأ

غيروا الكنترول والوحدة التشفير يا عزيزي وده طبعاً لو كنت بتتكلم على بونتو موديل 2000 وانت طالع

لكن بقى لو حضرتك بتتكلم على بونتو موديلات التسعينات يبقى كلامك صح بس أنا برضو كلامي صح لأن كلامي على موديلات من 2000 وانت طالع قبل 2000 مكنش فيه أصلا وحدة تشفير


يعني دا توضيح لسعادتك وللأخوة أيضاً