الموضوع: سخونه البونتو مع التكيف عادي ولا عندي بس

السلام عليكم
يا باشا عايزك ما تزعلش بس أكيد الناس اللي بصت على الموضوع و لم ترد لم تكن تعرف اجابة له .

إن شاء الله أنا بعون الله هارد عليك على قدر المستطاع .
أنا ركبت عربيتين بونتو قبل كدا
و الأثنين كانوا نفس الموديل 2002 .
و المشكلة اللي أنت بتحكي عليها دي ..... تقريبا عندك تسريب هوا داخل على منظومة التبريد .
البونتو حساسة جدا و منظومة التبريد مغلقة و لو دخل هوا بيخلي العربية تسخن من أقل حمل عليها .
إنما لو المنظومة أز دورة التبريد سليمة و مفيهاش هوا ...... مش هاتسخن .

و أمبير الحرار عمره ما عملها معايا غير مرة واحدة لما دورة التبريد أخدت هوا .

إنما لما كانت كل حاجة سليمة ...... مكنش فيها أي مشكلة .و عمرها ما سخنت معايا .

كدا أنت محتاج تكشف على دورة التبريد ...... و أنصحك تروح مركز النيل الهندسية في أبو رواش أو التوكيل أوماترا في جسر السويس .
سيبك من إفتاء الميكانيكية و المؤلفين .
تنظف دورة التبريد تمام ....... و تشتري مياة تبريد نظيفة و ماركة حلوة .
و الموضوع هايبقى تمام إن شاء الله .

أهم حاجة لو مش عايز تروح المراكز اللي قلتلك عليها .
تشوف ميكانيكي فاهم في البونتو ......... علشان موضوع دورة التبريد دي .

بس النيل الهندسية كويسين و مش غاليين قوي ....
أبقى قولي ...... هو معدل الحرارة بيوصل لكام ؟؟؟؟؟؟؟؟؟

المشاركة الأصلية كتبت بواسطة eng_ahesham

بيبقي قبل الاحمر بشرطه واحده بس
وانا عملت كل اللي انت قلت عليه ده في موبيل
وحطيت ميه موبيل
ودوره المياه تمام ومفيهاش اي تسريب خالص لان الميه مبتنقصش نهائي

السلام عليكم و رحمة الله و بركاته
طبعا موضوع ان الحرارة توصل لقبل الأحمر بشرطة معناها أن عربيتك في خطر محدق بجد .
ممكن وش السلندر يطير !!!!!!!!!!!!!!

مش معنى ان مفيش نقصان في المياة يبقى الدورة تمام .

ممكن يكون فيه هواء في الدورة ...... يعني امياة مستواها تمام إنما مخلوطة بهواء .
و في الحالة دي المياة مش هاتنقص أبدا و لكن كفاءة التبريد هاتكون ضعيفة علشان وجود الهواء بين جزيئات المياه و اللي بيعمل فراغ مُعين في الدورة .

بُص أنت لما تفتح الموتور ...... هاتلاقي أول حاجة هاتقابلك تحت الكابوت هي غطاء الرادايتر بتاع تزويد المياه .
تمام.......... ده أول فتحة علشان تزود منها مياه .

لو أتبعت الخراطيم اللي خارجة من الموتور و رايحة على الرادياتير من تحته .........
هاتلاقي فيه خرطوم قريب من الموتور و فيه صمام أو فالف ....... ده اللي بنعمل منه تظبيط الدورة و خروج الهواء الزيادة ........

طبعا انت لو معندكش فكرة عن الشرح اللي بقوله مش هاترف تعمله لوحدك و لازم ميكانيكي فاهم في البونتو يعملهالك ...... و مش هاتتكلف أكتر من 5 جنيه لأن الموضوع مش بيأخد أكتر من 5 دقائق .

بس لغاية ما الموضوع يتصلح
بلاش تشغل التكييف أدام هو الوحيد اللي بيخلي العربية تسخن .
و لو العربية سخنت ....... بلاش تمشي عليها علشان لو وش السلندر طار ......... فيه شغلانة و مصاريف ملهاش أي لزمة .
ربنا يكون في عونك .

أبعتلي على الخاص ........... حاولت أبعتلك ......... أنت قافل الخاصية

المشاركة الأصلية كتبت بواسطة eng_ahesham

انا رحن امبارح وقيست الفريون لقيته 100 100 والتكيق شغال ميه ميه وبرضه نفس المشكله حصلت معايا النهارده تاني
انا بحب العربيه دي جدا وخايف اكهرها للسبب ده

يا باشا الفريون و التكييف ملهومش دعوة إن كان مشحون أو لاءة .
أنا أقصد مش هو ده السبب اللي يخلي الموتور يسخن .
أحنا بنتكلم عن دورة تبريد الموتور مش دورة تبريد التكييف .