متزعليش نفسك خالص الراجل ده شكله محدث نعمه لانه لو يعرف التعب كان قدر
و متزعليش من عربيته هي برضوا شالتك في مواقف تانيه و ربنا يوفقك و تجيبي الاحسن منها و ساعتها هتقدري الي عربيته قديه و عطلت و تفتكري الموقف ده و تقولي علي الراجل ده غلبااااان
رقم العضوية : 11215
تاريخ التسجيل : 21May2008
المشاركات : 1,853
الاقامة : nasr city
الحالة :
بجد
رخامة وغلاسة وغتاتة
ولولا احترامي للمنتدى كنت قلت ما هو أوجع في الوصف
وأرخم من كدة تيجي من واحد في مقام جد حتى مش أب
عربيتي إللي متتسماش ( و ده لقبها الجديد الحقيقة ) راجعة من عند الميكانيكي بعد الكشف على قصة الدركسيون
فجأة وبدون سابق مقدمات وأنا قرب دخولي يوترن .. شمال ...
فراملها حجرت ونورت كونتاكت وزيت
طبعا وقفت فورا
قلت خلاص العربية باظت
عملت فرامل اليد ودوست فلاشر
واحد بيه محترم بابا جدو ورايا
عمااااال كلاكس فكلاكس فكلاكس
شاورت من المرايا العربية عطلت
مفيش فايدة
روحت نزلة من العربية ومن عصبيتي عليت صوتي العربية عطلت أموت نفسي يعني
قمة الاستفزاز وقلة الذوق والتعالي والغرور
قعد يزعق ويدي كلاكس .. وإللي وراه مستغربين منه .. ومترددين يقفولي واللا مش حيسلمه من غلاسته
المهم البيه قرر أخيرا ياخد يمن ويطلع من جنبي ... ويقوم يقوللي ( إرمي العربية دي في الذبالة )
هو يعني عشان هو راكب فولكس فاجن أحدث موديل بيتريق على عربيات مخاليق ربنا الغلبانة
بصراحة غضبانه منه وعليه ... ومش مسمحاه على جرح المشاعر ده
وأول مرة احس إن قلبي مبآش طايء كدة
ابسط حاجة .. يعدي بدون تعليق .. ويستحمل موقف إني وقفت فجأة
المهم لا هو طريق سريع ولا كان زحمة ولا الدنيا وقفت وعطلت عشان يعمل كدة
ما هو طبعا ... عمره ما حيقدر إن بنته ممكن تكون في نفس الموقف
لإن بنته مش حتركب العربيات الذبالة دي
ربنا يسامحه بقا
ناس ذوق ..ذوق..ذوق.. الصراحة
المهم دارت الرخمتينا ... وكان موقف من مواقفها أم دم تقيل
منك لله يا غلستينا
كم أحبك يا الله
رقم العضوية : 33269
تاريخ التسجيل : 17Feb2009
المشاركات : 1,622
النوع : ذكر
الاقامة : 6 October
السيارة: Hyundai Getz 2005 1.3CC
السيارة[2]: Gen2 2010
دراجة بخارية: -
الحالة :
متزعليش نفسك خالص الراجل ده شكله محدث نعمه لانه لو يعرف التعب كان قدر
و متزعليش من عربيته هي برضوا شالتك في مواقف تانيه و ربنا يوفقك و تجيبي الاحسن منها و ساعتها هتقدري الي عربيته قديه و عطلت و تفتكري الموقف ده و تقولي علي الراجل ده غلبااااان
رقم العضوية : 20705
تاريخ التسجيل : 01Oct2008
المشاركات : 899
النوع : انثى
الاقامة : ismailia
السيارة: shahin
السيارة[2]: maruti
الحالة :
متزعليش نفسك يا نور و ماتعصبيش نفسك خالصصصصصصصصصصص
خلى اللى يقول يقول ( أهو كله بيعمل بأصله)
و ربنا يقويكى على عربيتك و يرزقك بما هو خيرمنها عاجلا غير آجل.
[bor=#f7ff00]سبحان الله و بحمده ...سبحان الله العظيم[/bor]
رقم العضوية : 12057
تاريخ التسجيل : 02Jun2008
المشاركات : 1,310
النوع : ذكر
الاقامة : cairo
السيارة: new accent
السيارة[2]: 128
الحالة :
و لا كنتى تنزلى و لا تعبرية .. الاشكال دى مينفعش معاها غير التجاهل يعقبها نظرة احتقار عميق .
عموما متضايقيش نفسك .. الشوارع مليانة من العينة دى كتير .. اعتبرى نفسك مش شايفاهم
بس اسلوبك جميل و ضحكتينى بجد
خصوصا بعد السفنتينا ما بقت .. رخمتينا .... و كمان غلستينا
الثورة شىء جميل يفكر لها الاحرار ويقوم بها الشجعان ويفوز بثمارها الانتهازيون
رقم العضوية : 21586
تاريخ التسجيل : 09Oct2008
المشاركات : 406
النوع : ذكر
الاقامة : 10th of ramdan city
السيارة: seat ibiza
السيارة[2]: nissan sunny
الحالة :
ولا تزعلى نفسك لو هو بارد خليكى انت اهدى منة
Sorry For Disturbance
رقم العضوية : 11215
تاريخ التسجيل : 21May2008
المشاركات : 1,853
الاقامة : nasr city
الحالة :
معلش يا جماعة ...
بس بجد استغربت الموقف جدا
ومكانش فيه داعي للتعليق ده خالص
طبعا هي عربية فلة شمعة منورة معايا وأصيلة وبنت اصول ( واضح طبعا ؟؟؟؟؟؟؟؟؟ )
بس بردو ...
جرحني في مشاعري جدا
هو ربنا بيرزق الناس
عشان تجرح غيرها
واللا الارض اتعملت للعربيات الغالية بس
ودايقني جدا ... سنه ... معقول
ده لو شاب كان معلش ... أقول أي حاجة في نفسي
لكن ده في مقام أكبر من والدي
حصل خير
وبردو ما زلت مصرة
حتتباعي حتتباعي يا بواختينا
ومن هنا ورايح ... مفيش دلع مفيش مصروف ..
مفيش حتى مام بنزين ..
حتشوفي أيااااااااااااااااااااااا ااااااااااااااااااااااااا م
لحد ما تبكي وتمسحي دموعك بمساحاتك ... وتقولي سامحيني
حقولك نوووووووووو .....
روحي لحال سبيلك ... ما ينفعش معاكي إلا رجل يعاملك معاملة الرجال يا غتتينا ... go a way
كم أحبك يا الله
رقم العضوية : 2192
تاريخ التسجيل : 16Sep2007
المشاركات : 1,032
النوع : ذكر
الاقامة : المحروسة
السيارة: No car
السيارة[2]: verna 1600/2007
دراجة بخارية: no
الحالة :
أهو كدا جرحتي مشاعري أنا كمان و نص رجالة المنتدى :(
------
لابجد شوفي..لو خليتي مشاعرك مرهفة للدرجة دي في مجتمع زي مجتمعنا "مجتمع ذكوري بإمتياز" فحضرتك بعيد الشر يعني هتموتي ناقصة عمر!!
راجل زي دا ماهو إلا مثال للتسلط الذكوري اللي بقى يقرف في العالم حتى برة البيت! و أنا أراهن لو راجل كان مكانك و كان مفتول العضلات و واضح عليه إنه هيعرف ياخد حقه بدراعه مكنش البيه ابو عربية فولكس فتح بؤقه و كان مش بعيد ينزل يزق معاه.
و الدنيا سلف ودين...وهيتردله في بنته اكيد.
رقم العضوية : 34265
تاريخ التسجيل : 01Mar2009
المشاركات : 453
النوع : ذكر
الاقامة : Sharkya
السيارة: --
السيارة[2]: Peugeot 504 /1979
دراجة بخارية: لا يوجد
الحالة :
نصيحة من اخ لاخته
انسي اللي اتقال ده زي محصل معايا قبل كده بس جت بشتيمة وقلة ادب وسب دين
وانا بقولك معلش انسي وربنا ع الظالم
رقم العضوية : 8714
تاريخ التسجيل : 10Apr2008
المشاركات : 1,443
النوع : ذكر
الاقامة : sharkia
السيارة: ..........
السيارة[2]: kia carens
دراجة بخارية: no
الحالة :
ياريت ماتخديش كل حاجه على اعصابك فى موضوع السوااقه ...وبعدين معاه فولكس فاجن. حقه يا ستى
رقم العضوية : 7138
تاريخ التسجيل : 08Mar2008
المشاركات : 8,275
النوع : انثى
الاقامة : ..............
السيارة: .............
السيارة[2]: ..............
دراجة بخارية: ...................زز
الحالة :
ولا مشاعرك تتجرح ولا حاجة
البني آدم مش بعربيته ولا بفلوسه لكن باخلاقه الطيبة
خلي عندك ثقة في نفسك وخليكي شايفة نفسك ديما الاحسن والافضل من الاخرين حتى لو كنتي راكبه عجلة وغيرك راكب طيارة
ياما اتعرضت لمواقف مماثلة يانور بس والله مكنتش بتوصل لدرجة ان اشيل في نفسي كدة
بس عندي ملحوظة جايو عصبيتك في الرد عليه استفزته وخلته يدور على كلمة يحرق دمك بيها
خليكي هادية الاعصاب وردود افعالك هادية تكسب ود الاخرين
المفضلات