تفكير لجعل دورة التبريد افضل

**Opelvectra** · 02-06-2009 10:27 PM

السلام عليكم اصدقائي الاعزاء انا انهاردة كعادتي فتحت الكابوت بتاع العربية و قعدت ابص للخراطيم اللي بتنقل المية و الكلام دا بعد ما ركنت بساعة و نص انا كنت حاسس ان في خرطوم مسرب هوا علشان التبريد مش زي الاول المهم فعدت اقرط بالمقك علي الخراطيم كويس و الكوليهات و كدة و بعدين قولت الخراطيم دية سخنة لية للدرجادي طاب مهو المية اللي جوا نار طاب محنا ممكن نفكر في حاجة نخلي بيها الخراطيم دية اقل سخونة و بالتالي المياة اللي جواها هتبقا اكثر برودة و دا اكيد هيبقا احسن في التبريد و دورة التبريد ياعني مثلا لو جبنا مادة و عزلنا بيها الخراطيم بتاعة المية دية كولها او مثلا نجيب المادة زي اللي محطوطة علي الشجرة بتاعة التكييف اللي هيا مش شغالة عندي :d انا عمال افكر و عاوز اجرب ادور علي مادة فعلا تستحمل الحرارة و نفس الوقت متنقلهاش للخرطوم علشان ميسخنش و نبقا معملناش حاجة يا ريت تشاركوني التفكير بصوت عالي و اكيد كلنا هنستفيد في الموضوع دا

**Sameh** · 02-06-2009 11:18 PM

بس الخراطيم دى بتسخن من جوا لبرة مش من برة لجوا ، يعنى بتسخن بفعل المياه اللى جواها نفسها والعزل فى الحالة دى مش هيكون مفيد بالعكس ممكن يكتم الحرارة جواها وهى كانت بتتسرب منها للهوا فى الحوض

**فادى محمد** · 02-06-2009 11:40 PM

السلام عليكم ... فعلا الميه هي مصدر الحراره وليس الجو الخارجي بالاضافه الي ان الميه هي في الاساس سائل التبريد الاساسي للموتور بما فيه الخراطيم . حاجه كمان هي انك لو عزلت الخراطيم فحيصعب عليك الكشف عليها في حاله حدوث اي تسريب في الدوره وهتحرمها من فرصه التبريد عن طريق الهواء المقابل للسياره اثناء السير علي السرعات العاليه . ده رايي والله اعلم .

**tananybasha** · 03-06-2009 03:56 AM

تنت كده بتزود الطين بله بمعنى ان العزل الحرارى سيقلل من الفاقد الناتج عن ارتفاه درجة الحراة الداخلية مما قد يؤدى إلى أنفجار الخراطيم تماما

**MMamdouh** · 03-06-2009 11:44 AM

اضافة الى كدة ان كمية المية اللى فى الخرطوم مقارنة بكمية المية فى دورة التبريد تعتبر نسبة قليلة جدا جدا و بالتالى حتى لو وصلت لطريقة تبرد بيها المية اللى فى الخرطوم... حيكون تاثير الموضوع دة شبه معدوم لانة بياثر على نسبة قليلة جدا من حجم سائل التبريد

MMamdouh

**Opelvectra** · 03-06-2009 11:56 AM

المشاركة الأصلية كتبت بواسطة sameh

فيه أنواع سوائل كتيرة طبعاً فى محطات البنزين ، ممكن كمان تغسل الرادياتير من جوا لأن بيبقا فيه رواسب كتير وصدا من الداخل بتعمل حاجتين : أولاً بتقلل نقل حرارة المياه إلى جسم الرادياتير الخارجى وده معناه زيادة فى الحرارة ، وثانياً الرواسب دى بتضيق المسارات جوا الرادياتير وبتقلل كمية المياه الفعلية اللى ممكن تملأ الرادياتير وبالتالى مياه أقل = تبريد أقل وحرارة عالية برضوا لذلك أنصحك بغسل الرادياتير خصوصاً إن العربية 94 يعنى زمانها كونت رواسب لا يستهان بها

فيه حاجة تانية ممكن تعملها ، لو حصل إنك غيرت الرادياتير وفيه عندك أكتر من نوع تركبه حاول تجيب نوع نحاس مش ألومنيوم لأن إنتقال الحرارة فى النحاس أحسن كتير من الألومنيوم ، والألومنيوم دايماً عايز يبرد والعربية بتجرى وبيبقا أوحش من النحاس خصوصاً فى الإشارات والوقفات الطويلة والموتور داير

هوا الموضوع اني خلاص جبت ريداتير و دا من سنتين تقريبا لما جبت العربية و هوا شغال ياعني مش بطال بس انا عارف اكيد انو مش نحاس ولا كدة بس انا فكرت تاني في حاجة ممكن نعمل تصميم مراوح صغيرة بماتور قوي علي جسم الريداتير في الحتة اللي فاضية فيه و نوصلها كهرباء و نعملها ترموستات زي المروحة بتاعة العربية بالظبط الاصلي و تشتغل مع الكبيرة و بالتالي الحرارة هتبقا اقل بكتير ولا اية رأيكو ؟؟؟؟؟؟؟

**MMamdouh** · 03-06-2009 12:14 PM

السؤال الاهم من كل دة... هى عربيتك بتسخن زيادة عن اللزوم؟

لاحظ ان فيه حرارة معينة هى دى الامثل لتشغيل الموتور و الزيادة عنها او التقليل عنها مش صح

MMamdouh

-

-

الموضوع: تفكير لجعل دورة التبريد افضل

LinkBack

أدوات الموضوع

عرض

تفكير لجعل دورة التبريد افضل - انشر الموضوع فى :

-

-

-

المواضيع المتشابهه

كيفيه تغير مياة التبريد وعمل غسيل للدوره للبولو وما يشابهها فى دورة التبريد

دورة التبريد

ايهما افضل في تنظيف دورة التبريد ... الماكينة أو التنظيف اليدوي

صدأ في دورة التبريد

40 نصيحة لجعل حياتك افضل

الكلمات الدلالية لهذا الموضوع

المفضلات

المفضلات

ضوابط المشاركة