آخر الأخبار ...
بعد أقل من اسبوع من أخد بطاريتي وبدون تكييف ولا مشي بالليل (بدون أنوار) النتيجة بعد اليوم الخامس مفيش فايده البطارية نامت ودورت الخميس والجمعة الصبح بوصلة برضو..
رحت الجمعة لبتاع البطاريات واتخانقت لأنه سحب البطارية للمرة التانية للصيانة وانا قلت له أنا عايز اغيرها دي بقالها شهرين بس وواضح انهم ناس نصابة لأنهم سحبوها وقالوا لي خد بطارية شبه جديدة ... المهم رسي الموضوع على بطارية استبن علبان ما يشوفوا بطاريتي بس الراجل وهو بيركب قال لي البطارية دي كويسه خدها !!!!!؟؟؟!!!
خلصت فيلم البطارية وطلعت على محمد السيد على طول ...
وبعد تجارب وكونسولتو شفت الآتي:
العربية مفيهاش ماس أو تسريب
شحن الدينامو 14 في السلانسيه و13.8 بعد تشغيل المراوح على السرعة العالية و13.5 بالنور و13.2 بالتكييف
ما قاله محمد السيد:
1. البطارية ترجع لأنها ممكن تكون محجره لأن موضوع عدم الدوارة الصبح دي بطارية وحقك تستبدل بواحدة جديدة وتشوف كرتونتها بنفسك.
2. بعد تغيير البطارية قدام شوية نشوف الدينامو والأريح واحد استيراد من واحد نسيت اسمه بس هو في شارع العشريني.
دلوقت موضوع الاستبدال ده صعب لأنهم ناس مش محترمه وده محل اسمه الروماني في عمارات السعودية وانت داخل على شارع المخابرات من السواح أنا بقول للتحذير منهم.
فأنا محتار اخلي البطارية اللى العامل قالي بيني وبينه خليها وسيبك من بطاريتك ولا اروح أحجر معاهم واطلب واحدة جديدة وادفع فرق استهلاك ولو مارضيوش أعمل ايه؟
أما بالنسبة للدينامو فأنا بقول آخد بنظرية "الصباع اللى يوجع ما عالجوش .. أقطعه واخلص منه" في اسرع وقت..
أفيدوني أفادكم الله.......