انا بتهيالي فيلم احمد عز ( بدل فاقد ) هيبقي كويس ...
عرض للطباعة
انا مش طالبة معايا دم خالص بصراحة رغم إن ناس قالتلي إنه مش وحش
بس كل الأفلام بقت أفلام عصابات مش عارف ليه !!
بفكر أروح سيلينا .
شايف ان محمود عبد العزيز أداؤه كان فيه مبالغة شديدة
الفن فى احيان قليلة بيكون رسالة ... وفى احيان كتيرة بيكون سفالة
ومعظم افلام خالد يوســــــــــــف..... خليط عجيب من السفالة والزبالة
الفيلم من اخراج مروان حامد.
من ناحية الإخراج أنا شايفه عادى مفيش جديد وبعض المشاهد كان ممكن تنفذ بشكل أفضل من كدة بكتير.
القصة تعبانة أوى وغير مترابطة وبصراحة خرجت من فيلم ملوش قصة !!
التمثيل كان حلو من ناحية محمود عبد العزيز وعمرو واكد ، أحمد السقا كان شغال لكن فيه أحسن ، هند صبرى بقى وباقى الكاست كان المستوى متواضع جدا ً.
مستوى الصوت فى الفيلم من حيث الموسيقى والباك جروند كان ممتاز.
فى النهاية الفيلم ياخد منى مش أكتر من 6/10.
مروان حامد = خالد يوسف
عمارة الغربان = حين مسخرة
نفس المدرسة اللاخلاقية وربنا يرحمنا من اللى زيهم
انا رأيى الشخصى ان الفيلم رائع
محمود عبد العزيز جامد جدا و مخلى الفيلم ليه طعم
لأ طبعاً. الفيلم عشان يكون له رسالة مش لازم يقدم حلول مقترحة للمشكلات اللي بيعرضها.
مجرد عرض المشكلة ممكن يعتبر رسالة توعية أو خلق تعاطف المشاهدين مع ضحايا المشكلة أو (في اضعف الايمان) مجرد توثيق للمشكلة. ممكن يكون دور الفيلم هو استفزاز المشاهدين للتفكير في المشكلة وربما الوصول لحلول ممكنة.
وممكن الفيلم يكون من غير رسالة بانه يكون ممتع فقط. مش عيب خالص.
زي كتير من أفلام الأكشن والاثارة والرعب والرومانسية اللي ممكن يكون مستواها الفني عالي من حيث التصوير أو الموسيقى أو حبكة القصة واثارتها ولكن لا تعرض أي مشكلة جديه.
الفيلم وحش و ممل وملوش اى لزمة
المشهد الى ممكن يكون واقعى وكان كويس نسبيا هو الخناقة الى فى اول الفيلم لما راح يجيب المخدرات لوحده وعلى فكرة الخناقة دى تشبه الحقيقة بنسبة100% لانى شفت زيها فى الحقيقة
ومشهد الخناقة بين عمرو واكد و هند صبرى تحس ان المخرج نسى الكاميرا تحت السرير
وهند صبرى عرفت ان احمد السقا قتل ابوها انما معرفتش ان ابوها قتل ابوه
مفيش احترام لعقلية المشاهد
الفيلم مناسب وجذاب حتى سن18 سنة