تعريف الاهمال: عدم القيام بالصيانات الدورية فى موعدها او اهمال البحث عن اسباب اى اعراض غير طبيعية ظهرت على اداء السيارة
مش كل الصيانات بتبقى لان حاجة باظت.... فيه عندك مستهلكات و فيه صيانة وقائية
المستهلكات زى الزيوت و الفلاتر و السيور و البوجيهات ودى بتتغير فى مواعيد محددة موجودة فى كتالوج السيارة لان كفائتها بتقل مع الاستخدام و بالتالى عند نقطة معينة من الزمن او الكيلومترات بتكون قفدت جزء كبير من كفائتها ووجب تغييرها... حتى لو "شكلها" مبيقولش انها بايظة او استهلكت
الصيانة الوقائية و هى تحديدا سير الكاتينة و البكر و الشدادات... دول ممكن يعيشوا اكتر من 40 الف كيلو طبعا بس محدش يقدر يجزم اكتر بكام كيلو... و المشكلة ان لو السير اتقطع العربية حتجيب صبابات بالتالى انت بتغير السير و الشداد و البكل كل 40 الف للوقاية من اخطار انقطاع السير و اتلاف المحرك
باقى المكونات بتتغير لما تبوظ... يعنى محدش ابدا يقدر يقولك تغير رادياتير بعد كام الف او المساعدين بعد كام الف... الحاجات دى معمرة مدة كبيرة (اكبر من المستهلكات) و مبتتغيرش الا لما تتلف فعلا
و فى الاخر من اللى انا شايفة... ربنا يباركلك فى عربيتك و يبارك للى حيشتريها بعدك لو فكرت تبيع
MMamdouh
المفضلات