الموضوع: فين عشاق الاسد الفرنسي

قطع غيار البيجو غالية طحن

مش عارف ليه السمعة الغربية دى عن قطع غيار بيجو مع ان بيجو فى معظم موديلاتها قطع غيارها اسعارها قريبة من عربيات كتير فى نفس الفئات من العربيات ال بنقول عليها قطع غيارها رخيصة
والاخوة فى منتدى بيجو جايبين اسعار قطع غيار واحدة من عربيات بيجو الاكثر انتشارا فى مصر وهى 405 وبصراحة انا شايف ان اسعارها تنافس بشدة ارخص العربيات الكورى مش اليابانى كمان بالرغم من النقطة الهامة جدا فى قطع غيار بيجو وهى انها ماشاء الله معمرة جدا يعنى زى ما بيقولوا
الغالى تمنه فيه والرخيص غالى
دى بالنسبة للكورى واليابانى لكن لو هنتكلم عن باقى العربيات الاوروبى مثلا هنلاقى ان بيجو قطع غيارها ارخص بكتير ان لم تكن ارخصهم

والعربيات كمان غالية - وسعر أعادة البيع مش منافس - علشان كدة هى مش ماشية أوى

فعلا فى بعض موديلات بيجو اسعارها غالية لكن مش مبالغ فيها فى ظل ان اى حاجة وخصوصا العربيات اى عربية فى مصر بقا سعرها مبالغ فيه
وبالنسبة لسعر اعادة البيع البيجو ليها وزنها فى السوق برضه واسعارها ثابتة وماسكة نفسها
اما مش ماشية دى بقا ممكن نقارنها باى عربية اوروبى تانية ماعدا طبعا المرسيدس والبى ام دبليو بالنسبة للبيجو 207 ان شايف انها عربية جميلة جدا سعرها غالى شوية بس مش كتير لكن تمنها فيها ولو هنقاربها بعربيات زى الابيزا والفيات جراند بونتو والبولو سعرها قريب منهم ومش مبالغ فيه
ولو عايزين نعرف قيمة العربية دى بجد وليه تستحق الفلوس
نشوف الفيديو ده وياترى كام عربية فى الفئة دى اخدت خمس نجوم وحققت اعلى مراكز فى اختبارات الامان

http://www.youtube.com/watch?v=ttnWgu2PG18

باشا انا مقولتش ان قطع غيارها مش غاليه انا بقول ان كل الحديث غالى وقلت ان مش كل موديلات البيجو غالية
وبعدين حضرتك بتتكلم عن 206 - مش 207 - فى 2001 يعنى كانت لسه فى مجدها ( اول سنة تنزل فى مصر ) ومالهاش مسمار بره التوكيل ومعروف ان التوكيل استغلال
لكن النهاردة الفانوس موجود ب 400 جنيه
لكن لو هنتكلم عن الغلو بقا نشوف سعر فانوس اى عربية اوروبى تانية
انا اتكلمت عن ال 405 ال اسعارها فعلا رخيصة جدا جدا
نقدر نقول متوسط اسعار قطع غيار البيجو مش غالية اوى ومش رخيصة
لكن برضه الغالى تمنه فيه وال يركب بيجو هيعرف قيمتها وعمره ما هيفكر فى غلو قطع الغيار
بالنسبة للدبابة ياترى لو خبطت اى عربية هيحصلها ايه؟؟؟
ال 206 كانت مع واحد صاحبى وافتكر كنت راكب جنبه وخبط بيها 125 وبامانه ال حصل اكصدام ال 125 وقع والرفرف اتطبق والفانوس اتكسر لكن والله ال 206 ما تخدشت
ماقصدش ان ال 206 اقوى لكن الحوادث مالهاش قاعدة وخسائر العربية مش مقياس على قوتها

بمناسبة الحوادث وان مالهاش قاعدة من كام يوم دخلت فيا عربية ميتسويشى لانسر من ورا والحمد لله ماحصلش عندى اى حاجة لكن بقا اللانسر ربنا يعوض على صاحبها وشها ضاع
وعشان مابقاش متحيز للبيجو من سنيين كان معايا 504 وسايقها واحد صاحبى ودخل بيها فى 405 والمعروف ان 504 قوية وبنقول ان القديم اقوى من الجديد
لكن للاسف الرفرف الشمال عندى اتطبق والفانوس اتكسر وال 405 محصلهاش اى حاجة والراجل حتى مفكرش ينزل يشوف ال حصله
وعموما اساس الموضوع كان بيتكلم عن عشاق البيجو وان محدش بيتكلم عن البيجو يعنى حتى لو اتحيزت او دافعت عن البيجو محدش يلومنى :D :D :D

كان عندى حاجتين عايز أقولهم ( معلش لو هطول شوية )
الحاجة الأولى بالنسبة لل207 الجديدة... الفئة دى من العربيات لا ينطبق عليها ( مبدأ العربية دى غالية على حجمها )لإن اللى بيشترى العربية دى بيبقى غاويها و عايز عربية شبابية و صغيرة و خدوا مثال على الكده عربيات كتير زى الجولف مثلآ و المينى كوبر يعنى بثمن الجولف ممكن تركب إغلى أكتافيا A5 فيها كل حاجة و أكبر حجمآ بس انا واحد من الناس لو هختار هجيب الجولف بدون تردد ...و اللى معاهم جولف قديم يفهوا الكلام ده .. فالمبدأ ده ينطبق فقط على عربيات زى الهيونداى أو نفس فئتها

الحاجة التانية بالنسبة لقطع غيار البيجو
إحنا معانا بيجو 206 موديل 2001 و هقولكوا انا شايف ان الناس اللى لا يمتلكوا البيجو بيبالغوا فى تهويل اسعار البيجو هى يمكن تبقى غالية شوية بس بصراحة معمرة جدآ ...و المفروض انها تتقارن بأسعار الهوندا و او الفولكس فاجن مثلآ لإنها فى نفس الفئة مش تقارنوها بأسعار الهيونداى او اللانوس ( و الله العربيات دى على راسى من فوق :roll: )