شغل في التكييف و تنظيف الإنجكشن

**Akram** · 04-06-2009 01:24 AM

إزيكم يا شباب
انا عملت شغل في اليومين اللي فاتوا في العربية و هو كالآتي :
أولاً شغل في التكييف : و كنت بشتكي من إن التكييف ضعيف جداً و لو شغلته في الظهر بيبقى زي قلته ,,,,
و تم عمل الشغل ده عن طريق كهربائي في ش العشرين و هو راجل محترم و بيفهم كويس في الكهرباء و التكييف,

و الحاجات اللي تمت هي :

تغيير سربنتينة التكييف (لأن القديمة كان فيها خبطة )
عملت تنظيف للسربتنية الداخلية (كانت مليانة شوائب)
شحن فريون (R134a)

النتيجة : بقى فيه تكييف

ثانياً شغل تنظيف للإنجكشن : و كنت بشتكي من اختناق في التسارع و ترشيح زيت على أنبوب الهواء اللي راكب في الإنجكشن ,
و الشغل ده تم عن طريق ميكانيكي في بولاق و دي أول مرة اتعامل معاه و ناس شكرولي فيه و قلت اجربه,
المهم الميكانيكي فك أنبوب خرج الهواء من الإنجكشن و فك الجزء المقابل ليه و المثبت في الإنجكشن و الموجود فيه البوابة و المثبت فيه ايضاً وحدة الإيدل كنترول , و قام بتنظيف الجزء ده ببنزين ثم بسبراي متخصص في تنظيف الكربراتير و لقى سدد في مجري هوءا موجود في الإطار اللي بجوار البوابة و داخله خرطومين صغيرين من الخارج و نظف تجويف الإنجكشن بمنظف الكربراتير , و طبعاً نظف وحدة الإيدل كنترول و بعد ما خلص استخدم المنظف WD40 لوحدة الإيدل كنترول فقط , و طبعاً نظف إنبوب خرج الهواء و فلتر الهواء , و بعد ما خلص دورنا العربية كذا مرة و بطلناها و نستنى شوية و هكذا لحد ما قال كده تمام و قاللي إن ده كمان هيوفر في البنزين و على فكرة أول ما فتح الكبوت بص على الرشاشات و قالي دول مش الأصلي و دول بتوع الهيونداي و إنهم أحسن من الأصلي ,

الحقيقة انا نظفت الإنجكشن كذا مرة عند محمد عبده و كان على طول بيستخدم المنظف WD40 فقط و عمره ما فك الوحدة المثبتة في جسم الإنجكشن و لما قلت للميكانيكي على القصة دي قاللي إن المنظف ده خاص بتنظيف الصدأ و هو بيستخدمه مع الإيدل كنترول فقط لان فيه نسبة تزييت مهمة لوحدة الإيدل كنترول .

النتيجة : لقيت بقى فيه فرق كبير في التسارع و انا كنت فاكر إن الموضوع ليه علاقة برشاشات الهيونداي اللي غيرتها و إنها هي اللي عاملة الإختناق اللي كنت بحس بيه

انا طولت عليكم بس حبيت أقول الموضوع ده علشان الكل يستفيد

**maka** · 04-06-2009 01:28 AM

مبروك ياباشا على الشغل الجديد.....وربنا يباركلك فى العربية

**Akram** · 04-06-2009 01:47 AM

المشاركة الأصلية كتبت بواسطة maka

مبروك ياباشا على الشغل الجديد.....وربنا يباركلك فى العربية

الله يبارك فيك و يباركلك في عربيتك يا باشا

**msobhy** · 04-06-2009 07:53 AM

سؤال يا اكرم باشا
هو كان فاكك البوجيهات وهو شغال ولا لأ
وياريت التكلفه
وبخصوص التكييف تكلفة التنظيف بس كام فى رأيك؟

**nasroo** · 04-06-2009 10:32 AM

مبروك ياباشا
انا كمان لسا شاحن التكييف فرين 134 اشتريت الكيلو ب55 جنيه واستخدمت نصه او اقل كمان بس عندي ريحة وحشة بتطلع اول ما اشغله بس بتروح بعد كده
ايه نظام الميكانيكي اللي انت بتقول عليه ده ومكانه فين بالظبط واسعاره عاملة ايه
والتنظيف اللي انت عملته ده هو تنظيف المنافولد والبوابه ولا حاجة تانية غيره اصل انا كمان مركب رشاشات هيونداي
بس هو كده مانظفش الرشاشات لان تنظيف الرشاشات بيكون على جهاز معين وبتتحط في محلول عشان تتنظف

هنشوفك في المقابلة انشاء الله؟

**Akram** · 04-06-2009 02:59 PM

المشاركة الأصلية كتبت بواسطة msobhy

سؤال يا اكرم باشا
هو كان فاكك البوجيهات وهو شغال ولا لأ
وياريت التكلفه
وبخصوص التكييف تكلفة التنظيف بس كام فى رأيك؟

ابو مروان باشا ,
هو مفكش البوجيهات و مصنعية الميكانيكي 40ج
و تكلفة تنظيف التكييف 60ج

المشاركة الأصلية كتبت بواسطة shiref_mohamed

مبروك يا اكرم
انتا عملت الشغل ده عند الشيخ ناصر الكهربائي صح ؟؟
وياريت تقولنا جبت السربنتينة بكام ؟؟ ...
وكمان عاوزين نعرف هو ازاى نضف الثلاجه الداخليه هل فك التابلوه ولا ضرب غطس من تحته وفك جسم التكييف ؟؟

شريف باشا,
الشغل فعلاً عملته عند الشيخ ناصر
و السربنتينة جبتها بـ 300ج
و هو فك السربنتينه الداخلية بدون فك التابلوه , عمل غطس زي ما بتقول .

المشاركة الأصلية كتبت بواسطة nasroo

مبروك ياباشا
انا كمان لسا شاحن التكييف فرين 134 اشتريت الكيلو ب55 جنيه واستخدمت نصه او اقل كمان بس عندي ريحة وحشة بتطلع اول ما اشغله بس بتروح بعد كده
ايه نظام الميكانيكي اللي انت بتقول عليه ده ومكانه فين بالظبط واسعاره عاملة ايه
والتنظيف اللي انت عملته ده هو تنظيف المنافولد والبوابه ولا حاجة تانية غيره اصل انا كمان مركب رشاشات هيونداي
بس هو كده مانظفش الرشاشات لان تنظيف الرشاشات بيكون على جهاز معين وبتتحط في محلول عشان تتنظف

هنشوفك في المقابلة انشاء الله؟

الميكانيكي في بولاق الدكرور في منطقة اسمها 6 أكتوبر و خد مصنعية 40ج
هو منظفش الرشاشات , هو فك الإيدل كنترول و الجزء المثبت فيه بجسم الانجكشن و راجع كل الوصلات اللي متوصل عليه علشان لو فيه أي سدد و اللي توقعه لقاه ,
ان شاء الله نتقابل على خير.

**Shiref_mohamed** · 04-06-2009 03:11 PM

الف مبروك على الشغل وكويس ان السربنتينة رخصت وبقت بـ 300 جنيه ديه كانت بـ 600 قبل كده

**msobhy** · 04-06-2009 03:27 PM

اكرم باشا انت عارف اخوك بيحب يعمل كل حاجة بأيده لهدفين
الاول انى اتعلم والثانى انه مفيش حد هيدينى الخدمه اللى بعملها لنفسى
ده طبعا غير توفير الفلوس والوقت وطبعا حرقة الدم
ممكن توصف لى ازاى انظف التكيف

**Hany A Fattah** · 04-06-2009 03:55 PM

الف مبروك يا اكرم
بس هو ايه الجزء اللى فى مثبت فى الانجكشن ده (تقصد المانفولد) ؟

-

الموضوع: شغل في التكييف و تنظيف الإنجكشن

LinkBack

أدوات الموضوع

عرض

شغل في التكييف و تنظيف الإنجكشن - انشر الموضوع فى :

-

-

-

-

-

-

-

المواضيع المتشابهه

تم تنظيف سربنتينة التكييف

تنظيف ثلاجة التكييف (سربنتينة) التكييف

تنظيف الرشاشات ( الإنجكشن) بـالألتراسونيك

تنظيف الرشاشات ( الإنجكشن) بـالألتراسونيك

الكلمات الدلالية لهذا الموضوع

المفضلات

المفضلات

ضوابط المشاركة