علامة تمييز عربيتك الجين تو

**MuhammedSoliman** · 04-06-2009 10:41 AM

الواحد وهو ماشي بيلاقي عربيات جين وبعدين بيبقي عايز يعرف مين اللى راكبها ( طبعا ديه حاجه فطرية لملاك الجين تو وخاصه اللى فى المنتدي ) يعنى انا مثلا ممكن أبقى ماشي فى اسكندريه وتعدي عليه عربية فضي احسبها بتاعت الباشمهندس مؤمن وفى عربيبات مميزه اوي تعرفها على طول زي عربيت ماجيك مثلا بس انا بتكلم على البيزك جين تو واللى الناس اللى بيحبوا يخلوها على الاستوك زى حلاتى فقلت أكيد كل واحد فى علامه مميزة فعربيته يقلها يعنى بشوف مثلا جين تو عليها علامة الأبل من ورا وبشوف وحده عليها باركود وبشوف واحد عليها كافي كارلوس ولوجراج وبشوف وحده عليها صورة بنت وولد وبقي عايز اعرف همه مين ( غتاته مش كده ) يا عنى اعرفهم ولا لأ بس المهم كل اللى عنده علامه مميزه فى عربيته يقلها عشان نعرف بعض على الطريق بغض النظر عن استيكر المنتدي

وانا عن نفس عربيتى فيها علامة اللوتس من ور ومكتوب عليها بخط صغير desigen by louts
والعلامة ديه مش هتلاقوها اللى فى عربيتى فقط لسبب بسيط هو انا اللى عملها ومش بتتباع وعلى الهويات من ورا مكتوب louts بخط دهبى صغير
تحياتى
والصوره اهيه :

تحياتى ومستنى مشاركاتكم

**meramor81** · 04-06-2009 12:48 PM

استاذ محمد ماشاء الله الاستيكر بتاعك حلو ومميز فعلا كنت عاوزة اسال حضرتتك من اين احصل على ستيكر مميز للجين تو والبيرسونا لانى عاوزة استيكر مميز يكون عليه امضاء نايل موتورز منتظره ردك
احنا الجين تو بتعتنا اللى يميزها حاجه واحده انها كماهى بدون اى تغيير

**meramor81** · 04-06-2009 12:51 PM

ونسيت اقول انها مكتوب عليها من وراء
fastmotors اعتقد ان كل ملاك الجين تو من عز العرب فقط لكن احنا جبيناها من معرض فاست موتورز

**MuhammedSoliman** · 04-06-2009 01:06 PM

اختنا العزيزة الأستاذه ميرا مور للأسف مش هتلاقي الاستيكر ده خالص لأن زى ما قلت انا اللى عامله على كتر بلوتر من تصميمى ولو حضرتك عايزه تحطي حاجه عليها نيل موتورز يبقي عليكى وعلى استيكر المنتدي وهتلاقي التفاصيل فى اللينك ده
http://www.nilemotors.net/Nile/showthread.php?t=32547

تحياتى

**ahmed_h_g** · 04-06-2009 01:08 PM

شديده علامة لوتس ديه
بصراحه ذوقك عااااالى

**momenhamdy** · 04-06-2009 02:24 PM

موضوع هايل يا دكتور محمد و فكره جامده و جديده

بس علي فكره انا العربيه عندي سوداء زي بتاعت حضرتك
و ممكن تميزها معلق في الازاز الامامي شب لطيف كدا و لونه اخضر و لا بس شورت اصفر هههههههههههههههه

طبعاً انا عارف ممكن تقول ايه الطفل الي راكب العربيه ..... بس بيني و بينك انا بموت في الحاجات دي جداً

و سلامي ليك يا دكتور

**MuhammedSoliman** · 04-06-2009 03:03 PM

المشاركة الأصلية كتبت بواسطة ahmed_h_g

شديده علامة لوتس ديه
بصراحه ذوقك عااااالى

تحياتى يا احمد باشا من ذوقك

المشاركة الأصلية كتبت بواسطة DRguevara

جميلة جدا جدا والله يا دكتور

بص بقا لو شفت برسونا سلفر اسماعيلية اكيد انا عشان مفيش غيرها اساسا

بس انا مفيم ورا و حاطط ستيكر باسم الكلية ابيض

خلاص كده انت إتعلمت

ويا ريت صوره صغيره كده... شعار كلية الطب ولا ايه ؟؟

المشاركة الأصلية كتبت بواسطة momenhamdy

موضوع هايل يا دكتور محمد و فكره جامده و جديده

بس علي فكره انا العربيه عندي سوداء زي بتاعت حضرتك
و ممكن تميزها معلق في الازاز الامامي شب لطيف كدا و لونه اخضر و لا بس شورت اصفر هههههههههههههههه

طبعاً انا عارف ممكن تقول ايه الطفل الي راكب العربيه ..... بس بيني و بينك انا بموت في الحاجات دي جداً

و سلامي ليك يا دكتور

لا بالعكس طب هقولك حاجه انا عندى دبدوب صغير اوي مشعلقه فى الفتيس بتفائل بيه اوي بقاله عندى من ساعة ما ركبت العربية وهو معايا ........ يعنى كده عربيتك فيها الواد ابو شورت اصفر ( ياريت صوره صغيره ليه يا هندسه

تحياتى

يبقى كده :

1. محمد سليمان جين تو سوده عليها علامة اللوتس اسكندرية
2. ميرامور عليها علامة فاست موتورز قاهرة
3. د. جيفارا بيرسونا فضى مفيم وعليه شعار كليته اسماعيلية
4. مؤمن حمدى واد بشورت اصفر فى المريا جين سوده اسكندرية

تحياتى مومستنى الباقي والصور