اقتباس المشاركة الأصلية كتبت بواسطة dr.mohamed مشاهدة المشاركة
احنا يا جماعه هنفضل ساكتين لامتى على قله الذوق الامتناهيه من الشعوب العربيه
دوله قطر وقناه الحصيره شوفوا النهارده الكلام عن مصر والحقد الواضح و التركيز على حاجات تافهه
سوريا التليفزيون السورى الوحيد الى ما جابش الخطاب مش عارف مش عاجبهم ولا ايه ؟
قناه الحصيره بعد الخطاب جابت الناس فى فلسطين و بتاخد رايهم وكل ما واحد ييجى يتكلم عن مصر ويشكر يقوم الحيوان الى بيقدم يقوم قاطع الكلام بسؤال تانى يعنى قصر واوعى تجيب سيره مصر
وامبارح متصل واحد قطرى بعمر اديب يقوله مصر كلها مشاكل و ابسط مثال انتخابات الزمالك شفتم الهيافه وصلت لايه ؟ بتوع قطر بقم بيتكلموا عن مشاكل مصر شفتو الدنيا
ولا ادخلوا المنتديات او موقع الحصيره وشوفا الحقد وانه ازاى يتعمل الخطاب فى مصر وانه خطاب فاشل
شوفوا قناه الحصيره العربيه بعد الخطاب لما تجيب واحد ايرانى ويقول اوباما ده فاشل وزى بوش ومصر المسانده لاسرائيل وانه مصر والسعوديه محطات صهيونيه
ولا وقت لما مات حفيد الريس اه لو تشوفوا التعليقات و الشماته اكيد ناس كتير منكم قرت وشافت
انا عايز افهم بس هنفضل نسكت على الكلاب دى لحد امتى؟
خايفين من اخواتنا الى عايشين وشغالين هناك .
لو احنا بنرد وبنعرف ناخد حقنا وبنرد جامد والله ماحد هيقدر يفتح بقه دى امور دوليه يعنى ما ينفعش يعاملوهم وحش ما ينفعش يطردوهم
لازم حل ؟
انتم رايكم ايه
يا دكتور محمد، بفرض خبث النوايا من البعض في الحديث عن مصر، لا يجب ان ننساق وراء هذا الكلام ونرد بدورنا بكلام من نوع "بتوع قطر بقو بيتكلموا" أو من نوع "هنفضل نسكت على الكلاب دي لحد امتى".

احنا كده بننجر لخلافات تافهة وبنقع في بعضينا زي ما اعداءنا عايزين.
ملاحظ ان الكلام دلوقتي بقى عن دول الممانعة ودول الاعتدال؟
ملاحظ ان الكلام دلوقتي عن الخلافات العربية - العربية وعن ضرورة الحوار العربي - عربي؟
ملاحظ ان عن ايران وكأنها عدوتنا واسرائيل حبيبتنا؟

هتقولي ما الجزيرة هي اللي ابتدعت مصطلحات من نوع دول الممانعة والاعتدال.
وانهم بيتكلموا عن مصر وكأنها اسرائيل. كأنها هي التي قصفت غزة.
أيوة معاك حق، بس ده مبرر اننا نتجر وراء العبث ده ونحقق لاسرائيل مخططها في التفريق بيننا.

يا راجل ده أنا شوفت برنامج على قناة الحرة الأمريكية جايبين فيه "خبير اسرائيلي في الشؤون الايرانة" بيكلمنا نحن العرب عن مخاطر ايران والمد الشيعي!! وبيتكلم منين؟ من القدس المحتلة.

الجزيرة صحيح كانت بتحرض على مصر لكن في نفس الوقت نقلت المجازر اللي بتحصل للفلسطينين بكل فجاعتها للمواطن العربي. اعلامنا الهمام تفرغ للرد على تحريضات الجزيرة واتهام حماس بالتهور عدم الاكتراث بأمن شعبها. ماسمعتش كلمة في حق اسرائيل، المجرم الفعلي ومرتكب المجزرة. يا راجل في تصريحات لمسؤولين مصريين اتقالت بالنص من مسؤولين اسرائيلين. كلام من نوع "حماس هي المسؤولة. حماس تهديد لأمن شعبها"

اخوك الصغير بيشتم فيك عشان لم تأخذ (أو على الأقل لم تساعده) في أخذ حقه من الغريب. تقوم انت ماسك في رقبة أخوك وسايب الغريب بيتفرج ومبسوط؟