الموضوع: عايز راى ونصيحه صادقه

المشاركة الأصلية كتبت بواسطة hkyfgvyiyu

مش عارف ابد منين بس هبدا بسبب انى احتجت النصيحه من اعضاء المنتدى (اى ناس معرفهمش ولا يعرفونى) لانمينفعش اخد راى اهلى ولا اصحابى المقربين لانهم هيريحونى وانا مش عايز ارتاح انا عايز اختار الصح البدايه انى حبيت واحدا جدا وهيا حبيتنى بجد وصدقتها بس المشكله ان هيا عرسانها كتير وانا فى رابعه طب يعنى قدامى على الاقل اربع سنين لما اخل واكون نفسى دا لو مكنش اكتررررررر وقالتلى متخفش و و و و كدا وانا هستناك عمرى وو و و الكلام المبيتنفذش المهم فضلنا على كدا سنه المهم حصلت حاجات كدا فى فتره معينه خلتها تحس انى بخونها وسبحان الله كانت كل الشواهد ضدى تعبت هيا اوى وساعدتها والدتها طبعا انها تبعدنا عن بعض وبالفعل جوزتها لواحد اكبر منها بعشر سنين حولت معاها بكل طريقه مش حاولت انها ترجعلى بس حاولت انى افهمها الحقيقه ووسطلها ناس حتى انى لجات لاحد العضوات فى المنتدى هنا لانى توقعت من السكن انها تكون جارتها او تعرفها بس مساعدتنيش الحقيقه بس ما علينا اتجوزت شهرين جوزها عذبها على حد كلامها وبعدين اطلقوا المهم بعد مطلقت شافت الفتكرت انى بخونها معاها بعد مسالتها عن حاجات وكدا والتانيه قالتلها انه زى اخويا وكدا بتتصل من اسبوع بتقولى انا ظلمتك وحكتلى على كل الحصل ومش عارف قابلتها مرتين بس مش عارف اذاا كنت بحبها ولا لا انى هامنلها تانى لما تقولى مش هسيبك ولالا لانى طبعا لسا قدامى كتير فى مستقبلى ومن حظنا عدم فوز مرتضى منصور بالانتخابات الفاتت انقطع املى فى العوده للنادى ال كان ممكن يخلينا نرتبط اسرع وخلاف كدا اهلى ازاى هيتخيلو ابنهم بيحب واحدا مطلقا والمشكله الاكبر انى كنت بدات انساهاااااا عايز نصيحهه بجد

نصيحة..بلاش ترجع تانى طالما كنت بدات تنساها فى فترة انت بتقول انها شهرين يبقى مكنش حب صادق من البداية..واكيد ظروف الخيانة دى من ترتيب ربنا سبحانه و تعالى..يبقى اكيد هى مش نصيبك
وارجع اقولك استخير ربنا وشوف ايه الهيحصل..بس انا شايف فكرة انك تتزوج من مطلقة وهى السابتك نتيجة لعدم الثقة فمعتقدش انها ممكن تسعدك فى حياتك الزوجية!
اكيد هتلاقى واحدة تانية ترتاحلها وتحبها وتكون مناسبة لك اكتر!

الحب اجمل احساس فى الكون وانت عملت اللى عليك وحاولت تفهمها انك مخونتهاش وهى مش اديتك فرصة ومحاولتش تسمعك

كمان انت لسة قدامك وقت على ماتنهى دراستك وتشتغل وتبنى مستقبلك

واذا كانت منتظرتش وهى بنت معتقدش اهلها هيخلوها تستنى وهى مطلقة

ومادمت بدأت تنسى ومش عارف لسة بتحبها ولا لأ فانصحك تبدا حياتك من جديد

وما تفكرش فى اللى فات

تسمحلى اقولك على حاجة ومن غير زعل

لو انت فعلا لسة بتحبها ومتأكد من حبك ومشاعرك ليها وتقدر تسامحها وتكمل معاها

مكنش جيت وسألتنا مجرد التفكير والحيرة اللى انت فيها معناه ان حبك مش ثابت ولا قوى ولا صعب تنساه

الحب الحقيقى بيفرض نفسه وبتعرفه لوحدك من غير سؤال ولا حيرة

اللى بيحب بيسامح وبيغفر وبينسى الاساءة مش بيفكر ويتردد ويقارن

ربنا يوفقك لما فيه الخير لك