5_6

التاريخ دا مش بيفكركم بشئ؟؟؟

أنا مستغربة انه معدي علينا مرور الكرام

للدرجة دي شغلنا أوباما عن أكبر نكسة _من وجهة نظري_ في تاريخ مصر

إنشغلنا بيه عن ابويا واخوك وعمك وخالك اللي اتهدي دمهم في الحرب
دمي اتحرق ..لما لقيت كل الميديا منشغلة بالزيارة دي متناسية الذكري المهمة دي

اللي يوم ميفكرونا بيها ملهمش غير شوية افلام فكسانة الرصاصة لا تزال في جراب موبايلي
وما شابه


يمكن مش كتير مننا عاشوا الفترة دي وأولهم أنا

بس كل لما افتكر ان ست ايام حرب اسفرت عن مقتل

11500 جندي مصري و2500 جندي سوري و 700 جندي أردني

بحس إننا نلف في دائرة مغلقة

ركزوا معايا كدا في الفيديوز دي واسترجعوا الذاكرة

[youtube]http://www.youtube.com/watch?v=x-AqfqhiLT8[/youtube]


ودا كمان

[youtube]http://www.youtube.com/watch?v=XgyFSwlfej4&feature=related[/youtube]

تفتكروا اي اللي اتغير علي مدار أكثر من 30 سنة


تفتكروا لو اتعرضنا علي نفس العدوان دلوقتي مين هيحارب؟

محدش يقلي الجيش

المحارب مش هو اللي بيتشد من قفاه علشان يأدي خدمة عسكرية

المحارب هو اللي بيكون عنده إيمان بالله وروحه معلقة بنصر أو شهادة

تفتكروا المناظر اللي بنشوفها اليومين دول حوالينا اللي كل اللي تعرفه عن سينا

شرم ودهب اللي بيروحوا يشتوا فيها وقلنالهم سينا اتخدت_وأئمل انها ترسي علي سينا بس_

تفتكروا اي رد فعلهم؟؟؟

تفتكروا هيصمدوا اد ايه؟؟

تفتكروا اصحاب مقاليد الحكم هيكون عندهم الشجاعة الكافية للتنحي زي معمل عبد الناصر؟

المشكلة ان كل اللي في ايديهم التنفيذ غير قادرين علي الحلم...والقادرين علي الحلم مستحيل

يكون في يوم في ايديهم قرار التنفيذ في يوم من الايام
اسئلة كتير حسة اني لو عرفت اجابتها الحقيقية نفسي هتتسد